السر

23

و اول ورقه فيها رساله مكتوب فيها الي : عوضية(امي) ، انا فتشت عنكم كتير لمدة سنين طويله و جيت الخرطوم عشان اشوف اولادي و اجيبهم يعيشو معاي ، و مصاريف زينب و اسامة انا بحولا اول بالاول و بقيتي ما بتردي علي ان شاء الله خير ..
الامضاء : ابراهيم
ابراهيم !!! يا ربي الجواب دا بتاريخ كم ، يا رب زينب ركزي ركزي ، لالا ما قديم الورقه دي جديده ، طططيب ليه داسنها ، معني كدا ابوي دا لسه عايش ، فتحت الورقه التانيه لقيت عنوان ( .....)
فتحت ورقه تانيه من الظرف ، فيها جواب من ابوي ، يا عوضيه بتمني تكون جواباتي دي بتوصلك ، لو بتوصلك ردي لي انا سالت عنكم ما لقيت طريقة ..
الامضاء : ابراهيم
فتحت الظرف التاني الفيهو الاوراق ، لقيتا اوراق تنازلات عن بيت كان مسجل بأسم ابوي و ورقه تانيه عن دكان ، و شهادة وفاة بأسم ابراهيم عبدالرحيم محمد الجيلي و الورقه ظاهرة انها نسخه و مكتوبه بخط اليد ، ، فتشت تاني ما لقيت حاجه ما حسيت الا بدموعي بتنقط في الورق ببكي بس ما قادرة افهم الحاصل اذاً كدا ابوي عايش ، طيب امي داسه ليه و ليه قاسيه كداا و ليه ابوي جاب سيرتنا اتا و اسامة و ماجاب سيرة اريح وهاجر ، بس ببكي ، لمن انس جا داخل بصوتي ، جا حاري علي قال لي مالك ؟ قلت ليهو مافي حاجه ، قال لي لو في كان عملتي شنو بتبكي زي الميت ليكي زوول ، قلت ليهو ابعد عني ، قوم وديني بيتنا ، قال لي عارفه الساعه كم ؟ قلت ليهو ان شاءالله الساعه 100، قال لي براحه في شنووو
جات امو داخله ، لانو الباب فاتح ، عاينت لي بنظرة غريبه ، قمت طوالي علي حيلي ، قالت لي انتي عارفه انا حبيتك من شفتك و كنته حفاتح يوسف ولدي بخصوصك ، بس قعادك في غرفة ولدي زي المواعيد دي ما غلط ؟ و ثم تانياً اهلك وين سايبنك كداااا ،
طبعا انا احترمتها لانها في مقام امي و ام اغلا اتنين في حياتي ، اي نعم بتعرفني و تعرف اسامة بس اسأت لي و اعتمدت علي انس انه يدافع عني ولا علي الاقل يقول ليها مرتي ، قلت ليها انا ما قاعده هنا ساي ولا بسمح لنفسي انفرد مع راجل براي بغض النظر عن المواعيد ، و ازيدك من الشعر بيت انس عاقد علي ، بس فتحت خشمها و نططت عيونها ، قلت لانس فهم امك سامعا و ساكت ، قاليها ، ايوة عقدت عليها بس زواج اضطرار و حطلقا بعد ايام ، قالت ليهو ظروف شنو دي البتخليك تتزوج من غير علم اهلك ، اختك حبت اسامة وقالت دايراهو قلنا خير لكن كمان ما لدرجه تتزوج من غير علمنا ، قلت ليها يا خاله زي ما قاليكي زواج اضطراري( قلتها بحرقة قلب ) و مؤقت و انا اصلا لو كنت في وعي ما كنت حوافق ، و انا قدامك بطلبو يطلقني في اللحظة دي ، زعلت و طلعت ، عاينت لانس قلت ليهو تصدق ان شخصيتك ضعيفه و عكس الكنت متوقعاها ، انا دايراك تطلقني انت متلصق فيني مالك ؟ ممكن افهم ؟ قال لي طلاق ما بطلقك ، قلت ليهو لا تطلقني و رجلك فوق رقبتك ما علي كيفك ، قال لي كلميني بادب ، قلت ليهو الادب الزمن دا ما بيأكل عيشش فضلاااا طلقني ، قال لي ما بطلق يا زينب ، قلت ليهو طيب ما تطلقني ، عايزة ارجع بيتنا ممكن ترجعني ؟ قال لي جدااا
خشيت الحمام غسلتا وشي و غيرت لبست عبايتي ، و قلت ليهو يلااا ، شلت شنطتي ومشينا ، وصلنا البيت 2:30 دخلت من باب اسامة ، لقيت انس داخل وراي ، قلت ليهو عايز شنو ؟ قال لي عايز اتكلم مع اسامة ، سكت و دخلت لقيتو بتكلم مع ريم في التلفون ، اتخلع شديد ، قلت ليهو مالك ؟ قال لي جايبكم شنو انتو ؟ قلت ليهو عندي موضوع ما بستحمل لحد الصباح ، قال لي خير !!! قال لي ريم اقفلي برجع ليكي ، قفل و قعد طلعت الاوراق و طبعا انس ما عارف ولا فاهم حاجه ، اسامة بيقرا بهمجبه وتوتر و يدو دي ترجف ، قلت ليهو روق ، مشيت جبت لبهو مويه ، وانس بيسال في شنو مالكم انتو ، اسامة دا شاف شنووو ، ودي شنو الاوراق دي ؟ عاينت ليهو وسكت و دموعي جرو مع اسامة ، خت الاوراق و مسك راسو وبقي يحسبن و يحسبن ، قلت ليهو اهداااا
انا من البدايه كنت حاسه في حاجه غلط بس لسه ما قادرة افهم ، انا م قادرة انتظر لمن الواطه تصبح لازم نمشي العنوان دا ، قال لي لسي نمشي ، قلت ليهو اسي م بينفع الواطه قربت تصبح صبرنا كتير ، اسامة جا شال الاوراق و براهو بيقراا ، و علامات التعجب في وشو ، قال لي الاوراق دي اكيد الكلب هو الداسيها ، انا لازم امشي معاكم ، هجتا فيهو قلت ليهو تمشي وين ؟؟
بصفتك منو تمششي ، حاشر نخرتك في حياتنا مالك ؟ منو طلب منك تدخل بياتو حق انت قادر تدير حياتك ولا تتحكم فيها عشان تدخل في حياتنا ؟ ابسط القرارت ما قادر تتخذا و ماعندك شخصيه ، و انا زول ما متشرف بي و متبري مني في حياتو ما بيلزمني في حياتي ، و عارف وشك دا انا ما خابه اشوفو يا انس ،
اسامة لطشني كف ، قال لي انتي مجنونة
اتكلم بأدب دا راجلك و في مقام اخوي و وقف معاكي في اصعب لحظات حياتك ،
مدا تشكريو ،
قلت ليهو حا اليوم التمد يدك علي فيهو يا اسامة ، راجلي الانت بتقولو دا انا قبلت امشي معاهو البيت عشان خاطرك و عشان اقدر تسافر للعلاج ، و يوم اتهنت قدامو بدل يدافع عني هااااني زياده و قدام اقرب الاقربين ليهووو ، و طلعت خليتهم ، مشيت غرفتي رقدت من البكا راسي داير يتشلا ، ،
في جانب اسامة و انس : اسامة ساكت
انس قاليهو انا ما كذبت عليك يوم قلت ليك بحب زينب بس في اسباب مزعلاني منها وانا اتعاملت كداااا بس عشان متضايق و فعلا ما قادر اخد قرار ، اسامة قاليهو : انس اسكت لاني ما حابي اخسرك كراجل الفيني مكفيني ، و زينب تطلقا لو فعلا ما حابي تخسرني انت طبزت عيوني البشوف بيها يا انس عارف عيوني ؟ زينب دي عيوني ......

استككانة 🍹~|بقلم/سحرسمير|

يتبعع ......