السر

11

و رميتو ورميت نفسي من فوق السطوووح 💔 و بعدها ما حسيت بأي حاجه ، كأني وقعتا في غيمة يمكن ، لالا ما يمكن اكيد دي من رحمة ربنا علي ،
(حأسرد باقي الاحداث حسب ما حكوها لي )
قالو ان كان في اتنين بناين في قطعه قصادنا ماخدة زاوية ، واحد كان بيشيل رمله بالدرداقه بتاعتو ، و هو الشافنا ، و بقا يكورك يا بكري حصصل يا بكرري حصصل ، طبعا العامل الجينا لقيناهو اختفي تماماً ، و ريم في اللحظة دي وصلت السطوح ، لمن سمعت البنا دا بيكورك يا بكري حصلني ، فضول منها عاينت من السطوووح ،
بس بقت تكورك و شبه انها فقدت عقلها للحظات لدرجه انها كانت ماشه تجاه الحافه بتاعت السطوح و مادة يدهااا ، و جرت نزلت و تصصرخ زينب يا زينب ، لحد ما وصلت لقت البناين ملمومين حولنا ، جات تمسكني واحد من البنا مسكا و قاليها ما حينفع تلمسيها ، الا الاسعاف يجي و بقت تضرب في الولد كيف يعني اخليها تموت و تصرخ يا زينب قومي زينب عليييك الله قومي والله تاني ما اناديكي محمد و لا استخف بي شكلك ، زوبا ، رغم ان الزفت دا مجدوع جمبي لكن من خلعتا و صدمتا فيني ما لاحظت ليهو الا اسي ، طلعت التلفون واتصلت علي انس ، وهو بيرفض المكالمة و تتصل وهو يرفض ، في الاتصال التالت رد ليها انا جمبكم جاي عليكم مالك عندك صبر و بقت تسكلب ليهو و تبكي ، بقوليها ريم مالكم في شنو و ريم تبكي ، ما قدرت تنطق بحرف ، و صلت الاسعاف مع وصول انس ، و شايف الناس جايطة وما فاهم حاجه و دم في الواطه و نقالتين ، شاف ريم من بعيد بتبكي ، بيرجف و دموعو في وشو ، بقول ليها دا شنو حصل شنو في عامل وقع و بعدين انتو المقعدكم شنو لحد الزمن دا ، اتوتر و خايف يسأل عني ، بس برك في الارض و بقي يبكي ويكورك زي الطفل ، خايف يسال عني يقولو ليهو ماتت ، ريم جرتو قالت ليهو قوم الاسعاف حيتحرك قوم نمشي وراهم ، و مشو علي كدااا لا عارفني حية ولا ميته وانتو عارفين اسعافاتنا ما مهيأة للدرجه دي كان كتر جهاز اوكسجين و دمتم سالمين ،
بعدها بساعه حتي وصلنا المستشفي لانو المسافه بعيدة ، دخلونا غرفه عمليات وحدة لمن وصل انس و ريم كانت في شرطة و جوطة و ما للقين زول يفهمن حاجه ، انس تتجاري بي اتجاه و ريم بي اتجاه ، كل القدرو يعرفو اني في العمليات و راسي متاثر شديد، ابتدوو يحققو مع انس و ريم بطريقه وحشيه و عنيفه شديد و خصوصا ريم لانها كانت في مكان الحادث وهي من الخوف ساكته و مرعوبه فجاه كل حاجه حصلت و ما فهمه ، ابتدو يسالو عن اهل الراجل المعاي ، ريم قالت ليهم البعرفو انو ابوها ، طبعا انس عارف القصه كلها ، بس هو شاف النقالات و ما عارف المعاي منو او الوصلني للمرحله دي شنو ، لمن ريم قالت للمحقق دا ابوها ، انس وقف علي حيلووو ، قاليها ابوهاااااا ( بأعلا صوتو ) الله ينعلك يا كلب يا تافهه الله ينعلك ، اصلاا انا السبب انا الاستاهل العقوبه انا الخليتكم براكم في مكان مقطوع زي دا ، الله ياخدني و يكورك زول قادر عليهو مافي ، ريم مخلوعه ، و ديل مسكو لمن حسو انه عارف حاجه و ابتدو يستجوبو ، ابوهاا !! ابوها كيف و عايز يغتصبا ؟
انس قاليهم يغتصبااا !! كيف يعني
رد ليهو ان لقو الجزء التحت مجرد من الهدوم ، فلمن كان واقع كان واقع كداا ، ريم قالت ليهو انا مسافه نزلت لقيتو مغطا ، يعني البناين غطو عشان يسترو ولا الحاصل شنو ن و داااام الاستجواب لفترة اسبوع كامل ، انس الشكوك كترت حولو لانو ما بتكلم وردو فعلو المجنونة كلها بتدل علي انه عارف حاجه و داسيها ، اما انا كنت في الانعاش ، و بعدها بتلاته يوم عندي عمليه تانيه بتاعت نزيف ، عملو الاولي بس م نجحت ، اما ريم ما فوتت يوم ما جاتني فيهو ، وكل الفترة دي و اسامة اخوي براهو ما عارف حاجه ، و انس جاري و يوسف كمان بقي جاري معاهم ، موقفين لمن في باب غرفتي و قبل ما يطلعوني عملوني متهمة ....( ...)
في اليوم دا انس قال لي ريم ان لازم تمشي لاسامة ، و تشوف وضع بيتنا شنو ، دا اذا امي فقدتني اصلاا ، فعلا مشت بيتنا
و دخلت لقت امي ماسكة راسهاا ، سلمت عليها و قاعده منتظراها تسالها مني لكن الحصل عكس المتوقع ........

استككانة 🍹~

يتبع ......