السر

5

مشيت علي الغرفة، ختيت يدي في اكرة الباب عايزة افتح كدااا ، سمعت امي بي وراي بي نهرة ، وجرتني من هدومي ، انتي حيوانه ولا جنسك شنو ؟ كان ما بتفهمي العربي وريني كلمتك مليون مرة انا غرفتي دي ما تعتبيها لا انتي لا وحدة من اخوانك ، انا ذُهلت من رده فعل امي ، اي نعم كل مرة بتشاكلني و تمنعني اقرب من غرفتا بس ردة الفعل كانت زيادة ، امي دي حنينة و طيبه زي اي امن من شفع قمنا بي محبه ،
بس فجأة الحال دا اتقلب رأساً علب عقب و تساؤلات كتيرة جواي ، و الاغرب من كدا ان مافي وحدة من اخواتي بتسال و عايشين حياتهم عادي جداا ، و متأقلمين مع الزفت دا ، المهم انا بعد كلام دا بقيت مخلوعه واقفه في مكاني بس طوالي مشيت و دموعي دي نازله زي النار ، مشيت غرفتي ، لقيت اريج بتقلب في الدولاب حقي ، قلت ليها مالك بتقلبي في دولابي عندك فيهو شنو ؟ قالت لي يعتي انا اسي قلبتو ؟
قلت ليها عارفه انو خلقة مقلب ، دايرة شنو انتي اسي ؟ قالت لي قميصك الكاروهات بالاحمر ، قلت ليها اتشال بالمكوة و دخل المطبخ تمارات ، قالت لي طيب الرمادي الطويل ، قلت ليها خلاص زحي كدا بشوفو ليكي ، دنقرت شالت شنطتي ، اديتا القميص و قلت ليها استني افضيها ليكي ،
قالت لي فاضيه اساساً قلت ليها تمام ، سمعت صوت الباب ، ماشه افتح لقيت اريج فتحت
و طلعت ريم ، من شفتها والله فرحتا فرح سلمت عليهاا ، و قعدنا في الحوش ، جات سيرة الجامعه و هي زاتا طلعت تنسيق الخرطوم ، اتشجعتا شويه غايتو لكن الطيران غايتي ، المهم قلت ليها اني it و ما حابه صراحه ، قالت لي خلاص بحول معاكي و نكون سواا ،والله بسطتني شديد ، قلت ليها بس رغبتك ، قالت لي انا رغبتي التصاميم وكدا ، و الله فرحتا قلت ليها وانا برضو ، المهم ريم دي بحسها كدا نصي التاني حبيتا شديد و زوله تدخل القلب ، المهم بقينا علي انه بكرة حنمشي نشوف وضع الجامعه و كداا ، جات علينا امي سلمت علي ريم ،
و حمرت لي و برطمت قالت لي اسي ما عندك نظر تعايني لصحبتك دي كان بقيتي شبه البنات ، سمعتها و ضحكتا عملتو هزار ..
روان قاعده و حاسه انه عندها حاجه دايرة تقولا لي .. ف سبحان الله قلت ليها ارح نتونس جمب اسامة ، البت سبحان الله ملامحا كلها كأنها ابتسمت ، طوالي قامت قالت لي ارح ، قلت ليها صحي انا نسيت ما سالتك انتي جيتي مع منو ؟ في زول ف الصالون عشان اخم لي توب ، قالت لي يوسف بس ، قلت ليها لحظة طيب ، مشيت لبست لي توب ، و شلت حبة الكالسيوم و مشينا ، سلمنا و قعدنااا ،
علي الرغم من اني رغايه و بصرف عربي كتير الا ان يوسف دا المرة التانيه الاقيهو بس بتخرص جمبو بصورة غريبه ، و بفضل اغلب الوقت ساكته ..
قعدو شوية و بعداك قالو يمشو ، قلت لروان علي اتصال بالنسبه لمشوار الجامعة ..
قالت لي اتفقتا ، ماشه و عيونها علي اسامة ، بعد طلعو ، قلت ليهو انت ما ملاحظ حاجه ؟
قال لي زي شنو ؟ قلت ليهو عامتاً كدا ؟
قال لي اتكلمي من غير الغاز ، قلت ليهو انسي ، عايز مني حاجه ؟
قالي الصداع كيف ؟ قلت ليهو تمام بكتير حمدلله ، مع اني نايمة اليوم كله ، لكن نعسانه ، و صحي ما كلمتك انا بكرة بمشي الجامعه روان شجعتني و قالت بتقرا معاي it , قال لي حلو شديد ، ف بكرة بمشي و اجي اوريك برامجي كلهااا ، قال لي اهم حاجه ثقتك في نفسك زي ما اتفقنا ، قلت ليهو اكييييد ..
مشيت رقدتا ، طوالي نمت لاني مرهقه و لسه بتخايل لي الحصل معاي دا ، بستغفر بس ، صحيت زي الساعه 7 كداا القومة بقت لي صعبه شديد ، و روان متفقه معاي 8 نتحرك ، بعد نص ساعه انا لسه في مكاني ،
و عين مغمضه و عين مفتحه ، دقايق مافي بابنا خبط .....

استككانة😘 ~

يتبع .....