السر

6

م عارفه منو فتح .. جاتني ريم داخله
قالت لي انتي لسه في السرير بتبالغي والله
قلت ليها ياخ خلي بكرة و الله مرهقه و امس كانت عندي حمة ، و مثلت ليها تمام
بعد دا قالت لي بتحلمي كان خليتك ، علي فكرة انحنا فايتنا كتير ، فاااا قومي علي حيلك ، قمتا مشيت نكدتا دولابي ، جدعت لي قميص و اسكيرتي تحلفو تقول طالعين من خشم بقره من شدت ما مكرفسين ، قلت ليها قبلي كدا خليني اللبس ,
قالت لي تلبسي شنوووو !!😳😳 قلت ليها حلبس شنو يعني ، قالت لي ما حتخشي حمام ؟ قلت ليها بعد اللبس بعد اللبس ، قالت لي دينب م تهزري و احلفي انك حتمشي بملابسك دي ، قلت ليها ليه مالهم ،
قالت لي ملاله و الله ما تطلعي بيهم خطوة من هنا انتي جنيتي ، يا بت انتي ماشه جامعه متلقي طلاب من كل الاماكن حتي لو ما للناس عشان نفسك ، قلت ليها خلصتي ؟ قالت لي ايوة ، قلت ليها هناك في اكل و لا اكل هناااا ،
ما حسيت الا بالمخدة في وشي 😹😹
قالت لي انجري علي الحمام يا زينب ، جريت قبل تجي تكفتني ،رجعتا لقيتا كاويه لي القميص و الطرحه والاسكيرت ، قلت ليها لازمتو شنو دا اسي ؟
قالت لي دي حاجات كدا المعفنات الزيك ما بيعرفوهااا ، ف ممكن تلبسي بسرعه ، قلت ليها قبلي مني ، قبلت لبستا سرعه سرعه ، بقت تصلح لي يا حليلا ، قالت لي يدك ملفوتك غايتو حمدلله ، طلعت روج من شنطتا ، قالت لي اقيفي اعملي دا ، قلت ليها سمح ، شلتو منها جلبطه خشمي جلبطة السواد و الرماد ، قالت لي انتي ماوكلي بيقرب ليكي شنو ؟ زينب انتي كيف ممكن تكوني بالهمجية دي ،
يا بت انتي عايشه وين ، علي العموم نأجل الكلام لبعدين ، جيبي منديل ، و مسحتو لي و عملت لي هي ، لبست طرحتي ، فتشتا شنطتي ما لقيتا ، شلت اي حاجه قدامي و طلعنا ، في السكة فجاه قالت لي زينب انتي سامي ما لقو ليهو علاج ؟ ، قلت ليها منو اليلقي ؟ قالت لي ابوكي وامك ، قلت ليها ابوي كان داير يسفرو الاردن بس حصل قضاء ربنا و اتوفي ، قالت لي كيف اتوفي و المعاكم دا منو ؟ قلت ليها هه قصه طويله يا روان ، المهم انحنا ما قربنا نوصل ؟ والله جعانه
قالت لي خلاص شبه وصلنا ..
عاينت لي كدا قالت لي زوووبا !!! قلت ليها مالك ؟ قالت لي وينو الروج ؟ قلت ليها اكلتو 😁 ، قالت لي وووووب منك حتجيبي لي المراره بحركاتك دي ، قلت ليها لازمتو شنو بي عليك الله ، قالت لي اسكتي و انجررري قدامي ،، المهم خشينا و ساعه لافين زي الطرش ، ابتدينا نسال و نستفسر صراحه عجبني الجووو شديييييد ، و مستعده اجيها كل يوم ، مشينا الكافتيريا عشان ناكل ، كانو في شله قاعدين في سكتنا ، يعاينو لي و يتهامسووو و يضحكو ، اول مرة اتغتظ ،
رغم اني متعودة ،
بس عشان حبيت المكان والجو م كنت حابه حاجه تعكر علي مزاجي ، روان براها مسكتني من يدي و بقت تتونس معاي بصوت عالي عشان صوتا يغطي علي صوتهم و ما اسمعهم و انزعج ، قعدت اضحك قلت ليها روان حركتك واضحه وانا روحي رياضيه اكتر من ما تتخيلي ، قام جا واحد علي روان انحنا متماسكين و هو واقغ قصادا هي دايرة تمشي بيجي قصادا ( الحركة البايخه ديك )
عاينت ليهوو ، وحاولت تمشي تاني وقف ليها لمن اتخبطت فيهو ..
انا فاض بي ، قلت ليهو لو سمحت سكة ،
و لا اشتغل بي ، قلت ليهو يا اخ عايزين نعدي ادينا سكة ، قال لي اسكتي يا شنشون ، والله اتغظتا ، وقلت ليهو الرجاله في ازمة ،
جا قصادي و عاين لي قال لي شينة و بتتفاصحي ، ما خجلانه ااه ولا اقوليكي ما خجلاان والله ناقصك شنب بس و خلي الاسكيرت لناس الاسكريت ، قلت ليهو هه انا ناقصني شنب فعلا لاني ما راجل لكن انت عندك الشنب و ناقصك الاسكيرت ، الولد رزعني كف لمن وقعتا ، و روان دي تكورك ، قمتا طوالي و رديت ليهو الكف كفين ، و بقيت واقفه قصادو قلت ليهو ابقي راجل مدها تاني عشان اكسرا و اعلقا ليك في رقبتك ، تفووووو عليك ، جريت روان ومشينا و في ثواني الجامعه دي كلها اتلمت ، روان قالت لي اخير نرجع البيت انا اعصابي بايظه و ما اظن يسكت ،
قلت ليها اعلا مافي خيلو يركبو ، طلبت سندوتشين و عصير ، و الناس جمبنا جايطه و انا ولا شغاله بيهم شغله ، قعدت اكل ولا رفعت فيهم عيني و روان دي ترجف قالت لي يا بت انتي باردة كدا كيف ؟
قلت ليها اسوي شنو يعني اقعد ابكي ،
شوفي انا قلبي زي الحجر و ما بخاف الا من الخلقني و اي زول في الدنيا دي انا بعاملو علي حسب اسلوبو معاي ، و قلت الادب عندي و لعلمك انا لحد اللحظه دي ، دمي فاير لاني م اخدت حقي كامل من الزول دا ، قالت لي اكتر من كدااا ؟ قلت ليها لا انا ما اخدت حقي و يبقي راجل ود ابوه يتعرض لينا تاني
الواحد عايش صراع في حياتو بما فيهو الكفايه ، قومي نمشي بعد دا مواعيد علاجات اسامة قربت .. اتحركنا هي مشت علي بيتهم و انا جيت بيتنا
و من الباب امي استقبلتني بالخرطوووش و وقعت في دق ، مافاهمه شي و بقت تقول لي يا تافهه دي تربيتي ليكي آخرتك بقيتي تدخني سجايرر ..

استككانة 🏃~