السر

22

عاينت ليهو ، لقيتو شاب كدااا حلاتوووو
والله لمن قلبي دا دق ، قال لي اسف اسف قلت ليهو عادي و طلعت للبنات ، قلت دا اكيد من اصحاب يوسف لان انس مافيش
المهم مشينا في السكة ريم بتقول لي ما شايله اي هم ، حتي ملابسك ما سالتي عنها ماشه ملكة لو حضرتي خطوبتي بالعبايه دي ماعندك مشكله يا محمد ، قلت ليها هيييييي مش قلتي تاني ما بتناديني محمد ؟
قالت لي عرفتي كييييف ، قلت ليها سمعتك اليوم داك👊 قالت لي ما هينة ، المهم حاجاتك في شنطتي ، قلت ليها انا كمان عندي حاجات ، سارة قالت لي ظبطي نفسك و علي فكرة انتي جميله بس مبهدله روحك ومسترجله ساي ، قلت ليها عايشاها براحتي مزاجي ،، و صلنا الكوافيرر ، سارة و وسام مشو المطعم طلبو لينا سندوتشات وجابوها لينا ، لسه ما قعدت زي الناس اتصل لي اسامة ، قال لي انتي وين ؟ قلت ليهو في مشوار مع ريم ، قال لي تعالي البيت سرعه و بعداك ارجعي ، اتوترتا طوالي شلت شنطتي و جيت مارقه ، ريم والبنات بقولو لي مالك ، قلت ليها نص ساعه وبجي ، بسالوني في شنو ، طنشتهم و مشيت ، ركبت امجاد و جري علي البيت ، دخلت بي باب اسامة لقيتو بتونس في التلفون ويضحك اطمنت انه بخير حمدلله ، من شافني قال للمعاهو اقفل برجع ليك ،، قفل و قال لي بسرعه تدخلي غرفه امك و شوفي الاوراق ، قلت ليهو لا هما وين الاول ؟ قال لي م عارف لكن يافرو مدني ، قلت ليهو اذن الغرفه حتكون مقفوله بالمفتاح ،
تلني اتزكرت ان امي م عندها حاجه في الغرفه لمن كانت بتتكلم مع عفاف ديك قالت انه الاوراق شالا الحيوان داك ، قلت ليهو طيب انا بتصرف ، و مشيت كابست في الباب دا لمن عرقتا م قدرت عليهو ، طلعتا طرحتي و شلتا بينسه و بقيت بحاول لمن فتح معاي ولعتا النور و جريت مكان البلاطه و رفعت الموكيت وشغاله بهمجيه زي المجنونة ، رفعتا الطوبه لقيتهم طوبتين المكسورات ، رفعت تحتها لقيت ظرفين واحد بشبه ظروف الجوابات و التاني ابيض كبير بس مطبق علي اتنين ، عاينت تاني ما لقيت حاجه ، رجعت كل حاجه في مكانا ، وريم دي شغاله تتصل علي لمن وترتني ، رديت ليها قالت لي يا زفته الساعه جات 12 انتي وين ؟ قلت ليها جايه ف السكة ، وجرجيت جري الحرامي ومشيت لاسامة قلت ليهو لقيت ظرفين و لسه م فتحتهم ، قال لي يمكن يكونو ما مهمين ، قلت ليهو لو ما مهمين ما كانو دسوهم تحت البلاط المهم انا بمشي احصل البنات ناقصك حاجه ؟ قال لي لا سلامتك و خلي بالك من الاوراق دي لمن نقعد ليها ، قلت ليهو تمام ، اخدت لي امجاد و فللي مشيت ليهم و دسيت الظرفين في شنطتي ، من جيت استلمونيماسك ورا ماسك شي تقشير و شي حواجب انا زهجت ليهم ، ولاول مرة في حياتي اخت مكياج في وشي ، اخدو فيني زمن ما عادي ، قالو لي خشي ديك غرفه الملابس دخلتا لقيت ريم جاهزة وقاعده قالت لي ملابسك في الشنطة ديك ، طلعتهم ، لقيتو فستان صك اسود مبالغه دخلت بروفه لبستووو ياخ ضيق و مجسم انا خجلت زي الما لابسه حاجه مع انو هو عادي ، و جايبه لي جزمة مسمار ، غايتو لبستهم و طرحه مافي ، طلعت ليها الطرحه وينا ، نططت عيونا قالت لي ووووبعلي ووبعلي يا زينب اوغسسم احلا مننا كلنا يا كلبه ، داسه الحلاوة دي وين ، قلت ليها انا م شفت حاجه لسسه ، قالت لي ولا تشوفي الا بعد يعملو ليكي شعرك ، يلاا و طلعت براا مافي زول عرفني اساساا العملت لي المكياج م عرفتني ، قلت للدرجة دي انا كنته معفنه ، جات 5 و لسه شعري ما انتهي لانو طويل و غزير ، المهم في ساعه خلصتو لي ، حتي عاينت في المرايه وحاتكم انا ضعتا من روحي ، اول مرة اشوف نفسي انثي ، وابتدت التلفونات ترن
طلعو ريم والبنات ، كانو في عربيتين براا بعد ماشه اركب اتزكرتا الشنطه ، جري رجعتا شلتها و طلعت بقيت بفتش لعربيه انس عشان يقفل لي الشنطه في الضهريه حقت العربيه ، لقيتهم كلهم ركبو في عربيه اسامة و انا جدعوني براي في عربيه ورا قلتا ليهم كويس ي رمم ، فتحت الباب و ركبتا الا اشوف الزول الخبطتو قبيلك بعاين لي وفاتح خشمووو وانا زاتي بقيت بعاين فيهووو ، قلت ليهو احم الجماعه فاتو من زمان يلا عشان نحصلهم ، و لسه منطط عيونو ، قلت ليهو يا اخ هووووي هااا ، قال لي هااا قلت ليهو الجماعه اتحركووو ، قال لي اي اي ، قلت ليهو اي اي شنو اتحرك نحصلهم ، قال لي اي صح ، في سري قلتا دا م نصيح
و زعلت انه انس م فقدني ولا اهتم اجي مع منوو ، المهم اتحركنا كانو العرسان دخلو والبيت مليان ، ف لمن جيت ادخل صادف معاي الزول دا و والله م انتبهت انه جمبب وانا زاتي خجلانه ادخل كدااا ، ف خطوة دخولنا كانت واحده وفجاه الكل بقا يعاين فينا و انس داك ليهوو قصادي ، من شفتو كرفس وشو انا ابتسمتا الابتسامة ديك و داخلين سوا اليشوفنا يقول مخطوبين ولا متزوجين ، و الجنبي بعاين فيني وانا بنظرات ملفته ، لمن عاينت لقبتو جمبي قلت الليله يا انس الا اغيظك ، طوالي ابتسمت ليهو لمن وصلنا مكان الناس و بقيت اسلم ، و مكان م امشي القي انس قصادي و بيعاين فيني ، وانا عامله فيها عميانه ، وداك برصو مكان م امشي بجي يقيف لي ، لمن جا وقف عديل قال لي اسمك منو ؟ قلت ليهو زينب قال لي كذذذذابه قلت ليهو والله ليه ، جا انس قاطعنا وقف جمبي ، قال لي حبيبتي دارمنو الواقفه معاهو دا ، قلت ليهو حبيبتك منو اكيد مشبه علي ، قال لي زوبا هههه انتي م حتبطلي هزارك دااا ، قال لي م عرفتيني دا منو ؟ قلت ليهو صحبي ، داك طبعا فرح وحس ان في تاتش بيني وبين انس ، المهم لبسو الدبل و غنينا ورقصنا ما خلينا شي ، لمن الناس بدت تمشي انا بقيت زي المجنونة بفتش للولد دا لمن طلعت برااا و لافه واعصابي باظت اسمو منو م بعرفوو ،(بقلم /سحر سمير) لمن عاينت لقيتو واقف مع شباب ، برا الشارع ، رسلت ليهو شافع ، قام جاني قلت ليهو شنطتي في عربيتك عايزاها جيت امشي معاهو ، قال لي خليكي مكانك م تطلعي كداا ، و قفت ليهو جمب باب البيت لمن جابا وجا حتي ارتحت شكرتو و دخلتا و كل دا انس متابع ، خلاص الناس مشت و الصاله جايطه ، قالو بكرة ننضفا والزمن اتاخر ، بس دخلنا الحلويات فب التلاجه ، و عايزة فرصه اطلع بس الغرفه بأي طريقه ، اتصل لي اسامة ، قال لي اختي المزة والله ما عرفتك قلت ليهو مبروووووك حبيبي انا تتهنو ، قال لي وانتي كمان تتهني خليكي حلوة كدا طوااالي ، قلت ليهو حااضر ، و طلعت فوق و انس وراي ، قفلت الباب من غير م انتبه ليهو ، طوالي فتحو ، عاين لي بغضب و طلع رزع الباب ، قلتا دا اسي مالووو ( عامله فيها عبيطة😹) ، ما قدرت انتظر اغير و فتحت الشنطة و طلعتا الاوراق و يدي بترجف ، فتحت بتاع الجوابات فيهو 6 ورقات ، و اول ورقه فيها ..............

استككانة🍟~
(بقلم / سحر سمير )
يتبع ......... للحلقات الاخيرة