السر

17

قمتا ناطه ، قلت ليها بسم الله ريم مالك
بس تشيل و تبكي ، حضنتها قلت ليها رووقي و فهميني في شنو انتي كدا بتوتري فيني ، احكي لي براحه ،
قالت لي : اسامة و تبكي اسامة وتبكي
قلت ليها اسامة مالو يا ريم وترتيني في شنووو ، قومي غسلي وشك وتعالي نتكلم ، مسحت دموعا ، و قالت لي اسامة قال حيسافر يا زينب ، قلت ليها وانت اسي بتبكي مالك ، قالت لي عشان حيسافر ، قلت ليها والله يا ريم حقو الطشك كف اللصقك في الحيطة ديك ، يعني انتي اسي مصحياني و خالعاني والرجف والبكي دا كلوووو عسان اسامة مسافر ، طيب فيها شنو
( لحفظ الحقوق/الرواية بقلم سحر سمير)
و بعدين انتي تعالي هنااا ، قلتي لي اسامة و حركات في شنوو بينكم هااا ، ما توريني انا صحبتك ، قالت لي والله يا زينب عادي مافي حاجه ، بس اتعودت عليهو فترة رقادك في المستشفي و كان اقرب زول لي ، قلت ليها بس كدا يا ريم ؟ قالت لي ايوة
قلت ليها متاكدة ؟ قالت لي اممم ايوة ، قلت ليها طيب يا ستي جيبي تلفونك ، قالت لي ليه ؟ قلت ليها جيبيهو بس ، ادتني ليهو كتبتا رقم اسامة لقيتا مسجلاهو ب ( روحي)
قلت ليها ودا شنووو ؟؟ ما شفتا الا الدموع نزلن ، قلت ليها اسفه صغطت عليكي انا كدا فهمتاااا ، ياخ بعدين انا جعانه يا ريم و نفسي في المكرونه البتعمليها ديك ياخ ، مسحت دموعا وبقت تضحك قالت لي هوي مطبخكم دا انا ما بدخلوو بري ، عايزة ارح بيتنا
قلت ليها ياخ انحنا كعبين للدرجة دي طيب ، اها اخبار الجامعه شنو ؟
قالت لي جنيت امشي من غيرك ، قلت ليها خليكي هنا ما تتحركي من مكانك حجيب حاجة واجي ، جريت جري غرفه اسامة ، قعدت جمبو ، قلت ليهو ليه كداا ؟
قال لي مالك يا بت ، كيف يعني مالي ، بتكلم عن ريم ، ابتدا يرمش و يتوتر ، قال لي ريم مالها ؟ قلت ليهو بتحبها ؟
قال لي انا احب ؟ قلت ليهو ايوة ناقصك شنوو ، قال لي شوفي انا لسه ما بديت ولا خطوة في حياتي ، ومابقدر اظلما معاي ، و عمليتي دي نجاحا 77% ، وغير كدا ما اضمن اذا عندها حاجه لي ..
قلت ليهو ما اظن ريم بتفكر كداا ،
و انا م حقدر اتدخل اكتر من كدا ، بس بتمني انك ما تخسر ريم لانو بجد ما حتتعوض و دي رفيقه الضعفه قبل القوة ، دا الحتسندك ، قال لي يعني انتي زهجتي مني ؟ قلت ليهو انا عايشه عشانك يا اسامة انت اخوي و ابوي ، بس وجود انسانه تحبك وتحبها امر مفروغ منه ، قال لي فهمتك يلا انصرفي خليني براي ، قلت ليهو سمح ..
مشيت لريم ، قلت ليها اسامة دا قال جعان ياخ قالت لي سجمي و جرت علي المطبخ مسكينة ، و ما عارفه عملت شنو زاتو ، ادتني الصينيه قالت لي وديها ، قلت ليها ما حوديها انا لمن قلت ليكي جعانه طنشتيني ، قالت لي ازعلي سمح ، ومشت خلتني ،
بقت وظيفتي في البيت مراقبه الجو ، بفتش ركن ركن في البيت ، و الليله الحظ حالفني
ما لقيت زول في البيت جريت تربست باب الشارع ، و جري علي غرفه امي ، احترت لانو اصلا ما بدخلااا و لا عارفه فيها شنو ..
ابتديت بالادارج ، قلت اي اوراق ما حتخليها كدا علني ، لازم في مكان ، فتحت دولاب الضلفتين الفي النص تحت الملابس بقيت افتش ما لقيت حاجه ، فقدت الامل شديد ، لمن بقيت ماشه حسيت بالبلابط التحت الموكيت مهزوزة عملت صوت مع حركتي ،
(لحفظ الحقوق /السّر بقلم /سحرسمير)
بس بقيت زي المجنونة و عايزة انبش في الارض ، سمعت صوت الباب خبيط و رزيع و ريم كانت سبقتني و فتحت ما كان عندي خلو غير اجري مكان توديني رجولي ،
دابرة افتح الباب سمعت صوت امي بتقول في التلفون دقيقه اخش غرفتي واكلمك ، انا هنا اعصابي باظت ، و جري دخلت في دولاب الشماعه و قفلت علي نفسي ، وريم الغبيه سامعه صوتا تنادي يا زينيب ، يا زينب ، امي رجعت من الباب ، قالت ليها زينب شنو يا ريم ، زينب مافيشه ، قالت ليها اي ي خالتي هي كانت معاي و الليله جات ، امي م ردت عليها و دخلت ،، بتتكلم في التلفون ، قالت للبتكلم معاها ، يعني اسي هو وين ؟
( ..) ديك ردت ليها ، امي قالت ليها ، والله يا عفاف انا ما شفتهم بعيني بس انتي عارفه اي وحدة في مكاني ما حتتحمل الحصل لي دا ، حتي اولادي لحد يوم الليله ما عارفين اي حاجه عليكي الله يا عفاف اقفلي علي الموضوع دا ، انا اعصابي تعبت و كفايه السنين دي كلها انا متحمله و ساكتة ، ( ديك ردت ..) ، امي قالت ليها طيب الله يسلمك ، علي مواعيدنا ان شاءالله .. وقفلت
انا جوة الدولاب من السخانه لمن قربتا اكمل و دوختا شديد و خايفه امي تفتح الدولاب حتبقي مصيبه ،
........
استككانة🍟~
يتبع ........