السر

3

قلت ليهو كله لخير .. شلت الولاعه وصينيه الاكل و ماشه ، انس قالي شايلا الولاعه ليه ؟ قلت ليهو حرجعا لسيدا ... اسامة قال لي زينب انتظري ! قلت ليهو لا
قال لي زينب اسمعي الكلام ، انحنا ما ناقصين مشاكل ، قلت ليهو بس انا ناقصه يا اسامة و كلمتك مليون مرة علاجاتك دي انا المسؤله عنها اسي لو لا ... قاطعني انس
قال لي الولاعه حقتو ؟
قلت ليهو ايوة ، و طلعتا بكوووورك يا امي امييييي ، يا امييييييي امييييييي
طلعت و لسه بكورك و انادي ، ما شايفاها زي المافي في البيت ، ختيت الصينيه في المطبخ ختيت الصينيه في المسطبه ، حسيت بي حركة ورا ضهري ، م عارفه اتباردته ليه و ما اتلفتا بردة فعل سريعه مني ، حسيت بصوت رجلين عديل ، من شده الخوف في السكينه القطعت بيها البصله قبيل مختوته قدامي ، سحبتها براحه و اتلفت بسرعه البرق م لقيت زول ، بس سمعت صوت كبايه الاستيل وقعت من جمب الحافظة حقت المويه ، بس جريت بتلفت مافي زول ، حتي لو قلت كديسه ( الحيطه المايله ) مافي اساساً كدايس ، بس فجاه امي جات داخله و معاها هاجر ، قلت ليها انتي وين من قبيل بنادي ليكي ، قالت لي مشيت بيت المناسبه الجمبنا دا ، قالت لي عمك ما جا
قلت ليها ما عارفه ، شوفي يا امي انا كلمتك قبل كدااا علاجات اسامة دي مافي زول يلمسا غيري صح ولالا ؟ قالت لي ايوة ، طيب يا امي لمن رسلتيني للخصار ، الشال اقوي علاج من علاجات لسامة شالها وداها ليهو ؟
قالت لي وانا بعرفني شنو ؟
قلت ليه هه صحي يا امنا بيعرفك شنووو ، شوفي كلمة و حأقولها ليكي و لبناتك و للزول داك ، اسامة انا المسؤله عنه مسؤليه تامة ،
قالت لي و بعدين اسامة ما عامل فيها دكتور البخلي يبلبع علاجات من غير ما يقراها شنو ؟ انتي عارفه اسامة يا امي لمن بيخش في حالتو ديك بياخد اي شي عشان يسكن ليهو و الله ياخ انا بستغرب لمن بشوفك بتتكلمي بالطريقه دي كأنو ما ولدك ،
اسمعي يا زفته انتي الزمي حدك معاي بعد دا من قبيل سايباكي تلعلعي و تتفاصحي و تقلي ف ادبك و ما تنسي اني امك ، فاهمه ولالا ..
قلت ليها للاسف ما ناسيه ، و مشيت
غرفتي .. طلعت الولاعه من جيبي دسيتا جوة جيب الشنطة ، زي الليله كدا ، كان صابح اول يوم لي جامعه ، قدمتا في هاي ليفل للطيران ، بس طبعا هاي ليفل خاص و غاليه و انا ما عندي حتي مصروف زي الناس ، هي عشرين جنيه امي بتجدعا لينا عشرة لي و عشرة لاسامة ، بس انا مادياً ما بلوم امي لانها مسيرة و ما مخيرة ، الدور والباقي علي الحيوان داك ، فاا موضوع اني اخش جامعتي الحاباها دي مجرد احلام ، و تنسيقي وداني الخرطوم it ، فما عندي خيار يا اما ارضخ للامر الواقع و اقرا it يا اشتغل و اشيل نفسي و اخوي ، زي الساعه 7 كداا
كنت ماسكة تلفوني و قاعده في الصالون جوني بنتين خبطو الباب ، فتحت ليهم ما بعرفهم اول مرة اشوفهم ، لكن سماحتهم تجلط و حات الله انا جمبهم البشوفني يقول اسمي عباس و انا والانوثة طريقين مختلفين . المهم رحبت بيهم ، وحدة قالت لي معليش انحنا تبع المناسبه الجمبكم هنا جيرانكم بالحيطه ، ممكن نستخدم حمامكم ؟
قلت ليها طوالي ، اتفضلووو ، بنات ظريفات غايتو ، بعد خلصو في وحدة قالت بي جيرانكم عندهم حنه و انتي قاعده في بيتكم ، ضحكتا قلت ليها والله انا عندي اختلاط كدا بالجيران ، قالت لي العروسه بت خالتي و انا و رؤي بنات عمات ، و انا اسمي ضحى ، قلت ليها اتشرفت بيكم والله ، قالت لي اللبسي اطلعي اتفرجي ، قلت ليها لالا ما جوي ( مع انه جوي ونص بس ما لي مزاج ) .. قالت لي خلاص تمام بنتلاقى ، قلت ليها عديله ي زوله ، و طلعو ، جيت اقعد كدا الباب تاني خبط
مشيت فتحتا لقيت لي بنوته حلاته ، قلت ليها اتفضلي امشي سيدا و الحمال شمال ف يمين ، عاينت لقيت البت منططة عيونا ، قالت لي حمام شنو ؟
قلت ليها انتي مش تبع المناسبه البرا دي ؟ قعدت تضحك ، دخلت و قفلت الباب قالت لي اخسي عليكي يا زينب لكن ما بلومك لانو اصلا ما اتلاقينا قبل كداا .. طبعا راسي جاط شديد .. قلت ليها اهااا انتي منووو ؟
قالت لي خمني كدااا ، قلت ليها يلا انا ما عندي صحبات ، قالت لي اخسي عليكي ولا حتي صحبات Online( عن طريق دردشه)
قلت ليها في قلتها بعدم لامبالاه ، قالت لي بكن النصيحه يا زوبا طلعتي اشني من ما تخيلتك ، قعدت اضحك قلت ليها ثانكيووو ، قالت لي اها واقرب صحبه ليكي منو من النت قلت ليها دي الحنينه ما حتعرفيها ،
قامت حضنتني قالت لي انا الحنينه زاتا ، وووب ياخ انتو ما حتتخيلو بالجد ما حتتخيلو ، ريم دي صحبتي شديد ، شديد ياخ شديد شنو جداً جداً ، ريم دي اخت انس صاحب اسامة ، و اهل اسامة اصلا في السعوديه و ريم عايشه في الطائف مع اهلها و صحبات اونلاين لينا تلاته سنة ، و بالجد امنيتي كان اشوفهااا ، و انا بناديها الحنينة لانها بالجد حنينه ،،
قلت ليها والله يا ريم انا زي البحلم و دموعي ديل نزلو ما اتوقعتها تجي ولا جابت لي سيرة ،، و قعدنا نتونس ، قالت لي الشباب ديل في صالون اسامة نعمل ليهم حاجه ، قلت ليها شباب منو ،
قالت لي انتي غبيه م سالتيني جابني منو ؟ قلت ليها وااي يا ريم والله من فرحتي بيكي ، قالت لي الله ما يحرمني منك ، انا جابني انس اخوي و معاهو يوسف اخوي الجا معاي ، و واحد صاحبهم ، قلت ليها وووب كان كدا نسوي شاي ، قالت لي اي ...
مشينا عملنا الشاي ، و خميت التوب و سلمتا و ضيفتهم ، لقيت ريم واقفه جمب الباب قلت ليها ادخلي ، مافي زول غريب كلهم اخوانك ، اترددت كتير بعدها دخلت و اسامة كن ممد في السرير ، والله عاينت ليهو بنظرة طيلة حياتي ما حنساها و ما قدرت افسراا ، سلمو علي بعض سلام طول زي الما حاسين ، الا انا قطعتهم ، و قعدنا شويه و طلعناا الصالون ، طبعا ناس البيت في بيت المناسبه ،، اتبادلنا ارقامنا و قالت لي لازم اجيها البيت وكداا ، قلت ليها ان شاءالله .. فاتو
زي الساعه 10ونص بليل بعد ناس امي جوو
انا نعستا شديد مشيت اطمنت علي انس و عندو حبايه اديتا ليهو و طلعت شلت غياري و مشيت علي الحمام ، و لعت نور الحوش ، و دخلتا و تكلت الباب ، امي في غرفتا و هاجر
في غرفتا ، و اريج بتتكلم تلفون .. المهم
طلعت ملابسي فتحت الدش لقيتو قاطع ، اسوي شنو ! لبست جلابيتي سرعه و مشيت البرميل ، مليت الجردل حاسه بحركة كداا ، قلت لي الشجرة ( شجرة برازيل في الحوش الخلفي) .. طلعت ملابسي تاني و تكلت الباب و ابتديت استحما ، بقيت شايفه خيال او ضل زول لاني ما قافله الباب عديل ، انا تلقائياً بطلت حركة من الخوف لمن مسكتني زنقه ، بقيت بعاين بخرمة الباب
لقيت قصاد عيني ، عين بتتاوق لي من نفس الفتحه ......

استككانة 🏃~

يتبع ..... م