السر

14

لحد مافي يوم اتفاجأتا بي الدكتور و معاهو شرطي داخلين علي ، و اسامة وانس وريم كانو ف الاستراحه تحت ،
قعدت و تكيت ضهري ، الدكتور قالي ، زينب كيفك ، ( اول مرة اتكلم ) قلت ليهو بفضل ربنا ثم فضلك انا بحمدلله شكراً ليك ، قالي الشكر لله ، ف اللحظة دي انس خبط الباب داير يدخل ، الشرطي قاليهو انتظر برا بعد اذنك ، لاحظت ليهو اتفاجأ ، بس قاليهو حاضر ،و طلع وقفل الباب ، طبعا انا كل الكنت عامله حسابو انو مجرد اسئله معتاده عن الحصل ، و انا بسبب الخلعه والوقعه في حاجت اتشفرت مني ، بس متزكرة بوضوح برضو ، قام الدكتور قالي حاسه بألم ولا حاجه ؟ قلت ليهو لالا ابداً في احسن حال حمدلله ، قالي بتقدري تجاوبي المحقق عادي قلت ليهو ان شاءالله ، الدكتور عاين لي شديد نظرات ما بقدر انساها ردودي كانت كلها ثقه و رزانه و استعانه برب العالمين و كمية تمالك ما عاديه , انا لاحظت لنفسه وحسيت اني زدت قوة والحصل مستحيل يضعفني ، قام قعد و ابتدا يتكلم معاي ، قال لي الوداكي شنو المكان دا ؟ قلت ليهو مشيت عشان اقال البناين و اوريهم الحاجه العايزاها ، قال لي الارضيه دي حقتك ؟ قلت ليهو لا حقت ابوي الله يرحمو ، قال لي عندكم اوراق اثبات ملكيه قلت ليهو اكيد تكون في البيت ، قال لي لازم تجيبيها لينا ، لانو القضيه دي لابساكي لابساكي ، قلت ليهو عفواً !!!!!!!!
و تلبسني انا ليه ؟ انتو بتتهمو المظلوم بدل الظالم و لا قانونكم دا ماشي حسب هواكم ، ياتو كتب قانونيه ولوائح دي بتقول كلامك دا ميزان عدلكم دا بيوزن بالقلبه ، طبعا ما حسيت بنفسي و انفعلت بطريقه ما عاديه ولا خفت ولا اهتميت بأنه ممكن تصرفي دا يبقي ضدي ، قال لي ممكن تتكلمي بأدب شويه ؟ قلت ليهو اليسكت ليكم و يتكلم بي ادب حقو بيضيع ، ممكن تفهمني انت سمعت مني الحصل بالتفصيل ولا عرفت انا موقفي شنو ، فجاه بقت قضيه لا وانا مظلومة و متهمه كيف اتكلم بادب ؟
قال لي باختصار المكان دا معروف انه بتتم فيهو ممارسات 🔞غير شرعيه مقابل قروش يعني بأختقار بنات الليل 🔞بجو المكان دا لانه بعيد عن الانظار ، و تم القبض علي كميه من البنات الفي عمرك ،
طبعا انصدمتا ، قلت ليهو وبعدين ؟؟
قال لي الدلائل الجنائيه بتدل علي انك لزيتي راجل قدر ابوكي عشان رفض يديكي قروش العمل الشنيع القمتي بيهو ، و الكلام دا شهد بيهو واحد من البناين انه كان شايفكم و سامعكم !!!!
قلت ليهو اذن كدا ، انت جاي هنا عشان تاكد
الفكرة الاخدتوها صح ؟ من غير حتي ما تسمعني ، سمح منتظر شنو كلبشني و وديني القسم ، و لو دا قانونكم ، تفوووووو عليك و علي قانونكم ....
طبعا الزول دا استغرب في جرأتي ، رغم انه عندي اكتر من دليل بس صممت اني اسكت عشان يتعاقبو هما علي اتهامهم الباطل لي ، طبعا اتغاظ مني و قال للدكتور يكتبو لي خروج ،
فعلاا انكتب لي خروووج ، و لبسوني الحدايد و جارني ، زي المحكوم علي اعداااام ، طالعين من الغرفه انس وريم كانو برا واسامة ، من شافو منظرو دايرين يجنو ، انس بتكلم مع الظابط كيف تسوقوها بالطريقه دي ، لسه عيانه و اساسا ليه ، ما بيرد عليهو ، قلت ليهو انس ما تشيل هم الله في السما و زينب في الارض ، و مساكين جارين ورانا ، انس ما قدر يطلع لان دخلت المستشفي بأسمه و كانو عايزين تكاليف المستشفي ، 24 مليون فما كان عندو حل غير يتصل بيوسف ، كلم يوسف و قاليهو شوف زول يشتري عربيتي باسرع وقت و يدفع كاش ، و تعال لي علي المستشفي ، بعد ساعه طبعا ريم و اسامة كلهم مرتبطين بأنس هو البيوصلهم بالعربيه ، اسامة قاليهو اعفي لي انس شيلتك حمل تقيل عليك ، انا في حسابي في 5 مليون راتب الشغل اسحبهم و كمل عليهم و لقدام انا بسد ليك ، انس زعل بانفعال قاليهو ما تنسي زينب علي زمتي ، سمتو لمن يوسف جا شايل المبلغ و دفعو و طلعو ، لمن طلعو اتفاحاو بعربيه انس موجوده ، يوسف قاليهو انا معاي المبلغ نتفاهم بعدين ، قاليهم انتو طالعين وين و سايبين زينب ؟
اسامة قاليهو زينب في القسم الشرطه اخدتا من ساعه ، و ما قدرنا نحصلا بسبب حساب المستشفي ، قاليهم امشو قدامي انا بشوف احمد صحبي واجي ، اتحركو و جو علي ، للاسف الظابط الفقر دا ابا يقابلهم و بقا مضاديني شديد ، مقعدني في غرفه كدا زي البيضربو فيها المجرمين وكاتمة و ريحتا تجيب العيد ، بس بقيت بستغفر و ادعي ربنا ، لمن بعد شويه ، جا شرطي ناداني ، ساقني المكتب لقيت انس واسامة وريم قاعدين ، اسامة قاليهو دي اختي وانا حابي اعرف تهمتها شنو ، طبعا انا بضحك ، جد والله بضحك من تافهه الناس والدنيا دي غريبه شديد فجاه بتقلب وفجأة تضحك معاك وملاحك زاتا تتجهجه ، قلت لاسامة تتزكر يوم اتكلمنا عن قطعه ابوي و انس اتفق لي مع عمالة البناين ، قال لي ايوة .. قام قاطعني الظابط قالي منو سمح ليكي تتكلمي ؟
قلت ليهو انا سمحت لنفسي ، و دا اخوي والوحيد بهمني امرو ، قال لي للمرة التانيه انتي لبستيها ، قلت ليهو طول مافي اشباه رجال زيك تيوووس ما فاهمين للقانون حاجة مجرد واحد جابو من الشارع ولبسو بدله وختو ليو دبورتين و بقو حاجه وهو ولا حاجه ، طبيعي ان الزي و الله اعلم كم من امثالي حياتهم انتهت بسبب ظلمكم ، و انا حتم كلامي مع اخوي ولا انت ولا عشرة زيك بقدو يمنعوني ، فاهم ولا اعيدو ليك ...
ما تستغربو انا اكتفيت و الضعيف ما بيعيش و لاول مرة انس واسامة وريم يشوفوني كداا ،، تتوقعو شنو من الظابط ؟ ضربني كف
قايلني سكتا ؟ قلت ليهو هههه دا الاسي كنت بتكلم ليكم عنو وطبعا الكف دا مثال حي لاشباه الرجال ، قام عمل لي ملف آدااااب و طبز و لحن براحتووو ..
انس قاليهو دا القانون ؟ تمد يدك علي مرتي ؟ انا في اللحظة دي اتجمدتا ، مرت شنو بسم الله ، قاطعتو عشان ما يتشاكل معاه ويدخل في مشكله وجودو برا مهم شديد ، اما اسامة حاسي انو ضعيف لانو م قادر يساعدني وريم تبكي بس يا حليلااا .. يومين وانا محبوسة في الغرفة دي بري و بكلابيش ، في الحقيقه انا من جواي خايفه انا ميته عديل من الرعب ، في اللحظة دي انس مشا رجع المستشفي شال ملفي الطبي انه يثبت اني بنت و ما مغتصبه عشان القضيه تبطل ،
بس لمن شال الفايل عايز ورقه وحدة تثبت اني بنت و اصلا ما مغتصبه ، مشا للدكتور و قاليهو ، تثبت هي بنت كيف و هي ما بنت ؟؟ ..........

استككانة 🍒~
ي ريت توقعاتكم و تعليقاتكم ...........
يتبع .....