السر

8

المهم فات علي خير اليوم في الجامعة ،،
خلصنا زي الساعه 3 فكان منتظرنا انس
.. طلعنا براا ، علي الرئيسي ضرب لينا بوري ، مشينا عليهو و ركبنا ، و الله قاعده و شارده عاينت لي ريم قالت لي زينب سجمي دا شنو ؟ قلت ليها مالك بسم الله خلعتيني ، همست لي عندك شنب ، ختيت يدي علي خشمي قلت ليها طيرة انتي ، قالت لي ولا حواجبك ووواي انا منك ، ماشه مع ولد ياخ انتي ما معقوله ، قلت ليها اسكتي ياخ خليني ، قالت لي ما ظنيت اخليك يا محمد ، قلت ليها محمد ! قالت لي ايوة ، تنادي حناديكي محمد لمن تبقي انثي و شبه البنات ، حمرت ليها كدا و قبلتا منهاا ، وصفتا لي انس ، يمين في شمال ، شمال في يمين لمن وصلنا ، يعني المنطقه عمرانه لكن حولين ارضيتنا في زي تلاته قطعه ارض فاضيات و الباقين تحت الانشاء ، ريم قالت لي زنوبا المنطقه دي صعبه ي زوله ، قلت ليها لالا ما صعبه ولا حاجه حتعمر ، المهم اتمسكتا بي راي ،
انس قال لي خلاص من بكرة خلاص بشوف العمال بسعر حنين ، قلت ليهو تكون ما قصرت معاي ، و اتحركنا علي كداا ، ريم قالت لي اقعدي قدام انا عايزة ارقد ف الكنبه الورا قلت ليها ما جادة طبعا ، انس فتح لي الباب و ركبتا جنبو بقيت بهبش في الكاسيت ، انا من النوع العفوي شديد يعني ما بتردد و لا بعاين حولي ، بعيش اللحظة بطفوليه شديده ،
ريم صممت امشي معاها البيت ، قلت ليها علاجات اسامة ، انس قال لي انا ماشي عليهو عشان حنطلع مع الشباب ، قلت ليها خلاص تمام ، طبعا اسامة بقي انسان تاني من فرصه الشغل دي ، اتعلق بالحياه وانا عشانو لازم اعمل كل البقدر عليهو ،
حتي انا فكرت في الشغل ، المهم و صلنا بيتم و مشا خلانا ، زي ما وريتكم ريم قاعده مع يوسف و انس اخوانا ، المهم
دخلنا و جعانين ، ريم ظبطت لينا مكرونه اكلنا ، و جات قعداتمي قالت لي الا اشيل ليكي حواجبك ، قلت ليها والله ما بتهبشيهم اصلووو ما خليتا ،
فجاه تلفوني اتصل ، مشيت طلعتو لقيتو رقم غريب اصلا م عندي زول بتصل بي برا ناس بيتنا ، المهم رديت ، سمعت صوت
ايوووة يا زينب اسمعي انتي علاج الكالسيوم بتاع اسامة ياتا فيهم في علبتين وحدة مكتوب فيها E و التانيه L ، م عارفه ليه قلبي دقا كداا ، قلت ليها اهااا انس ، قال لي ايوة قلت ليهو العلبه البيضا فيها L قال لي تمام انتو بخير ؟ قلت ليهو حمدلله قال لي حابه اجي ارجعك الساعه كم ؟
قلت ليهو 7 و م تنسي موضوع العمال قال لي كلمتهم بكرة من 8 الصباح بكونو موجودين ، قلت ليهو عديله و تسلم كتير ، سكت مساافه ،، و قال لي يلااا ..
الساعه 8 جاا ، عمل لي مسكول ، ودعت ريم و مشيت وقفت تعاين لي بالشباك لمن مشيت ركبتا ، اتحركنا ماشي براااحه و انا مرجعه راسي لورا و مغمضه, عارفين سواقة العجايز ؟ 😹 بس والله ابطأ منها ، قلت ليهو انس العربيه دي فيها حاجه ؟ قال لي لا ، قلت ليهو طيب انت فيك حاجه ؟؟
قال لي برضو لا ،، قلت ليهو سمح و سكتا و استغربت الوضع شديد ، فجأة وقف العربيه
........

استككانه~🍨

يتبع ......