السر

19

وانا ساكته و هو ساكت ، قلت ليهو الزمن يا انس ومن جينا في حالة صمت ، كنته عايزني في شنو ؟
سكت مسافه و قال لي : انحنا لازم نتطلق عاينت ليهو بأستغراب ، و مسكتني ضحكة ، قلت ليهو انس انت عندك حمه ولا شنو ههه دا ما وقت هزار ، خليك جادي وريني كنت عايزني في شنو ؟
قال لي زينب انا ما بهزر ، زواجي منك كان غلطة كبيرة ، قلت ليهو انس لحظة قبل الغلطة زواج شنو الانت بتتكلم عنه ؟ قال لي انا عقدت عليكي لمن كنتي في غيبوبه ، قلت ليهو كيف يعني الكلام دا عليك الله ما تهزر ،
عقدت علي انا ؟ قام طلع لي ورقه من جيلو و قال لي دي قسيمتك ... انتو عارفين قلبي دا دق دق دق ، داير يطير من مكانه ، قلت في سري يعني انا اسي متزوجه انس ،
بقبت محتارة ، صراحه فرحتا م عارفه يمكن عشان مافي زول بعاين في وشي ،
قمت قلت ليهو كمل كلامك انا سامعاك ، قال لي انا اتزوجتك لهدف معين بيخص صحتك والدكتور رفض انه يديني اي تفاصيل ، و حاليا حطلقك و كل واحد يمشي في حالو ، انا مشاعري ملخبطة بس م عارفه ليه حسيت بالاهانه ، قلت ليهو يعني انت اتزوجتني علي كيفك و حتطلقني علي كيف ، زي اللعبه الفي يدك وانا نهائي ما لي اي رأي .
قال لي اسف لو فهمتيني كداا والله ما بقصد كدا،قلت ليهو عليك الله ، اقوليك حاجه يا انس رايك شنو انا لو كنت عارفه انك حتعقد علي كنت رفضتا و اسي انا البطلب منك الطلاق ، قال لي زينب روقي ، قلت ليهو لا اروق لا غيرو كلامي قلتو ،
قال لي انا كلمتك عشان تكوني علي علم
و انا ما حطلق الا بعد المحكمة لانو كوني زوجك حيفيد كتير في القضيه ، قلت ليهو شوووف انس ، انا حوجتي ما بسدها لي الا رب العالمين ، و اتاكد تماماً وجودك و عدمو واحد كان ما عارف اعرف ، وازيدك من الشعر بيت ، قروشك الصرفتها في علاجي حترجع ليك في خلال شهر علي داير مليم ، و يا رييت ترجعني بيتنا ،
قال لي ما حرجعك انا ما تميت كلامي ، قلت ليهو مافي كلام بعد كلامك دا ممكن تقولو ، قال لي لا في ، و الكلام دا يهمك تسمعيهو ، لانو بيخص اسامة ،
من قال لي اسامة هديت و سكت ، قلت ليهو سامعاك ، قال لي اسامة موصيني عليكي ، و طلب مني اجيبك بيتنا تقعدي بحكم انك مرتي ، في الفترة اليسافر فيها للعلاج ، ما بيضمن يخليكي براكي و دا كان اتفاقنا وانا وعدتو بكدا و الا ما حيسافر ،
وجودك معاي دا مصدر راحه لاسامة ، فلو سمحتي خلي الامور تمشي علي خير و بعد كدا نتطلق و كل واحد في طريقو ، قلت ليهو انا بعرف ادبر اموري و البيت القاعده فيهو دا بيت امي ، قال لي مافي داعي نتناقش في الموضوع دا لان انتي عارفه كويس القصه دي .. ف خلي الوضع يعدي علي خير و بعدها حطلقك ، قلت ليهو تمام ، ممكن نمشي ، قال لي جدااا ً .. رجعت البيت لا عارفه اضحك لا عارفه ابكي ، وانا والله عشان اسامة يبقي بخير مستعده اسوي اي شي اي شي ..
جيت تاني يوم كان صابح سبت ، جاتني ريم قالت لي قومي يلا ، قلت ليها الليله جامعه مافي يا ريم ، قالت لي لا بيت راجلك ،واخيرااا حتكوني معاي ياخ انا مبسوطة شديد ، قلت ليها اسي ؟ ّ
قالت لي ايوة ، انس مجهز غرفتك من بدري ، قلت ليها امممم تمام ، كدي انا بمش لاسامة واجي ، قالت لي صحي يا زوبا بمناسبه اسامة ، امس فاتحني في موضوع و كنته حابه اوريكي واشوف رايك ،
قلت ليها قولي ، قالت لي الليل كلو كنا بنتكلم و قال نعمل خطوبه قبل يسافر ، قلت ليها دي حاجه حلوة ، ( بقلم /سحر سمير)
بس والدتك و والدك رايهم شنو ؟ يمكن عندهم راي تاني بالنسبه لحالة اسامة ، قالت لي انتي عويرة ، انتي ناسيه ان ناس بيتنا بعرفو اسامة ، و غير كداا انا فاتحت امي و عرفت و ما عندها مانع ،
بس فضل ابوي، اصلا تلاته يوم و يجي السودان ، قلت ليها فرحت ليكي والله، انا خلوني هنا بعد خطوبتكم واسامة يسافر انا برحل عندكم ،
قالت لي دا كلام انس ، وانتو متزوجين بعد دا البقعدك هنا شنو ، في سري قلت ليها يا حليلك ما عارفه حاجه يا ريم ....

استكانة🍕~

يتبع .......