Lahat ng bagay ay may katapusan
Pilitin man ay hindi natin ito mapipigilan
Sa layo ng ating narating
Sa huli ito'y wala ring kabuluhan
Ang buhay ay tila isang kasinungalingan lamang
Gawin man natin lahat ay hindi parin sapat dahil sa limitado lamang ang ating kaalaman
Ano nga ba ang mahalaga?
Sa buhay.....paano ka tataya?
Kung ibigay mo man ang lahat ano ang kasiguraduhan mo na ginawa mo ang tama?
Ang iyong nararamdaman marahil ngayon
Ay ginawa upang ika'y linlangin lamang
At ang iniisip mong kakampi ay ang tunay mong kalaban
Sa simula ay biktima lahat
Sa isang larong mahirap alamin kung sino ang makakaangat
Mandaya ka man ay wala kang ligtas
Sapagkat bawat galaw mo ay nakaguhit na sa iyong palad
Sino ang matitira sa huli?
Sino ang maiiwan sa ere?
Ikaw kaya ay maliligtas o isa ka sa mga hindi makakatakas
Sa isang uri ng karera
Paano mo masasabi na panalo ka?
Kung ang nauuna ay nahuhuli at ang nahuhuli ay nauuna
Mag-isip isip ka, tama ba ang tinahak mong landas?
Ang iyong pinaniniwalaan ay hindi ka ba ilalaglag?
Ikaw ba ay nilito, nilinlang, at nagbago?
May pagkakataon ka pa na itama ang mga mali mo
Sapat pa ang natitirang oras para makapag-isip ka
Ano nga ba talaga ang mahalaga?
Nakatuon ba ang atensyon mo sa kasinungalingan na nakakahalina?
Pwes dapat lang na lumihis ka
Dahil sa huli ay magsisisi ka
Sa huli kapag tapos na at hindi mo na maitatama
Ang maling akala mo ay tama
BINABASA MO ANG
MALALIM (Tula)
PoetryNakakamangha ang mga tula dahil hindi lang ito nakakapagpahayag ng damdamin, ito ay nakakapag-bigay aral din.
