الفصل الثالث عشر
توقف بالسيارة امام المول التجاري حيث كان (آسر) يقف امامه عاقدا ذراعيه امام صدره ، صف (رامي) السيارة لتخرج بعدها (لونا) و هي تعدو باتجاه اخيها الذي نظر له بدهشة ليقول :
_ مالك يا بنتي بتجري زي العبط كده !!
_ مبسووطة
قالتها و هي تتعلق بذراعه فالتوت شفتيه بابتسامة ساخرة ليقول :
_ ربنا ما يحرمك من الهبل !!
ثم امسك بيدها ليهم بالدلوف للداخل قائلا :
_ يلا ندخل طيب
_ wait !!
_ خيييير !!
خرج (رامي) من السيارة بابتسامة مرحة ليقترب منه و يفتح ذراعيه لصديقه قائلا بنبرته المازحة المعتادة :
_ تنقي البدلة من غيري! ينفع كده! امال في الفرح هتعمل ايه!!
ضحك (آسر) لينظر للونا مبتسما قائلا :
_ هما دول صحابك!!
عدلت من خصلة شعرها القصيرة لتضحك برقة لتقول له مبتسمة بزهو :
_ ايه رأيك في المفاجأة؟
_ ياريتك ما فكرتي فيها!
نظر له (رامي) بغيظ قبل ان يقول بتهكم :
_ يا ابني انت هتحتاس من غيري !!
رفعت (لونا) حاجبها بغيظ فقالت له :
_ امال انا كنت هعمل ايه !!
_ يا باشا انتِ تختاري بدلته و بدلتي و بدل اللي هيجوا كلهم ..
ضحكت برقة فنظر لهما (آسر) بامتعاض قبل ان يقول بتهكم :
_ خلصتوا !! ممكن بقي ندخل
_ ماشي
قالتها (لونا) و هي تسير بجانب اخيها و معهما (رامي)
******
_ ايه رأيك في اللون ده علي ده ؟!
قالتها (لونا) لأخيها و هي تمسك بحلة و قميص ، بدي علي وجهه الامتعاض ليمسك بالقميص و يقول بسخرية :
_ ايه ده يا بنتي !!؟ مش حاسة انه فاتح زيادة عن اللزوم !!
_ فاتح زيادة !! هي الفواتح بقيت حاجة وحشة !
قالتها بامتعاض فهم بالرد الا انه وجد صديقه يتدخل بينهما ممسكا بأحدي القمصان لينظر للذي بيد (لونا) قبل ان يبتسم ابتسامة مرحة قائلا :
_ حلو اللون ده !! فسكوز ده يا ببلاوي !!
قطبت بعدم فهم فلاحظ ذلك فأومأ نافيا قائلا :
_ لا لا انتِ محتاجة يوم نقعدك فيه قدام التليفزيون عشان تعرفي تتأقلمي !!
_ ممكن نركز في ام البدلة لو مفيهاش اساءة ادب لسيادتكوا !!
أنت تقرأ
رواية حب من نوع آخر
Roman d'amourكان وحيدا ابويه .. عاني من تفكك أسري لا ذنب له فيه و رغم وحدته التي فرضت عليه بل و وجود أب حاضر غائب الا انه اعتاد الأمر .. حتي جاء والده أخيرا ملقيا علي عاتقه مسئولية فتاة لا يعلم عنها شيئا سوي انها شقيقته !! شقيقته ! هذا ما لم يعتاده ابدا ... و...
