الملخص ده ضامم أربع شخصيات ظهورها قليل لحد دلوقتي ولكن هتنفعنا بعدين
نبتدي بقي بهبة
من خلال كام حد قرأ الرواية حسيت إن هبة من الشخصيات المشكوك فيها، أو بمعني أصح فيه إختلاف عليها.
والموضوع ده أنا فسرته لسبب إنها مش بتظهر كتير أو بسبب إنها مش واضحة لحد دلوقتي.
ولكن عموماً إحنا هنعرف عنها أكتر قدام متقلقوش
هبة ملهاش أحداث مهمة، ولكن الجدير بالذكر إنها كانت بتحب رامي جداً ولما أتعرفت علي لونا لاحظت إن نظرات كده بينهم، زائد إنها كانت بتلاحظ إن لونا بتقف مع رامي كتير أو إن رامي بياخد باله منها هي تحديداً.
وكمان في مرة لاحظت إن رامي كان موجود في البيت عند لونا، وده خلاها تضايق لأنها لقيت إنهم قريبين جداً من بعض.
والمهم إننا نعرفه إنها لما لقيت المشكلة اللي حصلت لرامي زعلت جداً
بس كده دي الحاجة الوحيدة المهمة، "شخصية جميلة والله مفيهاش رغي كتير"
بالنسبة لحمزة: فده يبقي أخو رغدة الكبير، في مرة من المرات حظه الحلو خلاه يوصل رغدة للجامعة، وقتها شاف هبة وشدت انتباهه.
ومن ساعتها وهو بقي بيروح كل يوم في المعاد اللي بتيجي فيه هبة، وده خلي يحصل بينهم حوار بسيط ولطيف.
بالنسبة للاتنين دول دي الحاجات المهمة لحد دلوقتي ولكن في الفصول الجاية هنبتدي نشوف تطورات تانية والغموض اللي حوالين هبة ده هينكشف.
نروح للأتنين التانيين وهما ليث وميرال.
ليث: لاحظت إنه من الشخصيات المكروهة من الكل إلا من اتنين بس تقريباً "أنا من الأتنين دول"
ليث أول ظهور فعلي ليه كان في خطوبة آسر، وقتها شاف لونا وأتعرف عليهم وساعتها
حس إنه قدر يأثر عليها بكلامه البسيط.
بدأ إلي حد ما يتقرب من لونا، وبقي تحصل بينهم مكالمات أو رسايل بسيطة.
والجدير بالذكر إن ليث ابتدي إلي حد ما يحس بحاجة ناحية لونا، إعجاب مثلاً...
ده اللي اتكتب أو أتلمح بيه في السرد ولكن هل ده حقيقي أو لا محدش عارف الحقيقة.
بالنسبة لميرال بقي ف دي تكون بنت صاحب باباه، أول مقابلة ليها مع ليث كان في الشركة... ومكانتش مقابلة لذيذة بالمناسبة وقدرت من خلال مقابلتين بس مع ليث إنها تستفزه وده لو تعلمون يعني إنجاز لأن ليث بارد جداً ونادراً لما في حاجة تشد انتباهه أو تضايقه حتي، والمهم نفتكره إن ليث احتكاكه بميرال هيكون كتير لأنها هتشتغل معاه في مشروع ما كده.
بس خلاص كده؟
آه أنا كده خلصت
طبعاً حد هيجي يسأل ليه أنا عاملة بوست مخصوص عنهم خصوصاً إن مفيش حاجة مهمة تخصهم، بس صدقوني دول ظهورهم هيبقي كبير قدام خصوصا ميرال وليث.
أنت تقرأ
رواية حب من نوع آخر
Romansكان وحيدا ابويه .. عاني من تفكك أسري لا ذنب له فيه و رغم وحدته التي فرضت عليه بل و وجود أب حاضر غائب الا انه اعتاد الأمر .. حتي جاء والده أخيرا ملقيا علي عاتقه مسئولية فتاة لا يعلم عنها شيئا سوي انها شقيقته !! شقيقته ! هذا ما لم يعتاده ابدا ... و...
