#حكاية شهرزاد
الكاتبة فاطمة عادل
شهرزاد : تحديدا بيوم امتحان التاريخ
بابا مخابرني انتظرت ماكو رحت ع بيبي اخذت موبايلها ادك مغلق رحت ع جدو وكتلة متعرف وين بابا ادك علية مغلق
طلع الموبايل مالتة جدو وضيق عيونة وايدة ترجف ويكتب
هاا جدو
الجد : مغلق
شهرزاد : جدو انثبر خابر عمي وخابر ابو فيان صديق بابا وطلعوا يدورون علية صار الليل وهمة مراجعين تالي الليل ب١٢ رجعوا
هادي : يابة اخر مرة من ديطلع مكلك وين رايح
الجد : والله يابة كلي اروح اوصل بضاعة للشورجة بسيارتة
ابو فيان : دورنة بكل مكان مستشفيات مراكز ماألة اي اثر
الجدة : يمممة وليدي كولولي وين راااااح
هادي : ع كيفج يمة انتضري باجر نشوفة
شهرزاد : صعدت أخواني للغرفة وصعدت حتى ندرس لان ثاني يوم امتحانات عدنة دموعي متنشف ع خدي من اللي سمعتة
زيد : شوشة ليش تبجين
عامر : زييييييد اسسسكككتتتتت
شهرزاد : ع كيفك عامر طفل ميفتهم تعالوا وياية ندرس بالغرفة الخ
اخذت زيد وزياد وياية ورحت لغير غرفة
زياد : شوشة شبيكم تبجون وبابا ليش مرجع اخاف مات مثل ماما
شهرزاد : حضنت لزياد وبجيت وطلعت القهر اللي بكلبي احس نفسي محتاجة احد يحضني محتاجة احد يهدئني زياد ضل مصدوم ميعرف شنو يسوي كتلة حبيبي لتكول هيج نندعي بابا يرجع بسلامة
زيد : يارب بابا يرجع
زياد : يااارب يرجع
شهرزاد : حبايبي اريدكم تندعون هواية ونيمتهم واني افكر بأبوية قبل ليطلع من الباب كالي شوشة شنو تحتاجين اجيبلج وياية كتلة عاجبني فواكه جيبلي وياك كالي تدللين حبيبتي بجيت بحركة كلش اشتاقيت لابوية ومحسيت ونمت
اني يومية اروح اوصل اخواني واروح لامتحاني لمدة تلث ايام وبابا مختفي بيبي شادة عصابة ع راسها وتون وتبجي
جدو بس كاعد وهادء ويبجي
عمي وابو فيان يجوون يطبون وية جدو لغرفة الخطار يسولفون ويطلعون ميقبلون نسمع
عامر اخوية عصبي كلش بس يصيح ع زيد وزياد
اني بس اندعي وابجي لان ابوية بالنسبة الي الحياة
دخل علينة ثالث يوم عمو هادي وابو فيان وشكلهم مكسور احنة كلنة كاعدين بالمطبخ نتغدة من شفناهم ذبينة الاكل وكمنة
الجد : هاا يابة لكيتو المهدي
هادي : باأنكسار اي يابة لكيناه
الجدة : وينة لعد ليش مجبتو وياكم
ابو فيان : البقية بحياتكم
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
