#حكاية شهرزاد
الكاتبة فاطمة عادل
الجد : لا جدو تعاي بسيارة ابو صادق خطية الرجال دينتضرنة كال اجي وياكم
شهرزاد : وكفت بمكاني دموعي نزلت مااكدر بعد احجي شي
الجد : ليش تبجين حبيبتي ابوية رجليج وجعتج
شهرزاد : بقيت واكفة وابجي شفت ابو صادق نزل من سيارتة ويريد يجي يلزم ايدي مشيت واني اعرج
ابو صادق : تعاي عمو اني الزمج اخاف توكعين
شهرزاد : درت ضهري عنة ولزمت ايد جدو وصعدت ورة وسد جدو الباب وصعدو
سادين الجام والتبريد مال سيارة مشتغل ريحة ابو صادق بعد مااطيقها حسيت نفسي اريد استفرغ بقيت الوب اختنكت واني اشوفة يباوع علية بالمرايا وجدو كاعد يمة وممنتبه ع اللي ديسوي ابو صادق متحملت استفرغت بالسيارة
ابو صادق : ميخالف فدوة الج عمو
الجد : شبيج يابة مو وسختي سيارة الرجال اسفين ابو صادق
ابو صادق : فدوة الها السيارة وصاحب السيارة ههههههه
الجد : رحم الله والديك متقصر
شهرزاد : وصلنة للمستشفى جدو كعدني ع الكراسي وراح يكص الباص واني مدنكة أجة علية ابو صادق يحجي بكل حقارة
ابو صادق : شدعوة عليج شنو حبلتي ههههههه بعدنة ممسوين شي
شهرزاد : اني جنت اكدر امثل القوة كدامة هسة كل قوتي انهارت وبجيت بصوت بعد متحملت أجة علية جدي
الجد : شبيك حبيبتي متوجعة
شهرزاد : ابجي واشهك اي اي جدو متوجعة ابقة يمي ولزمت ايد جدو وباوعت علية لتعوفني جدو الله يخليك
الجد : مااعوفج حبيبتي يلة تعاي رح يجي المضمد ويخليج بالكرسي ويدفعج اخاف متكدرين تمشين
شهرزاد : اني اكدر امشي صح تاذيني رجلي بس احس حيلي مهدود بعد مابية امشي
حطوني بكرسي ودفعوني للاشعة واخذو الي الاشعة طلع عندي كسر بالساق بناها الدكتور رجلي وطلعوني ع الكرسي المتحرك للسيارة لكيت ابو صادق يمسح الكشن من الوساخة من اجينة وخر والممرض خلاني لي ورة بالسيارة الطريق كلة حطيت كلينس ع خشمي حتى لااتنفس ريحة ابو صادق وصلنة للبيت جدو اتشكر من ابو صادق ونزلنة
لكينة بيبي محضرة تشريب وجابتلي الاكل واكلت بس اشوف بيبي بالكوة تمشي تعبت خطية وهية مرة جبيرة أجة جدو شافها هيج انقهر عليها والبيت مبهذل وكلة تراب مال عمالة
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
