#حكاية شهرزاد
الكاتبة فاطمة عادل
شهرزاد : راحت ريهام هية ضايجة وتدردم
فدوة لكلبك جدو هههههه بردت كلبي
الجد : لا يابة مو هواية ماخذة راحتها مترهم هيج
عامر : شهرزاااااااد وينج
شهرزاد : هاا عامر
عامر : ليش متساعدين ريهام بالعشة
شهرزاد : هية مكالتلي ساعديني كالتلي سويلنة عشة
عامر : وليش متسويلنة عشة طول عمرج تسوين هسة من أجتي ريهام جريتي ايدج
الجد : عامر احجي عدل وية اختك اذا تريد عشة خلي مرتك تسوي
عامر : ليش جدي صارت تستنكف تسوي عشة الاخوها
الجد : لا متستنكف بس مرتك جارة ايديها من كل شي كول المرتك تقاسم الشغل شهرزاد تعبت
عامر : خوش جدي ان شاء الله
امشي ريهام صعدي بدلي خلي نطلع نتزقنب برة
ريهام : اي حبيبي تدلل
شهرزاد : راحو عامر وريهام بدلو وطلعو وريهام تباوعلي من طرف عينها وتبتسم
كلش ضوجتني بتصرفاتها وتعبتني يجي عامر كدامة تعاملني زين يروح عامر كلة تأذيني بكلامها بس جدو كالي عوفيها جدو ولخاطري لتسوين مشكلة ولهذا اني عايفتها وابد مااتقرب عليها ولا اسوي مشكلة وياها
اسولفلة لمراد ع ريهام وعامر يكول هانت حبيبتي اخذج وانسيج كل هل قهر
عامر مااعرف ليش يعاملني بهاي الطريقة بس بديت ابحث عن الاسباب
عرفت أنه عندة صداقات هواية من جان بالكلية ومن ضمنهم روان وريهام وغيرها هوة ببالة يتزوج روان وجان ناوي يتقدملها
بس روان دخلت كلية وعافتة بين ليلة ويوم هوة كلش تأذة وانقهر جان يحب روان بالرغم عندة صداقات هواية
وراد يقهر روان بزواجة من ريهام وهوة حتى بريهام ممأمن او بطريقة صحيحة ميأمن بكل بنية وحتى اني ولان اني اختة مقهور مني لهذا السبب لان البنية عندة ميأمن بيها وماعندة ثقة بية
وريهام عرفت تلعبها صح حتى تبين كدامة هية الملاك البرئ اللي تضم ع فضايحي ولان بنت عمها وياية بالكلية موصيتها علية واني ابد مااوكف وية ولد او اسولف كلش قليل وبيوم اللي اجاني مراد وكعد يمي رأسا خبرت عامر بهذا الشي ومن شافني وية مراد تثبت عندة هذا الامر وقرر يحاربني بكل الطرق
أما بالنسبة لرفضة لمراد بهاي الطريقة لان هوة جان يحب روان والى حد الان يحبها بالرغم متزوج بس ميكدر يواجها خوفا من اعتراف قلبة بحبة الها وكبريائة ميسمحلة بهذا الشي ولهذا هوة تعبان ومتعبني وياه
أنت تقرأ
حكاية شهرزاد
عاطفيةأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
