#حكاية شهرزاد
الكاتبة فاطمة عادل
كنت ع أمل انتهاء معاناتي فاأنا لاقيت الكثير من الصعوبات بحياتي واقول سوف افرح في يوم ما ولكن مكتوب علي المشقة والتعب
وها انا الاقي الصعوبات اكثر واكثر واقف امام الجميع لتحقيق احلامي وطموحاتي ولكي ارسم البسمة ع شفاه اللذي احبهم ويحبوني
وانا شمعة تحترق من أجل ان تضئ حياة عائلتي
وانا دوما احمل مسؤولية أكبر من عمري
عدت الايام وجدو أخذني فتحلي الجبس مال ايدي والحمد لله صارت زينة
اما اني ومراد يومية نتخابر وماكو شي ينغص فرحتنة
بس عامر حاربني كلش يكول ميصير البنية تطلع وية خطيبها بالرغم الكلام مينطبق علية
ومرات يجي مراد يمي و عامر يبقة يمنة لحد ميروح مراد ويذب حجي مو حلو لمراد ويضوجة
احنة بالبداية اتفقنة فترة خطوبة طويلة حتى اكمل دراستي مراد كالي منطول فترة الخطوبة أخوج ديحاول يسوي مشاكل وياية كل مرة من اجيكم يضوجني بالكلام واني اسكت لخاطرج
صحيح اخوية هذا اللي يريدة يعوفني مراد واكثر من مرة يتهجم ع مراد بالكلام ومراد ميرد حتى جدو يحجي ع عامر يكولة عدل اسلوبك وية مراد بس لا حياة لمن تنادي
داومت بالكلية منير ورغد كاعدين اجيت سلمت وكعدت يمهم
منير : شلونة مراد
شهرزاد : الحمد لله
منير : صارلة هواية مجاي للكلية
شهرزاد : اي والله لان اخوية مقبل يجيني للكلية
منير : ههههه الله يعينة لمراد ع اخوج
رغد : هههههه اي والله
شهرزاد : الحمد لله شنسوي
خلص الدوام ورجعت للبيت لكيتهم كلهم كاعدين بالمطبخ سلمت عليهم وبوست جدو بس عامر ضايج
الجد : شوشة حبيبتي اليوم حضري نفسج العصر يجي عليج مراد وتطلعون
شهرزاد : صدك جدو وين نروح
الجد : ي جدو صدك خابرني مراد وكالي عاجبكم تطلعون وتروحون تزورون الامام الكاظم عليه السلام
شهرزاد : اي جدو ان شاء الله كلش عاجبني ازور
صعدت فوك فرحانة وخابرت مراد وكلي اني خابرت جدج ووافق الحمد لله
صار العصر بدلت ورتبت نفسي خابرني مراد كلي طلعي اني بالباب حطيت عباتي ع ايدي وطلعت وصعدت بالسيارة وكلش فرحانين اني ومراد اول طلعة هيج فرحانين بيها ورحنة زرنة واندعيت لأمي وأبوية يروحون بالجنة واني هم اروح للجنة حتى اشوفهم هذا دعائي دائما
رجعنة تعشينة بالمطعم وتونسنة بس مراد ضايج من شي عبالك
شهرزاد : حبيبي بيك شي احسك ضايج
مراد : مخنوك حبيبتي
شهرزاد : ليش مخنوك صاير شي
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
