حكاية شهرزاد

البارت السادس

#حكاية شهرزاد

الكاتبة فاطمة عادل

عدت الايام وصارت امتحانات أخر السنة
أخواني يمتحنون قبلي اني ادرسهم واراجع الهم المادة يتعبوني كلش يريدون يلعبون واني اريد اكمل الهم مادة الامتحان مرات اصير عصبية اصيح لو اضربهم وابجي عليهم لان انقهر عليهم من يبجون واصالحهم واعتذر منهم
أمتحنو واثنينهم طلعو اوائل الحمد لله كلش فرحت بيهم وبابا باسني الي اول وكلي لو ما انتي ميطلعون اوائل

أجتي أمتحاناتي اول يوم رحت للمدرسة ابجي أخاف من كلمة بكلوريا عبالي تجي أسئلة صعبة ومااعرف احلها بالرغم اني كلش هواية درست
دخلت للقاعة كوة امشي وامسح بدموعي كعدت ووزعو الدفاتر وجابولنة الاسئلة باوعتها هذا اعرفة وهذا اعرفة كلة اعرفة والاسئلة سهلة مسحت دموعي وكعدت اكتب بسرعة حليتها كلها وكملت صار وكت الطلعة وطلعت كلش فرحت سهلة البكلوريا هواية جانو يخوفوني من هاي الكلمة والبنات يبالغون بالكلام صديقاتي
وبديت اكمل امتحان ورة امتحان والحمد لله أجاوب خلصت الامتحانات وصارت العطلة وبابا طلعنة العصر لمدينة الالعاب تونسنة ولعبنة وأخواني يلعبون بالسفينة لو بالحصان وطكينة صور بموبايل بابا لان عندة موبايل ابو الكامرا
ورجعنة للبيت بالليل ساعدت بيبي كملت المطبخ وصعدت نمت ثاني يوم كعدت تريكنة وخلصنة وبديت ارتب المطبخ وبيبي مريضة اليوم علية الطبخ ولازم أغسل هدوم بأيدي كلش تعبني الهدوم كملت المطبخ ودخلت للحمام اغسل الهدوم احنة هواية اربعة وبابا وبيبي وجدو كلهم اني اغسل الهدوم مالتهم
أجة بابا من الشغل العصر لكاني بعدني اغسل الهدوم

مهدي : هاا باباتي شكلج تعبان

شهرزاد : هلوو بابا لا مابيية شي

مهدي : أساعدج

شهرزاد : لا مااحتاج عاشت ايدك
دخل بابا وياية وساعدني بالهدوم

مهدي : هاي الهدوم صدك تتعب ههههههه

شهرزاد : ههههههه اي والله بابا متعبتني

مهدي : يلا تعاي وياية برة خلي نشرها

شهرزاد : طلعنة اني وبابا شرينة الهدوم وخلصنة صعد بابا بدل ورد طلع
ورة ساعتين أجة كال سوو طريق للحمام وياية صديقي بس طولو بالحمام وضلينة كاعدين بالغرفة اني وبيبي أجة بابا

مهدي : شهرزاد تعاي وياية

شهرزاد : وين بابا

مهدي : تعاي وغمضي عيونج

شهرزاد : هههههه بابا رح اوكع

مهدي : متوكعين لازمج هههههههه

شهرزاد : اخذني بابا للحمام لكيت غسالة وبيها باب من فوك تنفتح والباب ازرك شفاف ضليت صافة وجدو هم واكف مبتسم