#حكاية شهرزاد
الكاتبة فاطمة عادل
شهرزاد : هذه اللي مطلكة انت بيوم جنت تريد تاخذ بنتها
كام علية عامر وجرني من شعري ويضرب بية
وللللج تريدين تاخذيلج واحد امة مطلكة
والله اذبحج وماانطيج لمراد
ساااقطة حابة وتتمعشك تالي تريد تتزوجة
الجد : عامر عوف اختك وامشي اصعد لغرفتك
عامر : جدي ربيها لا والله اجي اني اربيها
شهرزاد : اشهك وابجي من ضرب عامر حضني جدو شوية هدئت
عامر اخذ موبايلي غلقة وضمة يمة
يومية ابجي ع مراد مشتاقتلة كلش
عامر مرحمني ابد كل مينفتح الموضوع يكوم يهلكني كتل اني ماعندي احد اشكيلة غير ربي
جدي مقهور علية كلش وموافق ع مراد بس عامر ابد مديقتنع
ريهام وظيفتها بالبيت تقهرني وتحجي علية يم عامر حتى يضربني بالرغم اني ابد مااتقرب عليها ولا اغثها بس كرهت ريهام كره مصاير
عمري مكارهة بشر بس كرهت ريهام من اللي سوتة واللي حجتة وياية
وبيوم من الايام كاعدين اني وجدو وزياد ايدي كلش توجعني ولافتها بشال لان عامر ضربني عليها وورمت
واريد اصب لغدة لجدو وزيودي يساعدني نزلت ريهام من فوك بهدوم النوم زياد رأسا نزل راسة وصعد لغرفتة
ريهام : صباح الخير
هاا اليوم شطابخة غدة
الجد : باعي الساعة يلة تسلمين كولي مساء الخير
وشغلة ثانية وين رجلج عنج مخليج تنزلين بهاي الهدوم كدام حماج انتي ماعندج حية (حياء)
ريهام : شبيك جدو قابل طالعة بالهدوم هوة بالبيت
الجد : الحجي مو وياج الحجي وية هذاك ال......
عااامر عاااامر شو تعال اوكف كبالي اريد اربيك من اول وجديد
ريهام : شبيك جدو تصيح عامر نايم
الجد : امشي اصعدي كعدي لااصعدلة بالعصى
شهرزاد : جدو ع كيفك صحتك
عامر : نعم جدي
الجد : ولك عامر اسمعني هية كم نقطة اكولها الك تسمعها زين مني
مرتك هذا لبسها وتفرفرها كدامنة اذا انعاد متلوم اله نفسك مسوي روحك شريف وكاعد تضبط ع اختك تالي الريحة طالعة منكم
عامر : جدي ....
الجد : اسمعني ولتقاطع مرتك عليها نص شغل البيت واكلكم انتو تسوو بنفسكم شهرزاد ماعليها شي
وشي ثاني اذا بعد مديت ايدك ع اختك ياعامر الايدك اكسرها وهاي كدام الكل احجيها
وشهرزاد خطوبتها يوم الجمعة الجاية ع مراد لان منتضر تطيب لان عيب كدام الناس
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
