#حكاية شهرزاد
الكاتبة فاطمة عادل
عدت الايام واني ومراد متواصلين وكلش تعلقت بي وهوة كذلك واحس حياتي بدت تتلون بعد مكانت بلابيض والاسود
حبيتة وصار ياخذ جزء كبير من قلبي واذا افرح اروح اسولفلة واذا أحزن اروح أشكيلة واذا ابجي هوة اللي يطيب خاطري صار الي الجانب المضئ من حياتي
جنة كاعدين اني وبيبي وجدو بالصالة العصر وزياد طالع وية اصدقاءة وعامر هم طالع
سويت عصير الي ولبيبي ولجدو وكاعدين نشرب دخل عامر مفزوع
عامر : جدي .... جدي
الجد : خير جدي
عامر : هذا ابو صادق سمعت شنو صار بي
شهرزاد : بس سمعت بلأسم حسيت كلبي انقبض
الجد : شصار بي
عامر : امة توفت قبل فترة وتتذكر هوة شكد يحب ووالدتة وضل يبجي عليها وعازل روحة بغرفة حتى زوجتة واولادة عافو
وتمرض وهسة يكولون ع فراش الموت ومحد يمة حتى اولادة ميريدو
الجد : لاحول الله وهسة بوحدة محد يمة
عامر : لا محد يمة الجيران مرات يدزولة اكل
الجد : هاي عيشة الحرام هيج تسوي بالبشر لا اله الا الله
شهرزاد : مكدرت اسمع أكثر رحت كعدت بالمطبخ مااريد اسمع بعد مجرد ذكر اسمة كبالي اتأذة
هذا اللي زرعة ابو صادق حصدة عيشة حرام يلعب ع شرف العالم يخون الامانة اللي جان جدو مأمنها اله
سمعت صوت جدو
الجد : شهرزاد تعاي جدو
شهرزاد : نعم جدو
الجد : شهرزاد سويلج حافظة شي بيها اكل خلي أخوج يروح يودي اكل لأبو صادق
شهرزاد : رحت حضرت حافظة الاكل ورتبتها ونطيتها لعامر وداها اله
راح عامر ال ابو صادق ناطى الاكل وجاي كله الجدو ابو صادق منتهي وكلش متاذي وحتى دام يبجي و كال خلي جدك يسامحني ويحللني ويوهبني اني هوايه اذيته وجدو انقهر كلش وكال محلل وموهوب على كل شيء و ربي يرحم بحاله و يشافيه و ان شاء الله اني اروح ازوره لان مهما يكون ابو صادق صاحبي وعشرت عمر جدو بقة يوم كامل مقهور ومتأذي ع ابو صادق
ثاني يوم الظهر كاعدين احنة نتغدة دك موبايل جدو رحت جبتة اله رد على الموبايل
الجد : الووو منو وياي انا لله وانا اليه راجعون
الجدة : خير ابو مهدي شنو اللي صار
الجد : ابو صادق نطاكم عمره الله يرحمه ويغفر اله يابة شهرزاد حضري لي هدومي اريد اروح وياهم للجنازه
شهرزاد : رحت حضرت هدوم جدو واجة بدل وطلع
بالرغم اني شكد تأذيت من ابو صادق بس من سمعت مات كلت الله يغفرله ويرحمه
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
