#حكاية شهرزاد
الكاتبة فاطمة عادل
شهرزاد : اني مغمضة عيوني واكولة منو اجة جدو سمعت صوت واحد يضحك ويكلة عوفها خطية نايمة
فتحت عيني بدهشة لكيتة مراد كعدت بسرعة عدلت شعري هوة بس يضحك ويباوع علية كتلهم صباح الخير اااا اقصد هلوو
الجد : هلو حبيبتي يلة كومي قدمي شي لمراد
شهرزاد : اي جدو تدلل كمت ركض للمطبخ غسلت وجهي وعدلت شعري واني افكر ياربي هذا شجابة هنا وشنو يريد يحجي بس لا صدك ناوي يتقدملي
سويت جاي وحطيتة بالصينية ووديتة مراد بس مبتسم ويسولف وية جدو وبيبي كاعدة وزياد اني ضليت كاعدة اريد افتهم ليش جاي واني مركزة وياهم بالكلام شفت بيبي تباوع علية معاجبها الوضع دنكت راسي وعدلت كعدتي
مراد : والله عمو صارلنة هواية مشايفيكم كلت امرلكم اشوفكم
الجد : كل الهلة بيك ياطيب ياابن الطيبين
مراد : رحم الله والديك عمو شوكت متحتاج شي بس خابرني أجيك
الجد : متقصر
مراد : سمعت من ابوية سيارتك عاطلة
الجد : اي والله عطلت وعامر تدري بي عندة دراسة ميكدر يصلحها هسة ع العطلة يصلحها
مراد : ليش تنتظر عامر واني موجود اخابر صاحبي ونسحب السيارة وباجر من الصبح اوديها للتصليح حتى دوام ماعندي
الجد : اخاف زحمة عليك
مراد : لاا عمو صدك كذب يعني محاسبني مثل عامر هسة اخابر واخذها السيارة باجر اجيبها الك ان شاء الله
الجد : لعد انتظرني
شهرزاد : راح جدو للغرفة بقينة بس اني ومراد وبيبي وزياد
بيبي تباوع علية وتباوع ع مراد اني نزلت راسي
مراد : احممم
الجدة : خير يمة اجيبلك مي
مراد : لا حجية رحم الله والديج
شهرزاد انتي شنو طلعتي
الجدة : نجحت شهرزاد
مراد : هاا شايفة كل الخير
الجدة : خير اللي يصيبك
مراد : شهرزاد انتي هل سنة اعدادية ان شاء الله
الجدة : اي اعدادية
مراد : شدي حيلج حتى تجيبين معدل عالي ان شاء الله
الجدة : شادة حيلها بدون متوصي
أنت تقرأ
حكاية شهرزاد
Romansaأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
