#حكاية شهرزاد
الكاتبة فاطمة عادل
شهرزاد : مشت الأيام وأجة رمضان
صار البيت كلة علية خالة انعام تكعد تطبخ وترجع تنام وأني من ثاني ابتدائي أصوم وية بيبي هدوم البيت كلها علية وكلها اكعد أغسلها بأيدي بالحمام واذا بقت طكعة بالملابس خالة انعام تصيح علية ومرات تضربني او تكرصني
بابا مااحجيلة شي أخاف يضوج وهوة يطول بالشغل لليل ومن يجي للبيت تعبان شوية يكعد يمنة نسولف ويشاقي أخواني وينام وأخواني بركبتي متعبين كلش وكحين
وخالة انعام أخذت نرجس واشترت الها ملابس عمو هادي كال الها أخذي هدوم لشهرزاد كالتلة اي رجعت من السوك نرجس كل شي مشترية حتى مناظر شمسية وجنطة ع الظهر ع شكل البيكاتشو (شخصية كارتونية مشهورة أنتشرت بفترة من الفترات ومحبوبة من قبل الاولاد ) تجنن الجنطة
هادي : أنعام اشتريتي لشهرزاد هدوم
أنعام : هاا اي اشتريت الها نرجس جيبي الفستان الوردي اللي معلك بالكنتور
نرجس : اي ماما
شهرزاد : جابت نرجس الفستان قديم لابستة هواية نرجس أخذتة وفتحتة
أنعام : يلا شهرزاد لبسي الفستان
شهرزاد : رحت لبستة وأجيت ابد مو حلو علية وكلش مسمرني
هادي : الله شلون فستان حلو
شهرزاد : اي حلو
هادي : كولي لمرت عمج شكرا
شهرزاد : شكرا خالة أخذت الفستان وصعدتة بغرفتي
أجة بابا من الشغل بالليل
مهدي : حبيبتي شهرزاد شلونج أخوانج وين
شهرزاد : هلو بابا جوة أخواني بغرفة جدو
مهدي : تعاي نروح نشوفهم
شهرزاد : بابا
مهدي : كولي حبيبتي
شهرزاد : رح نطلع نشتري هدوم العيد
مهدي : اي بابا ان شاء الله
شهرزاد : فرحت وكتلة اي بابا خلي نطلع نشتري
مهدي : تدللين حبيبتي هل يومين افرغ نفسي ونطلع
شهرزاد : نزلت جوة وية بابا واخواني أجوي ع بابا ويبوسون بي وشالهم أثنينهم
مهدي : حبايبي جبتلكم نساتل وجبوسة
زيد : اييي بابا اريد
مهدي : ههههههه بالمطبخ حبيبي روح اخذهم
شهرزاد : جاب زيودي العلاكة وفتحناها وكعدنة ناكل
عامر : بابا اريد هدوم مال عيد
مهدي : اي عموري هل يومين افرغ نفسي واشتريلكم
أنعام : شهرزاد راويتي لأبوج هدومج مال عيد اللي اني اشتريتهم الج
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
