#حكاية شهرزاد
الكاتبة فاطمة عادل
لميت كتبي وذبيت الحلقة وطلعت من البيت وامشي بسرعة وابجي واشهك نفسي انكطع حسيت نفسي هاي نهايتي ورح اموت كعدت بالشارع
محسيت اله ع مراد وراية
مراد : كومي شهرزاد وياية
شهرزاد : عوفني مراد مابية
سندني واخذني رجعني للبيت واني الشهكة اللي بصدري أذتني
مراد : شهرزاد اشربي مي
شهرزاد : جابلي مي مراد شوية اخذت نفسي
باوعت علية كاعد يمي بالكع ويبجي
مراد : شهرزاد والله لو تفترين الدنيا كلها متلكين واحد يحبج مثلي
بس ردت اشوف اني غالي عليج
وردت اعلمج درس حتى تخليني من اولياتج
وياريتج بس انتي اللي تعلمتي
الدرس تعبني قبل ليتعبج فراكج هد حيلي وأذاني
شهرزاد والله احبج تعاي نتزوج ونعيش كافي دمرتيني
انتي المن باقية يم اهلج لان ريهام مريضة تذكرين شلون عذبوج واذوج عامر وريهام محد يستاهل تضحين علمودة اني تعبت وانتي تعبتي حبيبتي شوفي نفسج شلون ضعفانة وتعبانة
شهرزاد : كل اللي يحجي مراد صح واعرف هوة حقة ويحجي وياية بقهر ووجهة احمر نزلت يمة كعدت وحضنتة وابجي رفعت راسي وباوعت بعيونة
مراد انت تستاهل وحدة احسن مني وطلعت بكل هدوء وسديت الباب رجعت للبيت لكيت جدو كاعد يتريك حالتي كلش موزينة ومبين علية باجية ومتأذاية
الجد : هاا يابة خير راجعة من وكت
شهرزاد : شوية تعبانة جدو
كعدت يمة منزلة راسي وافكر واعيد باللي صار قاطع سلسلة افكاري جدو
الجد : شهرزاد
شهرزاد : نعم جدو
الجد : شبيج يابة احجيلي اللي بكلبج أسمعج
شهرزاد : شمرت نفسي بحضن جدو وابجي واشهك
جدو اني ومراد رح نفسخ خطوبتنة
الجد : اششش جدو لتبجين حبيبتي أهدئي وكومي بدلي وغسلي وتعاي يمي بالصالة ونشرب جاي سوة ونسولف
شهرزاد : صعدت لغرفتي امسح بدموعي بابا والله محتاجتك ماما اتمنى لو انتي يمي
بدلت وغسلت ونزلت صبيت جاي لجدو ووديتة اله وكعدت يمة
الجد : احجيلي يابة ومااريدج تبجين شنو اللي صار
شهرزاد : سولفت لجدو ع روحتي لمراد واللي صار بيناتنة
الجد : شهرزاد يابة اللي شافة مراد مو شوية انتي تدرين امة تزوجت قبل شهر
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
