#حكاية شهرزاد
الكاتبة فاطمة عادل
شفت مراد وكف ومنحرج وخايف عبالك مااعرف شنو صار
مراد شبيك حبيبي
مراد : اششش شهرزاد اسكتي
شهرزاد : التفتت وراية وشفت عامر أجة بااتجاهنة نشف دمي
عامر : كومي شهرزاد للبيت
مراد : شلونك عامر
شهرزاد : وكفت يم عامر واني ارجف واشوف عامر يخزر مراد وفات حتى مسلم علية
عامر يمشي بسرعة واني امشي وراه صعدت بالسيارة لي كدام اول مصعدت ضربني ع راسي شربة خشمي انضرب بالدشبول ونزيف من خشمي
كمت ابجي واخذ اكلينس واخلي ع خشمي
عامر : ولج والله خلي نوصل للبيت اذا ماادفنج ياسااااقطة
شهرزاد : شغل السيارة ومشة التفتت ع الجامة شفت مراد واكف ويريد يجي علينة وشافني من انضربت
عامر مشة السيارة بسرعة وصلنة لبييت وهوة الطريق كلة يهدد ويتوعد
دخلت ركض ختلت ورة جدو
الجد : شصاير يابة شبي خشمج
شهرزاد : جدو الحكني رح يموتني عامر
الجد : شنو يموتج طايحتلة يولي
شهرزاد : دخل عامر علينة وسحلني من شالي للكع ويدفر بية وبوجهي عيوني بعد مااشوف بيها واصرخ
الجد : ولك عااامر عوفها رح تموت
عامر : اليوم اموتها لهل ساقطة
الجد : شبيها شنو سوتلك
عامر : تريد تعرف شسوت
رايحة مصادقة مراد ويتقابلون من ورانة
الجد : ماكو هيج حجي منو كلك بهذا الشي
عامر : كرايب ريهام نفس كليتها وكلولي ورحت ولكيتها صحيح كاعدة هية ومراد
الجد : كافي عامر ولي عن خلقتي
امشي شهرزاد غسلي وجهج وتعاي يمي
شهرزاد : رحت نزعت شالي وغسلت وجهي عيوني مورمة وزركة وكلش متأذاية
رحت كعدت يم جدو بغرفتة وسدينة الباب
الجد : صحيح شهرزاد اللي كالة عامر
شهرزاد : هاا جدو بالصدفة مراد جان بالكلية واجة سلم علية وكعدنة سوة
الجد : يعني مو دائما تتشاوفون
شهرزاد : لا مو دائما مرات يجي للكلية ويسلم علية
أنت تقرأ
حكاية شهرزاد
Romansaأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
