#حكاية شهرزاد
الكاتبة فاطمة عادل
اني منزلة راسي وامشي وصلت لراس الشارع مال بيتنة رفعت راسي لكيت هوسة كدام بيتنة
تقربت أكثر وتأكدت اي هاي ببيتنة ركضت بلا شعور وشفت الكل جاي وعامر كاعد برة يبجي بالطرمة
صحت عاااامر شنو صاير
عامر : شهرزاد حبيبتي ع كيفج
شهرزاد : احجي عااامر رح اموت
عامر : مووو زيد اليوم راح للمدرسة
وخابرتنة المديرة كالت تعالو استلمو ابنكم لان متخربط
راح جدو طلع جان يركض بالساحة ديلعب هوة واصدقاءة ومكادر ياخذ نفس ومودي للادارة والمديرة خابرت جدو واخذو للمستشفى طلع بي قلب ومتحمل الجهد اللي صاير علية وبقو بلانعاش ساعتين وتوفى
شهرزاد : زييييييد حبيبي ولك وليييييدي
ركضت دخلت جوة ادور علية واصيح والكل أجوي يريدون يهدؤوني بعد مااتحمل شفت عمو ابو فيان ركضت علية
عمووو ابوس ايدك اخذني لزيد اريد اشوفة اريد اعتذر منة ابوووس ايدك عموووو
ابو فيان : ببجي ونحيب
امشي عمو وياية للمستشفى
شهرزاد : رحت صعدت بالسيارة والطريق كلة ابجي واحجي وية عمو
والله عمو كالي كلبي يوجعني عبالي ميريد يداوم مدرسة عبالي يتحايل علية سووودة علية وليدي امي اجتني بالحلم وكالتلي اعتني بااخوانج
وج يمة مصنت الامانة اللي نطيتونياها وج يممممة محتاجتج
عمو ابو فيان يبجي بصوت عالي ويهدء بية
ابو فيان : حبيبتي ابوية ع كيفج بنفسج هذا قضاء وقدر كااافي رح تموتين
شهرزاد : عمووو ياريتني اموت واخلص كلهم عافوني وراحو اني شنو اسوي بحياتي بعد
وصلنة للمستشفى نزلني عمو ولزمني من ايدي دخلت لكيت جدو كاعد بالكع وعمو ابو مراد وياه وكم شخص من كرايبنة ديسوون الاوراق
ركضت ع جدو وحضنتة وهوة بالكع يبجي ويصيح يمممة ولد الغالي
كتلة جدو اريد اشوف زيد
الجد : كافي جدي اخذو ميقبلون احد يشوفة
شهرزاد : لا جدو الله يخليك بس اشوف ابني اللي ربيتة اخر مرة اشوفة
ابو فيان : حجي خليها تشوف اخوها لان الاوراق كملت حتى نودي ندفنة
شهرزاد : بحجاية عمو عبالك جنت بحلم يتخايلي رح اطب الكي زيد كاعد من كال ندفنة حسيت هاي حقيقة مو حلم وزيد رح يروح
وكفت دموعي ونزلت اخذني عمو والممرض ودخلت لغرفة بيها سرير ومغطة بقماش ابيض
اتقرب وية كل خطوة اندعي هذا حلم واصحى منة اندعي هذا كلة مصاير لحد مشال الغطة الممرض من وجه زيد شهكت وتقربت اكثر
باوعت بملامحة ودموعي تنزل بهدوووء خايفة ازعجة وشفتة بيضة ووجهة شاحب حجيت وياه بهدوء
زيد حبيبي أنت ابني واني اسفة معتنيت بيك جاية هنا اعتذر منك وليدي باوعت علية وكلبي يوجعني
كتلة اعتذرلي من امي وابوية وطلعت برة حسيت الهوة يخنكني لزمت ركبتي وافتر اريد هوة
اجة علية عمو بعد محسيت ع شي غير منيميني وحاطيلي اوكسجين ع خشمي
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
