#حكاية شهرزاد
الكاتبة فاطمة عادل
نادية : شهرزاد انتي حبابة وخوش بنية ومؤدبة ومن تسولفيلي ع ظروفج اكولج تفرج بيوم
والبارحة ست انتصار تسولفلي تريد تخطب لابنها خوش ولد مؤدب عسكري كتلها عليج
انتو شنو رأيج بهيج موضوع ست انتصار تريد تجي لااهلج وتتعرف عليهم
شهرزاد : ست مووو اااني مااريد اتزوج
نادية : ليش حبيبتي متريدين الولد خوش ولد
شهرزاد : ست مو من شي بس اهلي شلون اعوفهم بيبي متكدر تسوي اي شي و اخوية زياد متعلق بية واني متعلقة بي مااكدر اعوفة
نادية : اي عادي كلنة نحب اهلنة ومتعلقين بيهم ونتزوج ونجي نزورهم
شهرزاد : لا ست مااكدر
نادية : فكري حبيبتي واسألي اهلج وكوليلي
شهرزاد : ان شاء الله ست
رحت لصفي واني افكر مااكدر اطرح هيج موضوع عليهم ومراد يحبني وينتضرني واني معجبة بي شلون هسة شنو اسوي
سولفت لفاطمة ع كل شي اللي صار واني محتارة مااعرف شنو اسوي
فاطمة : انتي مو كلتي مراد يريد يجي يخطبج ع الاقل مراد يحبج وتعرفي لو اهلج يوافقون تتزوجين جان اتزوجتي مراد
شهرزاد : اي صح باجر اكول لست نادية اهلي موافقو
فاطمة : اي كوليلها اهلي موافقو وست نادية كلش حبابة تتفهم الوضع
شهرزاد : اي والله كلش حبابة نيال جهالها عندهم هيج ام
فاطمة : ست نادية متزوجة صارلها سبع سنوات وميصير عندها اطفال
شهرزاد : صدك تحجين ماادري ...خطية ربي يرزقها
فاطمة : امين ربي بس اني عرفت هذاك اليوم بالصدفة لان هية جيران بيت عمتي وكالت هيج عمتي
شهرزاد : ربي يرزقها دعوة يتيمة
فاطمة : حبيبتي شوشة فدوة لقلبج الطيب
شهرزاد : خلص الدوام ورجعنة للبيت ابد مفتحت موضوع لان اعرف ردت فعل بيبي وعامر
خابرني مراد العصر يسأل علية سولفتلة ع ست نادية
مراد : هااا وانتي شنو رأيج
شهرزاد : انت تدري بية مااريد اتزوج
مراد : لا ليش شوفي اذا خوش ولد وافقي
شهرزاد : هاي شبيك مراد ليش تعصبت
سمعت صوت مراد صاح بعلو صوتة
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
