حكاية شهرزاد

البارت الثالث والعشرون

#حكاية شهرزاد

الكاتبة فاطمة عادل

شهرزاد : زياد .. زياد

زياد : نعم شوشة

شهرزاد : وين موبايلي الجديد

زياد : شوشة موبايلج الجديد أخذة عامر

شهرزاد : ليش اخذة

زياد : مااعرف شفتة قبل شوية فات للغرفة سألني ع هذا الموبايل كتلة موبايل شهرزاد الجديد هوة صار عصبي أخذة وطلع

شهرزاد : كعدت بالمطبخ خليت ايدي ع راسي ليش هيج ديسوي عامر وياية والله هل موبايل مونسني احسن مااضل كاعدة بوحدي لوما ابو فيان كل فترة يطلعني محد بحالي
رحت اكمل شغلي دخل عامر الشرار يطافر من عيونة اني بقيت ساكتة مو وكت اناقشة ليضربني مااشوفة اله أجة علية

عامر : شهرزاد منيلج هذا الموبايل

شهرزاد : هذا البارحة اشتراليا عمو ابو فيان
مااشوفة اله جرني من شعري بكل قوتة ويصرخ

عامر : ولج أنتي ناصبة علية وحق الله اربيج من جديد افتهمتي لو لا صايرة محد يوكف بعينج

شهرزاد : اني فقدت بعد مااتحمل كمت اصرخ بعلو صوتي وابجي
عووووفني عاامر هد شعرررري شبيك اني شنو مسوية حتى هيج تعاملني انت اكو من اللي يحركك علية وتجيني هايج ولا عبالك اني مااعرف عاااامر افتهمت
عامر نهاني من الضرب أجوي بيبي وجدو يريدون يفكوني منة سحلني برة بالكراج ويصيح

عامر : اله أذبحج ياكلبة ياحقيرة دايحة محد يكدر يلزمج اني اربيج

‏شهرزاد : متت من الخوف واني اشوف أخوية طلعني برة يريد ذبحني وبيبي جدو يجروني منة وزياد فقد يركض ع عامري ويضرب بي ويصيح

زياد : عااامر عوف أختي رح تموووووت

عامر : أنت وخر من يمي لااموتك وياها

شهرزاد : جرني جدو من ايدة ودفعة لعامر وبيبي اخذتني للغرفة وقفلت الباب علينة ابجي وارجف حضنتني ونيمتني بحضنها وخلت ايديها ع راسي وتقرة ( بسم الله الرحمن الرحيم يس والقرآن الحكيم .....)
هدأت وغفت بحضن بيبي بعد محسيت
كعدت المغرب دايخة كل شي مماكلة الدنيا ضلمة كلبي مقبوض فتحت الباب ووكفت البيت هدوء مشيت شوية دخت لزمت الدرج ووكفت
رفعت راسي أجاني جدو حضني ومشاني للمطبخ كعدني وكعد يمي ويمسد ع راسي اني هادئة ومحجيت ولا شي

الجد : شوشة يابة تعاي اصبلج وتاكلين

شهرزاد : هزيت راسي ب لا