#حكاية شهرزاد
الكاتبة فاطمة عادل
خلص الدوام واريد اطلع للبيت وتفاجأت بباب المدرسة شفت اخوية عامر من شافني صعد سيارتة وراح اني صعدت بالخط ورجعت للبيت
دخلت سلمت ع بيبي وجدو وصعدت بدلت وبديت اشتغل أجة اخوية عامر ضايج ومسلم علينة شمر مفتاح السيارة والموبايل وكعد يم جدو يسولف
عامر : جدو ابو صادق اخر مرة شكد نطيتة فلوس
الجد : ٢٠ مليون
عامر : جدي رحت ووكفت وياه بالشغل وحسبت لكيتة صارف ١٢ مليون بس يعني فرق ٨ ملايين
الجد : هوة كلي صرفتهن ال٢٠ مليون كلهن
عامر : دز علية وخلي يجي وتحاسب وياه
شهرزاد : من سمعت كلام عامر وكال دز ع ابو صادق رجفت اريد اختل بغرفتي اريد اصعد بيبي صاحتني ع شغلة بالمطبخ ورحت اشتغلها
الجد : هاك موبايلي طلعلي رقمة
عامر : اي جدي
شهرزاد : حجة جدو وية ابو صادق كلة تعال حتى انطيك فلوسك كلة نص ساعة اني يمك
اني بالمطبخ اشتغل بعدني اندك الجرس شباك المطبخ يطل ع الكراج
طلع عامر فتح الباب دخل ابو صادق من باب الخطار بس شفتة ضعيف وشعرة ابيض نص شعرة واكع ممرتب شعرة وهدومة كلها تراب ووسخة وممكوية
ذبيت الشغل اللي باايدي وركضت للحمام استفرغت
الجدة : شبيج ولج خايبة شهرزاد
شهرزاد : اسمع بيبي تصيح علية سديت علية باب الحمام وغسلت وارتاحيت وطلعت
الجدة : شبيج شصاير عليج
شهرزاد : هاا بيبي مااعرف لعبت نفسي وذبيت من راسي
الجدة : هاي لان خربطتي بلاكل
شهرزاد : اي يمكن بيبي
شوية وسمعت بدت الاصوات تتعالى وصوت ابو صادق يصيح
بيبي فتحت باب غرفة الخطار اللي تطل ع البيت شوية حتى تسمع شنو اللي صار
ابو صادق : حجي انت تعرفني من سنين انت ممأمن بية
عامر : جدي كل مرة اكلك علية غلط بمليون لو اثنين انت دكولي اخاف انت غلطان هل مرة ٨ ملايين هم اني غلطان شوف الاوراق كدامك والحسابات
ابو صادق : اي اكو مواد بعد اشتريتها وممسجلها
عامر : شلون ممسجلها وانت اللي نطيتني القوائم كلها واني ووياك اشتغل شلون تفوت علية ٨ ملايين
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
