#حكاية شهرزاد
الكاتبة فاطمة عادل
الجد : بعدك ممتخرج جدو تدري بية اريد افرح بيكم اليوم قبل باجر بس بعدك اوكف ع حيلك
عامر : لا جدي بس خطوبة وورة مااتخرج اتزوج
الجد : عندك وحدة ببالك
عامر : اي جدي
الجد : منو
عامر : روان بيت ابو مراد
الجد : روان ؟؟؟
عامر : اي جدي روان .. مموافق عليها ؟
الجد : لا مموافق
عامر : ليش جدو
الجد : البنية خوش بنية اني مااكول شي عليها بس مو مال تاخذها لان خشمها عالي مثل امها
عامر : لا جدو حبابة
الجد : أجل الموضوع هذا هسة بعدك ممكمل كلية
شهرزاد : ضاج عامر عاف الاكل وكام
اني تفاجأت من كال لجدو اريد اخطبها صحيح اني شفت الرسائل اللي بيناتهم وحب بس كلت ميستمرون لان روان خشمها عالي وحتى اللي يواجه الها كلام متجاوبة طبيعتها مو حلوة
الجدة : ابو مهدي ليش تكسر بخاطر الولد اخطبها اله
الجد : حجية انتي تعرفين شي واني اعرف شي
الجدة : شنو اللي مااعرفة كولة
الجد : هاي البنية روان طالعها ع امها لا عبالج ابو مراد من يريد يطلك مرتة وهوة بهل عمر سهلة علية لااا بس ام مراد ماتتعاشر خشمها عالي ومن جانو شباب راوتة لويل يومية متعاركين لو تعيرة لان اهلة فقرة واهلها زناكين وغيرها
واني اشوف البنية من تجينة عامر عينة عليها اكول بلكي يتخايلي مو صحيح وهسة من حجة عامر تأكدت ولهذا أجلتها بلكي يغير رأية ويشوفلة غيرها
الجدة : الله يصلح حالهم
شهرزاد : راحو بيبي وجدو للصالة حضرت الجاي ووديتة الهم
اخذت موبايلي وفتحتة لكيت مراد دازلي رسائل هواية كلها يكولي افتحي موبايلج اريد احجي وياج
دك علية رأسا قفلتة وخليتة يمي ورة شوية راحو نامو بيبي وجدو اني هم صعدت لغرفتي فتحت موبايلي مراد ضل يدك علية واني ارفضة بعدين رديت
مراد : ولج شهرزااااد تسدي بوجهي اني اعلمج
شهرزاد : مراد لتصرخ شنو تريد
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
