#حكايه شهرزاد
الكاتبة فاطمة عادل
كملت دراستي وفرشت لزياد يمي لان عامر يتأخر وخليت زياد ينام يمي اريد اشبع منة لان قررت انهي حياتي وانتحر الحياة تعبتني والظلم مستمر
نام زياد وصارت ساعة ب٣ واني افكر وخايفة وابجي واندعي الله يسامحني رحت نزلت جوة بالخفية وجبت دواء بيبي مال ضغط فتحت الشريط واني ارجف واجمع الحبوب بأيدي وفتحت الشريط الثاني وفرطت الشريط الثاني باايدي وصعدت ركض اباوع ع زياد وابجي كمت شميتة وحضنتة وبجيت ماادري الدنيا شنو رح تسوي بي من غيري كلت الله كفيل بي
بلعت كل الحبوب اللي بأيدي واني ارجف وابجي وشربت الماي وكمت نصيت يم راس زياد مسحت ع شعرة وهمست وكتلة سامحني وليدي انت ابني اللي ربيتك
كمت ع فراشي وتمددت بديت نفسي تلعب وعركت هواية زادت الرجفة بجسمي محسيت بعد ....
عن لسان الجد ابو مهدي
كعدت ع الصلاة واني بالي يم شهرزاد وكلامها اللي حجتة وية اخوها ليكون البنية تسوي شي بنفسها لو تطلع وبعد مترجع صليت وبجيت ع حال شهرزاد وشنو اللي اسوي ادمر ابني هادي واخلي يخسر كل فلوسة لو ادمر بنتي شهرزاد بنت الغالي وازوجها واحد بكد جدها بجيت واندعيت كون الله يعدل حالنة رحت اشرب مي بالمطبخ شفت الدواء مال حجية مفتوح والاشرطة بالكع ومطشر
هذا منو اللي مسوي هيج اكيد الحجية كعدت اخذت دواها وعافت الباقي مطشر لميت الدواء ورحت لفراشي وخليت راسي ع المخدة وتقريبا اريد اغفة اتذكرت كلمات شهرزاد وهية دكولة لأخوها ( اريدك تعتمد ع نفسك لان اني مباقيتك ) نزلت دمعتي
واجة ع بالي واتذكرت الدواء ليش مطشر
هاي شهرزاد اخاف ماخذتة .... اي اي صح شهرزاد
لان الحجية اخذت الدواء كدامي ومطشرتة
فتحت عيني ع وسعهن وانتفضت من السرير وصعدت بكل مالدي من قوة فتحت الضوة لكيت شهرزاد متقيئة ووجها اصفر وشفافها بيضة
اتخبلت ذبيت نفسي عليها وابجي لااا جدو حبيبتي ليش هيج سويتي حاولت اجرها اشيلها مكدرت ركضت ع عامر
عاامر الحك اختك الحك
عامر : خير جدي شبيها شهرزاد
الجد : كوووم اكلك خلي نوديها للمستشفى
عامر : وينها ليش شبيها
الجد : كوم شيلها مابية اشيلها
عامر : اي اي جدي كايم
الجد : مسحت الوساخة من عليها واجة عامر شالها وهية مثل الطينة مابيها اي روح رحت جبت فلوس وصعدت بالسيارة وخليتها بحظني والطريق كلة ابجي وامسح بوجها
شوشة جدو لتكسرين ظهري والله اذا صار بيج شي مااسامح نفسي طول العمر
عامر : جدي شبيها شهرزاد ليش هيج متخربطة
الجد : بعدين اكلك امشي سريع
وصلنة للمستشفى بين ميطبك السيارة عامر متحملت شلتها ع ظهري ومشيت خطوتين اجوي اللي بالباب جابو عربانة وخلوها واني ادفعها وابجي ودخلوها للطوارئ وفحصوها
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
