#حكاية شهرزاد
الكاتبة فاطمة عادل
عدت الايام وصارت امتحانات أخر السنة كلش خايفة من الامتحانات ويومية مراد يوصلني ويرجعني تعب وياية خطية وميقبل اطبخ ولا انظف كلة هوة يسوي يكول بس ادرسي
ويوم من الايام أجيت يم رغد وكاعدين ونقرة اجوي حيدر ومنير ونقرة
حيدر : منير جيبلنة عصاير
منير : اي حبيبي دلل
شهرزاد : راح منير يجيب العصاير حيدر يدور ع شي كأنه ضايع منة
حيدر شنو ضايع منك شي
حيدر : اي موبايلي مااعرف وين بس لا ضاع
شهرزاد : نخبصنة اني ورغد ونباوع جوة الميز
حيدر : شهرزاد انطيني موبايلج ادك علية
شهرزاد : ترددت بالبداية بعدين نطيتة اله
سجل رقمة ودك ع موبايلة طلع حاطة بين الملازم
حيدر : اي لكيتة شكرا شهرزاد
شهرزاد : العفو
جاب منير العصير شربنة ودخلنة لقاعة الامتحان صار الامتحان والحمد لله جاوبت
وطلعت من الامتحان خابرت مراد كتلة الحمد لله مجاوبة اجة علية ورجعنة بالطريق نسولف اني ومراد
مراد : اليوم خابرني فاضل
شهرزاد : منو فاضل
مراد : شنو منو فاضل متعرفي
شهرزاد : هااا عمو فاضل اوكي لتعصب شنو يريد
مراد : يريد يطلع يشتري سيارة واروح وياه اشوفلهيا
شهرزاد : ايي شكو بيها حبيبي
مراد : مااعرف اشوف منا للعصر اروح او لا
شهرزاد : اي ماعدنة شي العصر روح خطية
مراد : الله كريم
شهرزاد : بدت العلاقة تتحسن بين عمو فاضل ومراد وعمو هوة اللي يبادر دائما وخالة كلش فرحانة لان بدت تتصلح الامور بيناتهم
عدت الايام وخلصت امتحاناتي ورحت الاهلي لان صارلي هواية مرايحة فترة الامتحانات كلها جدو تلكاني وحضني
الجد : يابة صارلي شكد مشايف وجهج الحلو
شهرزاد : جدو مشتاقة لريحتك الطيبة
الجد : حبيبتي بعد لتغيبين علية شوشة انتي النفس مالتي
شهرزاد : فدوة لعيونك جدو
الجد : تعاي دخلي
شهرزاد : دخلت سلمت ع اخواني وريهام ورحت شلت ايلاف ماشاء الله شلون حلوة وبشرتها ناعمة وبيضة
ريهام : شوشة ايلاف مشتاقة لعمتها تسأل عليج
شهرزاد : ههههههه لازم تريدين مصلحة مني
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
