#حكاية شهرزاد
الكاتبة فاطمة عادل
شهرزاد : من سمعت ابو صادق أجة بلعت ريقي بخوف
هااا بيبي شوكت أجة
الجدة : هسة قبل شوية أجة وية جدج كومي قدمي جاي
شهرزاد : هسة بيبي عامر يقدم
الجدة : عامر دياكل كومي انتي
شهرزاد : خفت ادخل ليباوع علية نفس النظرة مال ذاك المرة
صبيت الجاي وحاولت ابطئ خطواتي بين عامر يكمل اكل راح يغسل جبت الجاي بالصينية وركضت ع عامر
عامر عاااامر
عامر : هاااا شكوووو
شهرزاد : عليك الله عامر انت طبب الجاي الهم
عامر : هههههه شبيج شوشة ترى مو خطابة جايين عليج صديق جدج قدميلة الجاي وهسة اني صاعد ابدل وانزل
شهرزاد : عليك الله عامر انت قدمة اني مااريد ادخل
عامر : شبيج شهرزاد ابو صادق مضوجج بشي
شهرزاد : هاا لا لا شبيك عامر شنو مضوجني بس استحي افوت واني لابسة هيج
عامر : جيبي جنج خبلة خلي اطب اقدم
شهرزاد : فديتك اخوية حبيبي
هز براسة وفات عامر قدم ارتاحيت الحمد لله
رحت للمطبخ يم بيبي كعدت ولازمة كتابي والقلم بحلكي وادرس سمعت صوت جدي
الجد : شهرزاد .. شهرزاد
شهرزاد : صاحني جدو وابو صادق يمة شلون افوت اله
ركضت ع زياد كتلة جدو يصيحك بغرفة الخطار
زياد : مصاح زياد صاح شهرزاد انتي متسمعين
شهرزاد : شنو زياد شبيها اذانك صاح زياد روح شوف جدو شنو يريد منك
كوم يلا شوف جدو
راح زياد شوية وأجاني
زياد : باعي جدو يصيحج مو يصيحني وامشي يريدج
شهرزاد : نشف دمي مااعرف شلون رح اتصرف رحت لبست شال من بيبي خليتة ع اكتافي وطبيت
س س سلام عليكم
الجد : عليكم السلام هلة حبيبتي
ابو صادق هاي بنت المرحوم شهرزاد
ابو صادق : هلة بلاميرة ماشاء الله صايرة عروسة
شهرزاد : شكرا عمو
عامر : شهرزاد يلة روحي يم بيبي
شهرزاد : اي رايحة
ركضت طلعت ورحت يم بيبي
شوية وراح ابو صادق أجة جدو وعامر كعدو يمنة بالمطبخ
الجدة : هاا ابو مهدي شبي ابو صادق
الجد : اتفقت وياه ع غرفة الخطار والكراج يغير الكاشي مالتهم لان كلة صاعد
الجدة : يعني رح يبدون عمالة
الجد : ان شاء الله ع اسبوع الجاي
ومن باجر يجي ابو صادق يذب المواد هنا بالكراج
أنت تقرأ
حكاية شهرزاد
Romanceأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
