#حكاية شهرزاد
الكاتبة فاطمة عادل
شهرزاد : عمو هادي عافنة وطلع وجدو راح لغرفتة وسد الباب اني كعدت لطمت ع وجهي وابجي واشكي حالي وعلى اللي رح يصير بية من ورة عمي هادي
مسحت دموعي ورحت بهمة وركضة ع غرفة جدو دخلت وسديت الباب جدو باوع علية بنضرة استغراب
جدووو منو هذا الرجال وليش عمو يريد يزوجني الة
الجد : صاحب عمج هادي وشريكة بالتجارة حب يناسب عمج هادي وشافج مناسبة الة
شهرزاد : جدو اني سمعت هذاك اليوم كلامكم جدو باوع علية بنضرة استغراب
الجد : وشنو اللي سمعتي
شهرزاد : سمعت عمو وهوة يكول ع نرجس يزوجها بعد اربع اشهر مكال ع اسمي
جدو نزل راسة اني نزلت وبست ايد جدو وابجي واحجي وياه جدو الله يخليك لتخلي يزوجني والله اني مااريد اتزوج بهل طريقة كافي الظلم اللي شفتة بحياتي نمت بحضن جدو واشهك وابجي مسدلي ع راسي وكالي الله كريم عفتة وصعدت لغرفتي
تمر علية الايام وأني عبالك ميتة من القهر اللي اني بي بديت اداوم واسولف ل فاطمة ع اللي صاير بية وابجي وتبجي وياية وتهدء بية
مراد كمت بعد ماارد علية لان مابية حيل يبقة يسألني لحد ميعرف الحقيقة ومااريد اكلة ع شي
تعبت من التفكير بيبي عرفت بالخبر وعصبيتها تطلعها علية مااعرف منين تجيني الاذية
الجدة : شهرزاد وينج فاهية
شهرزاد : اي بيبي أجيت
الجدة : شيلي القنينة مال غاز وطلعيها للطرمة غيريها
شهرزاد : بيبي مااكدر عليها ثكيلة
الجدة : تجين تشيليها لو اجي اكسر راسج
شهرزاد : اي بيبي رايحة
رحت للطرمة حاولت اشيلها متنشال بديت اسحب بيها بس ثكيلة متجي بأيدي طلعت بيبي بكل عصبية عثرت بالباب وروكعت ع ركابها ركضت عليها اريد الزمها ضربتي ع راسي بكل قوتها واني افرك برجليها خفت عليها ليكون متأذاية
الجدة : كلة من وراج ومن ورة فهاوتج يالثولة امشي ولي عن وجهي اني اكوم بوحدي
شهرزاد : دفعتني بيبي وكامت ركابها بيها دم انقهرت عليها وبجيت ع حالي ورحت كملت شغلي بكل هدوء ودموعي مااكدر اسيطر عليهم تنزل بوحدها
صعدت بغرفتي وبجيت تعبت من كل شي بحياتي سمعت صوت جدو يصيحني دخلت لكيت كاعد هوة وابو صادق بس دخلت ابتسم رأسا طلعت وسديت الباب أجاني جدو
الجد : شوشة يابة جيبي جاي لعمج ابو صادق
شهرزاد : اي جدو رحت كملت الجاي واجيت دكيت الباب جدو يصيح اتفضل ادخل اني مااجاوب بس ادك بالباب كام جدو اجاني كلي مو اكولج فوتي كتلة مسمعت هذا الجاي اتفضل سمعت صوت ابو صادق
أنت تقرأ
حكاية شهرزاد
Roman d'amourأقسى كلمة عرفها التاريخ هي كلمة الوداع، حيث لا رجعة، لا وأمل، ولا حب، ولا حياة.💙
