JALAI PENGERINDU

Tusun ke satu

TAJUK : JALAI PENGERINDU
DIKARANG : LIVEANNEROSE

Part 1

KUCHING SARAWAK

Tumu pagi Grace udah dani sedia deka nurun gawa tang sebedau nya Grace ngirup enggau bala sida ea sebilik.
" belajar memanah umang awak baka kakak bulih kerja menyana auk? Grace alu nyium pala madik ea Gloria.
" ninga nya, Anang tembu mancal ba sekula titih ke jalai akak nuan nya " Connie iya nya indai sida ea.
Gloria mina tuchum aja ninga indai ea mucau meda ea ke mancal ba sekula.

" babai umang.. Jang peda adik nuan ba sekula auk? " Grace.
" auk akak babai " Cristian.
" berjimat keh, ba rantau jalai anang bangat laju baka ke berumban salai angus " Connie.
" ni apai tadi deh indai? " Grace nilik kia-kia ngiga apai ea.
" eh.. Pedih perut apai nuan nya, engka enda nurun gawa apai nuan saritu " Connie nyium mua anak indu ea Grace.

Grace alu berangkat nuju endur ea gawa. Grace kerja ba bidang doktor laban nya minat ea ari mit suba.
Datai ea ba endur gawa ea alu masuk ke dalam ofis ea.
" Selamat pagi lutur, bajik amat nuan pagitu " penulung Grace ia nya Thomas.
" eh.. Mayuh macam, nya bakani gaya patient suzy udah cek nuan? " Grace duduk ba bangku bertungkat dagu atas meja.
" udah wai enda alah siku lutur legi mucau " Thomas alu ketawa.

RUMAH GOMEZ

Munyi kereta sangkai ba depan rumah Connie alu ngasuh laki ea Gomez nilik sapa ke datai nya nda patut Grace tumu amat pulai.
" oo.. Apai wai tilik sapa nya? " Connie benung sibuk manduk lauk ba dapur.
" auk nilik meh aku tu " Gomez.

Gomez nilik ari cermin sekali ea meda enda nemu nya kaban ea Billy.
Ea alu berumban muka pintu ngalu ke penatai kaban ea.
" nama nadai nemu bertalipaun ka datai kaban " Gomez alu ketawa bertabik jari enggau kaban ea Billy.
" aku sigi enda bertalipaun, Sengaja kitu awak nuan tekenyit " Billy.
" pey.. Nuan nya wai tama meh nama kedambi berandau ba luar, apai tuai orang tu nadai nemu mai kaban ea tama " Connie alu nuju ke dapur ka ngaga ai ke temuai.
" auk.. Tama meh tu ter keja nganu orang aja, aram tama kaban peduli ke indai tuai mucau " Gomez.

Seduai ea tama bilik alu duduk ba atas sofa.
Connie atai ngemai jak ai alu dituang ke ea dalam gelas kaca.
" irup ai wai anang malu " Connie.
" auk terima kasih " Billy.
" aku atai tu bisi kebuah kaban " Billy.
" ya lapa nya deh? " Gomez.

Billy ngirup ai kopi alu narit seput ea sebedau madah nama kebuah ea datai kia.
" aku tu deka nanya ke anak nuan kaban jadi enggau anak aku ke laki nya " Billy malik agai Gomez meda baka gaya kaban ea sepengudah ninga utai dipadah ea.
" aku sigi ka meh kaban enda nemu orang ke ngempu tubuh nya tusah ea " Gomez.
" anak aku ke laki nya udu masau duit kin kia nya aku ngasuh ea jadi enggau anak nuan kaban engka ea berubah, duit enda tebasau laban bini ea ngena " Billy.
" nganti aku madah ke ea empu meh kaban " Gomez tuchum.

Jarum jam nunjuk ke pukul 5 Grace alu mulai kediri agai rumah tang sebedau nya ea ngetu dulu ba pasar ka meli barang mandi ea.
Kereta ea alu di parking ba endur parking dia empu, ea alu nuju ke kedai endur selalu ea meli barang.
Siku lelaki alu ngelantak ea, Dia meh seduai ea alu tergale Grace ningang tubuh Jayriel.Grace alu angkat jejampat nangi ke urang bisi meda.

" nuan nadai mata bejalai sampai ngelantak orang! " Grace.
" ni ke aku bejalai meh " Jayriel alu bejalai ninggal ke Grace benung pedih ati.
" kalu nadai adat sekali urang baka nuan nya, minta ampun nadai meh " Grace ngilik ke pala.

Sepengudah ea bebeli ke perengka kena mandi ea alu mulai kediri ke rumah.
Ari jauh Grace udah meda dua iku menyadi ea nganti penatai ea ke pulai gawa.
" yeay!..  Akak udah atai " ko seduai Gloria enggau Cristian.
Seduai alu melawa aku agai kereta alu disium seduai kuyu aku.
" nah..  Bai ke bilik barang tu, kue pau bisi dia " Grace.

Sida sebilik alu makai malam berlauk ke kasam ikan, manuk tuai.
" udah tembu makai legi agai aku legi umang apai bisi utai ka padah " Gomez.
" auk apai " Grace tuchum.
Connie mina merening mua anak ea Grace amat ea udu mucau tang dalam ati ea sigi enggai di tinggal ke anak ea belaki.

" awak dia dulu pinggai indai legi aku masu ea " Grace berdiri alu ngadu ke pinggai ke kamah dia.
" auk, nya seduai udah tu belajar keh nama utai asuh pengajar gaga nemu? " Connie.
Seduai Gloria enggau Cristian alu tama ke bilik endur seduai belajar.

Grace alu mandi dulu sebedau berandau enggau apai ea.
Udah ea tembu mandi ea alu bergarek.
Nama enda utai deka padah ke apai legi, ari mua ea aku udah nemu utai nya penting.

Aku alu duduk ba sepiak apai aku nganti nama utai di padah ke ea.
" udah tembu umang? " Gomez.
" udah apai nama utai deka dipadah ke nuan? " Grace tuchum alu merap apai ea.
" tadi kaban aku bisi kitu madah deka ngambi nuan nyadi ke menantu ea " Gomez.
" ayak billy nya pia? Ni anak ea dasuh jadi enggau aku? " Grace.
" anak lelaki ea ke nyambung belajar ba London din udah ambih pelajar ea kira dua bulan ea udah atai kitu " Gomez.
" oh.. Nadai kala ku meda " Grace.

Gomez ngirup ai kopi ea sambil nya ea meda berita tv3.
" kati baka ka nuan deh umang? " Gomez malik agai mua anak ke dikesayau ea.
" entah meh apai aku enda nemu ka nyaut nya, laban aku empai bisi ati deka belaki aku mina deka melanja duai indai mega adik dua iku nya " Grace alu tusah ati.
" nadai nya ngawa deh anak apai nuan tu agi ulih gawa, maya nuan terima meri mimit dia meh, ngulih ke ea orang kaya awak nuan nyamai " Gomez.
" auk meh apai enti munyi nya " Grace.

Aku alu tama ke bilik tinduk alu padam ke aku api lampu.
Ningkap aku ba atas katil digaga apai aku empu. Ai mata aku labuh keberai laban ke enggai ninggal apai indai aku.
Talipaun aku alu berbunyi, peda aku ba skrin talipaun nama Thomas.
" uii.. Nama utai? " Grace.
" nadai mina rindu ka bertalipaun, nama gaga nuan deh? " Thomas.
" gali aja meh tu baru tembu mandi " Grace.
" puu.. Patut meh wangi udu rugi aku enda enggau mandi " Thomas alu ketawa.
" kasih.. Kanji " Grace alu ketawa.
" pagila bertemu baru selamat malam Grace " Thomas.
" auk selamat malam mega Thomas " Grace alu madam ke talipaun ea.

Grace angkat ari katil alu muka tingkap.
Cukup nyamai maya malam bakatu langit penuh enggau bintang pia mega angin berpuput.
Ai mata Grace tetap neritik masah ke kuyu ea laban ke enggai belaki.
Mayau ke di inang Grace alu bermain ba kaki Grace baka ke nemu ati empu ea benung tusah.
" bakani meh gaya laki aku nya? Kada mentas " Grace alu merap mayau ea.

# Bersambung...