JALAI PENGERINDU

Tusun ke 24

TAJUK:JALAI PENGERINDU
DIKARANG OLEH:LIVEANNEROSE

Tusun ke 24

Pagi ari nya Grace sedia deka pulai tang sebedau nya iya nusun utai ba atas mija iya ke tusut nya.
"Pulai diatu nuan?"
"Auk, nuan empai pulai kah Crisnie?"
"Empai.., tengahari legi kini"
"Oh.., enti pia aku minta diri dulu pagila betemu baru"
"Auk, bai"

Crisnie enggau Grace alu beberap sebedau Grace pulai ari Sepital nya,
Crisnie tuchum ngelila ke Grace bejalai nyentuk ke nadai di depa iya.

CRISNIE

dalam opis tu enyau sunyi laban siku aku aja tengahari tu legi baru pulai,
Peda ku gambar ba dalam prim gambar kami sebilik..., apai indai aku duduk ba mangku nyadi kami dua abang berdiri ba belakang apai indai kami dua, kami dia bela tuchum ngica ke gambar badas dipeda pia ko jaku abang aku, nadai iya nemu diri maya nya enda panjai seput.

Enti aku pulai tengahari tu bisi abang aku ngambi ngena kereta tang diatu nadai urang ngambi aku ka pan enda aku empu neh deriba kereta ke selalu dikena iya.

Pedih ati aku abang laban telih asai ka disayat enggau duku, kada nuan ninga sebana madik biak nuan tu abang? Kasih aku tinggal ke nuan..., amat ko jaku urang "ati lebih telih enti enda betah urang ke udah nadai ari urang ke bedau agi idup".

Kami semampai sayau ke nuan abang, kasih mak enggau apak nadai anak lelaki seduai iya, nuan ke dikandal ngimpun seduai iya nuan ga dulu midang pegi nadai nemu kami ke enggai ditinggal ka nuan bakatu.

Grace udah belaki abang.., gerenti nuan ba dunya siti gaga ati meda bulih laki ke mentas ulih nyaga Grace enggau badas.
Taja pia Grace semampai enda betah nuan, iya agi rindu ke nuan.

GRACE

Pansut aku ari lift datai ba tingkat baruh, aku pan nuju keluar nganti laki aku ngambi.
Tang maya aku ke nganti laki ku ke datai ngambi enyau teringat ke Cleventon datai ngambi aku.

Asai ke bisi meda iya nganti dalam kereta meda kereta celum iya ke dikena Crisnie benung parking seberai,
Meda mua iya tuchum laban ke bisi aja ulah iya ke ka nundi aku.

Cukup pedih meh asai ati aku ngenat ke telih ati tu enda betah nuan sayau,
Diatu aku udah belaki bulih laki ti mentas gerenti nuan gaga neh sayau.

Ayas nuan ke ngacau aku semampai dipeda mata, nyentuk ke nuan nyium mulut aku ba pintu kereta nya agi seruran aku ingat.

Ai mata Grace berterutu aja naya masah ke kuyu iya enda berasai,
Laki iya datai pan iya enda sedar nyentuk ke laki iya nemu nama utai dalam pikir iya laban Grace merening ngagai kereta celum nya.

"Sulu.., pulai tua"

Grace agi enda sedar majak merening kereta Cleventon nya,
Stefan maut punggung iya nya baru iya sedar.
"Eh.., udah atai nuan sulu?"
"Udah ar.., aram tua enti udah"
"Sulu..., minta ampun laban aku enyau ingat ke Cleventon meda kereta iya"
"Nadai ngawa nya deh, aku semampai sayau ke nuan"

Grace ngendas ai mata iya alu narit seput iya,
"Udah?"
"Auk udah"
Enyau meh seduai iya ari endur Sepital nya pulai ke rumah laban Grace deka belelak.

SEBULAN UDAH NYA

Bisnes indai Grace makin maju laban urang mayuh nempah macam-macam baju tancut nyentuk ke baju gaun kahwin.

Indai Grace mina berbisnes aja endur iya ngubat ati iya ke enda betah laki iya niang Gomez.
Gloria enggau Cristian kadang-kadang nulung indai seduai iya dia enti pulai ari sekul.

Bala kaban iya mayuh meh, sekil segi pakaian indai Grace enyau baka urang putih meh sempama baka urang kaya nya laban iya empu ke ngaga baju.

Kadang-kadang indai Grace enggau kelas belajar bahasa english jaku urang putih taja mimit-mimit temu iya tang reti nya nemu iya mina ke empai lancar nimbal.

"Aunty.., apu.. Sibuk amai tu" Veanne atai mai anak iya ke agi mit nya ngagai kedai indai Grace.
"Sibuk.., laban bisi urang deka ngagai endur berami nya iya ngasuh aku mutung ke iya baju gaun"
"Oh.., mayuh perujik sida ibu"
"Mayuh.., nama pejalai seduai deh? Ngemai urang ke mit rerigau"
"Nganjung ucu nuan tu ngagai klinik tadi bejik bulan"
"Auk, ney nyamai dejik indu misi"

Seduai indai Grace alu berandau meh baka randau ruai nya meh seduai iya dia.

KUCHING SARAWAK,

TANI

"kemaya nuan deka berubah!."
"Nuan kiruh nama hal hah!. " Jayriel alu nampar mua Tani enggau penapat inat iya nadai ngira Tani ke ngandung ngasuh di tendang iya palak patung Tani.

Tani alu terduduk laban palak patung iya kena tendang Jayriel,
"Akai.., b*tuh nuan Jayriel pedih amat aku gaga nuan bakatu!."
"K*ting nuan ar, ketegal nuan ke ngandung aku enda ulih ngambi Grace nyadi bini aku baru nemu!."
"Kapa enda iya belaki, enda aku ngandung nadai meh iya deka pulai baru ngagai laki baka nuan ti udu nginsah bini!."
"Bejaku meh nuan legi nuan parai laban aku"

Kandung Tani alu ditumpu iya nadai ngira anak dalam kandung pama udah angat ati,
Tani enyau engkakai ngenat ke perut iya pedih nyentuk ke anak nadai dosa enyau engkebut nyepi diri pedih kena tendang apai iya.

"Sepi nuan agi!."
"Bunuh sekali aku anang meh nuan ngeransi kandung aku!."
"Anang mayuh jaku nuan!.."
Jayriel alu narit buk Tani ngasak amat alu ambi iya guntin udah nya kempat iya buk Tani.

(Nama sangkut paut buk Tani enggau ati iya ke ringat nya neh bala pembaca? Dadak udah gila Jayriel nya haha anang madah asuh bangka nya penulis ngenyai ke iya hahaha)

Jayriel alu deka ngacuk mata Tani enggau guntin nya meda Tani ke ngetup jari iya ari ke majak ngempat buk Tani,
Jayriel alu keluar ari rumah nya, kereta alu deris ke iya ngasak amat udah nya baru iya enyau ari nya naka pengelaju pasang urang gila.

Enti kereta nya nemu idup udah lama Jayriel nya balas iya baru laban ke ngeris kereta nya ngasak amat.

Tani alu ngangkat kediri deka duduk ba mangku sofa,
Udah iya duduk ba mangku sofa nya iya alu ngelisi ke baju iya meresa perut iya.
"Kasih nuan anak ditendang apai nuan ke ka mati nya, engka udah tulah mak tu sayau.., minta ampun mak asi ketegal dosa mak nuan enggau kena"

Tani Nyabak sesedan murus perut iya, anak iya alu bisi nendang perut iya maya Tani ke murus perut iya..

#Bertampung..