JALAI PENGERINDU

Tusun ke tujuh

TAJUK:JALAI PENGERINDU
DIKARANG:LIVEANNEROSE

TUSUN KE TUJUH

SEBULAN UDAH NYA

"Enti nitih ke pansik ba abi telih ea ukai telih biasa ea"
"Nama reti nya deh lutur? " Connie nanya lutur Diana.
"Tu baka kes dinsah tu, bakani gaya anak nuan enggau laki ea ibu"
"Enti nitih ke ati aku baka ke lain meh gaya anak ku tang enggai ga nyebut ngapa laban ke enggai masuk campur rumah tangga seduai ea"
"Bakatu aja meh kitai nganti Grace sedar ari koma nyamai kitai ninga ari mulut ea empu"

Apai indai Grace enda bermunyi laban ke tusah ati meda anak seduai tau ulih koma bakanya.
Entua Grace pun selalu nyenguk menantu seduai ea.
Bisi maya nya seduai nanya nama kebuah Grace tau bakanya tang Jayriel nyalam ke penyalah diri.

3 BULAN

3 bulan udah berlalu tang Grace alu nadai sedar ari koma mina ke seput ea aja bisi dipeda ba monitor.
"Kemaya meh nuan deka dani anak? "
Connie nyabak ba tisi anak ea Grace.
"Nuan pulai dulu mandi apa semua meh aku nyaga umang ditu"
"Auk.. Enti bisi nama-nama anang enda bertalipaun pia"
"Auk.. Anang irau"

Connie alu pansut ari wad endur anak ea Grace.
Ngau sesabak meh indai Grace nyabak besampi ke anak ea awak jampat dani ari koma.

Thomas alu tama agai wad Grace tusah ati ea meda indu sulu ati peremban dalam ea bedau dani ari peninduk ti cukup panjai.
"Udah makai nuan tadi ayak? "
"Udah igat tang nya meh makai medua suap nya enggai masuk nyawa makai ngenati ke umang aku bakatu"
"Anang kelalu tusah ati ayak ingat ke pengerai diri"
"Enda sanggup aku meda anak aku bakatu igat, enti nyema petara deka ngambi ea pulai biar aku meh nganti ea, udah lama aku diau nguan menua"
"Anang munyi nya ayak enggai Grace ninga, taja mata ea pejam tubuh enda ga engkebut tang pending ea ninga"

ai mata apai Grace labuh neritik masah ke kuyu ea.
Kasih meh nuan anak bangat bakatu nama ga tau nyadi bakatu, enti aku nemu nama tau nyadi bakatu aku sigi enda duduk. Enti laki nuan umang ngaga ulah jaga ea, aku enda ngira ea kaya peneka ati ea ngaga anak aku bakanya.

7 BULAN UDAH NYA

Grace muka mata ea belubah-lubah laban agi asai silau, asai ke baru dani lama udah enda muka mata asai ati ea.
jari ea uji ke ea engkebut nasib ulih laban ea empu Lutur ni enda nemu.

Grace alu tuchum meda indai ea duduk tinduk ba mangku.
Nyepi asai bisi engkebut Connie alu tedani sekali meda Grace udah dani ari koma ea.
"Puji Tuhan laban nuan udah ninga ke sampi aku"
"Lama indai udah ditu? "
"Lama udah umang, nadai asai pedih nuan umang? Ka ngirup ai tauka bisi asai rapar? "
"Meri aku ai indai aus udu nyawa aku"
"Nah tu ea"
Connie ngangkat ke pala Grace tinggi mimit awak nyamai endur Grace ngirup ai.

Connie alu nekan loceng ba sepiak katil ngangau ke bala Lutur atai.
Enda lama udah nya datai Nurse enggau Lutur Diana.
"Apuu.. Sulu gaga udu ati aku meda nuan udah sedar"
"Sayau nuan ke aku neh"
"Lapa enda sayau hihi, bakani enggau jari, kaki nuan ulih engkebut? "
"Ulih.. Semua manah magang hahaha"
"Peii.. Jegit udu"

Connie alu bertalipaun madah ke laki ea Grace udah sedar ari koma.
Nangka pengaga meh ati apai Grace ninga berita manah nya.
Pia mega Connie alu bertalipaun agai isan ea dua iku nya ngambi nemu menantu seduai udah sedar.

"Auk.. Manah meh nya enti udah sedar, auk Legi kami dua kia"
"Auk isan padah ke isan ke laki Legi"
"Auk, auk.. "
(Talipaun alu dipadam ke Connie)
"Sapa nya tadi indai? "
"Entua nuan, nya bini nuan udah sedar dulu nuan"
"Pia.. Auk dulu meh aku"

Jayriel alu beguai masuk ke baju ea alu nyapai kunci kereta ba dinding sigi endur engkah kunci.
Nyau meh Jayriel deriba berumban ka ke sepital meda bini ea udah sedar.