JALAI PENGERINDU

Tusun ke 28

TAJUK:JALAI PENGERINDU
DIKARANG OLEH:LIVEANNEROSE

Tusun ke 28

GRACE

makin ari makin iya ngenyauh kediri ari aku, kadang-kadang pulai laun.., enti ngelamatu tumu iya pulai tu ter lain udu perangai iya.
Nama meh iya bakanya? Enti bisi utai padah ga agai aku.

Grace duduk ba atas katil nganti Stefan tembu mandi,
Enda lama udah nya iya pansut ari bilik mandi ngendas buk iya ke basah nya.

"Aku bisi pejalai ngagai Robin engka enda pulai pagi baru ku pulai"
"Ya.., lapa deh bangat penting meri enda pulai?"

Stefan mina bergari aja enda nyaut utai tanya Grace,
Udah iya tembu bergari apa semua iya pan alu nyapai kunci kereta.

"Kini nuan sanggup ngasuh aku kediri ditu, udah ga aku ribat"
"Ukai nya lama pagila tumu aku pulai"

Stefan alu tama ngagai dalam kereta berumban enggai ke mayuh agi utai tanya Grace.
Grace alu muka talipaun iya ka meda kini penunga tuju Stefan,
Iya alu bergari jampat udah tembu iya alu tama ngagai kereta iya empu nitih ke Stefan ari belakang laban ke ka nengkilun siku nya.

Grace meda kereta laki iya ari depan tang Stefan enda meda laban iya nyabak ketegal ngaga bini iya bakanya, udah ga tudah ribat tinggal kediri aja.., enti nama-nama utai nyadi nadai meda Grace.

Stefan alu sangkai ba depan Util (Hotel) tang empai pansut ari dalam kereta,
Grace ke nengkilun ke iya ari belakang alu sangkai jauh ari Stefan enda alah berupai temu iya.

Grace alu pansut ari dalam kereta laban ka tampak agi nengkilun,
Stefan pan pansut ari dalam kereta udah nya tama ngagai Util nya.

Bisi siku indu bajik bejalai terpeda ke Stefan tekenyit meda Stefan bisi dia,
"Eh, nuan tu Stefan nama pejalai kitu?"
"bisi meh"
"Pia.., ulih kunsi meh nama utai bisi nya?"
"Nuan deh nama pejalai?"
"Apai wai ku ngempu Util tu, nya meh aku kitu,lama udah enda meda nuan Sekumbang udah bebini"

Daisy alu damping laban ke ka merap Stefan, sigi udah gaya seduai iya baka diri madik.
Veanne pun ngelala sapa Daisy, sari nya maya Stefan ke kahwin nadai ari iya enggau laban iya enyau bisi pejalai bukai.

Seduai iya Stefan pan beberap gaga, Grace ari jauh nengkilun enyau nyabak laban nyangka Daisy nya indu simpan Stefan.
Stefan enggau Daisy alu bejalai nuju ngagai lift laban ke ka niki ngagai bilik endur Stefan deka tinduk.

Grace alu nyabak bendar laban ke mikir udah tu legi Stefan engka mantai kediri nyadi laki ti kuat muas ke urang indu.

"Nadai guna nuan nya, sanggup nuan ngaga aku bakatu"

Grace pan alu tama ngagai kereta laban deka pulai baru,
Pemanjai jalai nya meh Grace nyabak sesedan laban dalam untak iya Stefan engka benung nyepi utai nyamai enggau indu iya.

8 BULAN UDAH NYA

tubuh Stefan enyau makin kurus laban ke enggai makai,
Grace mina mendam ati iya aja enggai belaya ke utai dipeda iya suba.

Dalam ati Grace, enti anak iya udah ada ila nyamai bertanya ke utai nya.
Benung Stefan ke benung mandi, Grace bisi utai giga dalam nyemari laban asai ati iya baka ke bisi utai lalai ke Stefan.

Buka iya nyemari siti sekali terpeda ke siti surat enggau ubat,
Grace meda ubat nya ter ubat jantung lalu surat nya surat ngemendar ke Stefan medah jantung alu enti bisi penderma jantung bala Lutur udah ulih medah Stefan.

Grace alu asai ka luput pengudah macha surat nya tadi,
Lutur ke meresa laki iya nya Robin.
Stefan bisi penyakit jantung udah ga nya tahap empat mina nganti ari meh tudah, deka ngiga jantung sapa meh ke ka meri jantung.

Stefan pansut ari bilik mandi bekendas ke buk.

"Nama nuan ngelalai ke semua tu!."
"Sulu.., ukai nama aku ngelalai.. "
Alu empai ambih jaku Stefan udah ditimbal Grace.
"Nuan kala berdanji enda ngelalai ke utai taja hal nya mit tauka besai, penting tauka enda nya semua jaku nuan tang nuan dulu mungkar.. "

Jaku Grace alu bergetar laban bai nyabak ngenang ke laki iya bisi penyakit, udah ga penyakit nya bangat enda ber ampun sekali.
"Sulu.., aku minta ampun laban ngelalai ke nya ba nuan, taja pia aku enggai ke nuan tusah ati agi nuan ribat"
Grace nyabak alu merap tubuh Stefan, enda sanggup iya nadai Stefan di tisi.

"Anang ninggal ke aku nuan"
"Nadai aku ninggal ke nuan deh asie"

Makin ari makin Stefan majak pedih enyau enda dapat ngagai endur iya gawa,
Nyentuk ke apai indai enggau Veanne nemu penyakit Stefan.
Naka meh ati semua sida tusah ati, enyau nadai mua agi laban Stefan.

Grace duduk ba luar ngambi angin,
Indai Grace mansang ngagai Grace laban nemu ati anak iya benung tusah ati.
"Anang kelalu tusah ati anak, bersampi aja ngagai Tuhan"
"Ni ati aku aku enda tusah deh indai.., semua urang ke dikesayau aku deka ninggal ke aku magang"

Indai Grace murus belakang anak iya Grace laban nemu bakani asai ati Grace.
Grace pan ngendas ai mata iya, udah nya merap indai iya nyadi ke pengering iya.

Stefan udah tinduk laban bai makai ubat jantung nya kelalu bisa,
Indai Grace alu deka mai anak iya tama ke bilik tang Grace empai ka.

Pengudah indai Grace tama, Grace pan alu bekenang ke pemanah Veanne, Stefan serta bala entua iya.
Cukup badas enggau bertampil, entua iya mega badas enti ke jai sigi enggai bertampil enggau indu udu jai nasib.

Ngasak amat Grace nyabak sesedan enyau enda dapat tertarit ke seput bai kelalu nyabak.
bakani enda meh aku nadai Stefan ba pengidup aku...

#Bertampung..