JALAI PENGERINDU

Tusun ke sembilan

TAJUK:JALAI PENGERINDU
DIKARANG:LIVEANNEROSE

TUSUN KE SEMBILAN

Malam nya kami tiga abang Crisnie ngagai Pub. Datai ba Pub seduai Crisnie enggau abang ea minta ai Vodka.
"Nama pinta nuan? "
"Mabuk aku legi laban ke enda teleba ngirup ai bisa mayuh"
"Nibuh irau, nya bisi abang ku mai tua pulai legi"
"Erm.., tau meh enti bakanya"

Grace alu minta ai Whiskey ba laki pelayan kaunter nya.
Enda lama udah nya ai ea alu di sua ke laki nya agai ea empu.
"Enda enggau aku berjugit nuan? "
"Enda ku lembau ndar ka berjugit"
"Okay enti pia enggau abang ditu ga nuan"

Crisnie alu nuju ngagai bala bergelut ba tengah-tengah dia.
"Nuan anang kelalu mabuk dupah aku ka ngangkat ke nuan enggai ke buai aku ngagai lungkang"
"Nadai bangat minta angkat ke nuan puik!."
"Auk.., legi nuan meda"
"Dia meh nuan, enggai kiruh enggau urang ke sut"

Duai ea alu minta agi sebutul ai Whiskey, siku nuang ke ai ngagai gelas alu diirup bakanya mega Cleventon.Maya ke ngirup ai nya tadi mata berperening pangan diri.
Ari siti butul datai sepuluh butul ai Whiskey, udah meh seduai nya tadi bela mabuk enda nemu utai agi.

"Apu.. Antu jelu dua iku tu, nyau abang ga ke mabuk nasib ku enda entu mabuk"
"Gamar nuan jai Jayriel"
Grace nyabak nyebut nama Jayriel alu nempap mija.
"Abang! Dani nuan pulai kitai, nuan nya ukai ulih tanggung kelalu berat, tu siku ga tembu nyabak ngangau ke laki ea ke dadak nya"

Cleventon ngering ke diri angkat ninga madik indu ea mai pulai, nyadi Grace tu tadi di bai Crisnie taja enda ulih ngangkat ke Grace tang di pigai ea ba lengan.
Pukul 2 pagi sida tiga pulai datai ba rumah.

"Anang guai Crisnie aku deka kemi dulu"
"Auk, aku nganjung nuan"
Seduai ea nuju agai bilik jamban laban Grace ke ka kemi bai kelalu mayuh ngirup ai.
Cleventon alu niki tangga ngering ke diri awak atai ba pangking ea.
Datai ba tingkat atas Cleventon bejalai ngerambing dinding kena bertan enggai ke tumbang bai pala sebening.

Pemuas ke ngerambing dinding ea alu muka pintu pangking Grace alu tama ngapa udah nya alu gali.

Udah Grace tembu kemi ea alu madah kediri deka bejalai kediri nuju agai pangking ea.
"Jimat keh niki tangga"
Crisnie alu nuju pangking ea empu laban pangking ea ba baruh.
Grace bejalai lelubah, taja pia pala ea bangat bungau.

Datai ea ba mua pintu, ea alu tama ke pangking ea.
Buka ea baju mina ke bercawat aja.
Grace enggau Cleventon enda berasai nyau tinduk beberap laban asai ke mimpi seduai ea.

Ari nyau siang seduai ea agi tinduk begulai mina ke enda beberap.
Grace dani laban nyau silau pancar mata panas, sekali nyepi ter bisi urang ngerimbai, alu dejuk ke ea tudah Cleventon,alu beredup tudah Cleventon ke agi tinduk nyau labuh.

"Akai.. Pedih endar pala aku"
"Nuan!, sapa ngasuh nuan tinduk ditu?"
"Grace ulih nuan meri aku 5 minit aja, pedih amat pala aku"
"Nya mua urang ke ka muai aku agai lungkang, enda nemu nya nyau ea ke mabuk, pama aku enda mabuk malam tadi awak nikau ke nuan nya ngagai lungkang."

Cleventon tinduk baru enggai kiruh ke Grace kucah-kucah dia.
Grace alu mandi laban legi ea deka nurun gawa ba The Princess Grace Hospital, nasib ga Grace ulih minta diri kerja ba dia endur ea ka agai London. Pulai baru enggau bebaka meh.

Udah tembu Grace mandi ea alu bekena ke tula mandi pansut ari bilik mandi.
Maya ea pansut engkining agai tilam udah nadai dia agi Cleventon"nasib meh nuan nya udah nyau" Grace alu bergarek ngena baju blouse enggau tancut jins panjai udah nya baru ea nganta.

Udah tembu nganta Grace alu masuk ke baju gawa ea ke curak burak sigi kena lutur empu.
Minyak wangi sigi enda tau enda dikena nya.
Grace alu nurun ke baruh datai ea ba baruh alu dikangau ke bakih ea Crisnie.
"Aram ngirup dulu sebedau nurun gawa"
"Auk.. Ni apai enggau indai nuan deh? "
"Udah nurun tumu pagi tadi laban ke bisi pengawa, anak ibuk ku ke indu nya kahwin"
"Oh.. Pia ea"

Cleventon nurun tangga cukup semat munyi ko lagu Sima enggau Rickie El.
"Bibi, aku dulu legi seduai ngena kereta siti da nya legi"
"Auk.. Ulih ea berumban ke indu gila nya"
Udah tembu seduai ke ngirup, seduai alu mupuk nurun gawa agai Sepital.

SEBULAN UDAH NYA

Crisnie enggau Grace bejalai deka meli baju gaun kena enggau ngerami anak ibuk Crisnie ke kahwin malam legi.
Cleventon enggau sulu ea Jelly berjalai berpayuk-payuk nadai ngira urang belah pasar.
Grace ngiling ke pala meda ulah urang ke benung mabuk pengerindu.

Crisnie ngasuh Grace milih baju gaun kedeka ati ea legi Crisnie mayar ke seduai ea, taja pia Grace enggai laban ke enggai berutang budi tang Crisnie majak deka mayar ke seduai ea, ka enggai nitih ke jaku Crisnie meh.

Crisnie nyengkau baju gaun panjai curak biru laban ea ke minat biru.Grace benung agi milih baju gaun kedeka ati ea, sekali terpeda ke baju gaun panjai curak mansau alu ambi ea.
"Pey.. Lawa nya Grace, nya ambi nuan nai"
"Mar endar rega ea enggai ku"
"Nai.. Legi aku mayar"
"Auk meh"
Grace enda sabar nganti ke ngena baju gaun belah tisi mantai ke betis ea ke panjai nya, dada ea tampak dipeda laban ke sekil nadai berang nya.

Lemai nya seduai ea ngagai salun deka ngasuh urang salun nganta ke seduai ea.
siku laki datai agai ea tang ukai baka laki laban ea ke nganta, kuit-kuit pejalai ea mansang agai Grace.
"Selamat datai asi.. Bakani aku enggau nuan? "
"Nganta ke aku nuan asi laban bisi pengawa kahwin bala aku"
"Auk.. Gali keh aku nganta ke nuan lebih ari urang ke pengantin haha"
"Jegit udu hahaha"

Kira beberapa minit bakanya Crisnie tama agai bilik endur Grace ke nganta.
"Wau.. Bajik udu kita asi"
"Terima kasih, cukup pandai nuan nganta ke aku asi"
"Nadai masalah nya hihi"
"Bisi ari aku belajar ba nuan asi"
"Ulih, ulih aja laban aku pan bisi ngaga kelas make up enti nuan ka aku meri kad studio aku empu"
"Pey.. Untung meh aku haha"
"Nah.. Tu kad aku, sapa nama nuan asi? "
"Grace, nuan deh? "
"Kangau Son aja laban Freadyson"
"Auk asi"

Udah tembu seduai Crisnie alu minta diri dulu laban ke enggai laun datai ba Restoran sida ibuk Crisnie empu.
Datai kami dua ba Restoran nya aku alu baka urang ke sakai laban tangga nya bisi karpet mansau baka urang retis meh ngena jalai nya.

Kami dua Crisnie alu sedia pansut ari kereta nuju ngagai Restoran nya. Lagu ari luar ulih didinga laban ke besai munyi sepika.

Masuk kami dua apu.. Cukup pemayuh bala mensia ke datai, bala iban bala urang putih bisi meh.
"Ibuk.. "
"Eh.. Nuan umang"
"Ibuk, tu kaban aku Grace"
"Auk selamat datai bajik, makai dulu nya udah sedia ba mija"
"Auk terima kasih ibuk"
"Auk.. Uji nuan enggau igat Cleven nya"
"Err.. Hihi"

Sida ea alu ketawa meda mua Grace alu mirah laban nyau malu.
Cleventon ari jauh ngelila ke Grace cukup bajik malam nya, dalam ati ea singin deka nyium mulut Grace ke udu bejaku nya.
Maya urang laki mai Grace berandau alu jilis ati ea.

"Nadai nemu malu berandau enggau urang laki"
"Nama masalah nuan?"
"Nuan ar.. "
"Akai.. Nama meh aku tu untung amat begulai enggau urang ke begedi ati"
"Anang ngelayan urang laki ke enda kelala nemu? "
"Hmm.. Auk wai anak menteri, aku mina ngelayan urang ke dadak aja ea ke ba depan aku tu"
"Erm.. Pia meh" Cleventon alu tuchum laban kedeka ati ea Grace mina ngelayan ea siku aja taja sulu ea bisi enggau ngerami kahwin.

#Bersambung...