JALAI PENGERINDU

Tusun ke 23

TAJUK:JALAI PENGERINDU
DIKARANG OLEH:LIVEANNEROSE

Tusun ke 23

LIVEANNE

Pagi nya.., bala kaban belayan ari mah ke aku datai nulung ngintu pemati apai Grace laban ke deka tumbak ditu,
Indai Grace pan madah kediri deka pindah sekali agai London awak damping pendam laki iya, maya bersembiang pendam ulih ga iya datai.

Lungun nya tadi alu ditutup nadai ulih peda agi meh mua apai Grace laban ke sedia deka nganjung ke pendam,

"Bai tama ke bilik pangking dulu indai nya sulu"

Stefan ngasuh Grace mai indai iya tama ke pangking enggai ke luput meda urang nganjung laki iya taja nemu laki iya deka dianjung ngagai pendam.

"Aram tua indai"
"Kasih apai nuan umang, badu kitai meda iya agi udah tu deh.., merinsa udu meh aku ditinggal ke nuan bakatu sulu ati peremban dalam aku"
"Tuhan sayau ke iya nya indai"

Seduai mindai iya nyabak beberap tama ngagai pangking,
Stefan enda dasuh apai iya enggau laban agi bau manis laban baru udah jadi enda manah enggau nganjung bangkai entua iya.

"Minta ampun apai aku enda ulih nganjung ngesan bangkai nuan, aku semampai ingat ka pesan nuan aku sigi nyaga anak indu nuan sampai ke aku parai, terima kasih apai laban nuan meri peluang ngagai aku ngambi ke Grace nyadi bini aku"

Ai mata Stefan labuh naya masah ke kuyu iya meda entua iya ke laki benung desan bala iya.
Gloria enggau Cristian nyabak ngasak amat meda apai seduai ke desan urang, kasih diri meda seduai iya ke nyabak sesedan ngasak amat enda sanggup tinggal ke apai seduai.

"Bangat ga nuan apai dulu ngejang pegi, enyau enda teanti ke aku bulih kerja nupi nuan, nama guna aku anak laki nuan empai nupi nuan" nya meh leka sabak nembiak mit Cristian taja mit nemu iya munyi nya.

Mua ari pan enda entu manah ter lembab aja gaya mua ari baka ke nemu asai ati sida iya sebilik meda ayak Gomez ninggal ke sida iya sebilik.

Ujan memesi labuh baka ke nyabak meda apai Grace benung mansang ngagai pendam iya.

Lenyau apai nadai utai ulih nganti.., giga nuan kini ngagai menua ni tetap nadai tetemu ke apai.
Apai ke tuai bilik nyadi tiang tungkat bilik pama iya nadai bilik kitai enda entap,
Kasih apai enda ulih di kira, ari kitai dalam perut nyentuk ke kitai besai menyana iya nupi kitai ngiga belanja nadai ngira panas ujan nyamuk makai laban dalam pikir iya semina anak bini.

Apai ukai baka indai selalu besebut ke sayau ngagai anak, apai enda baka indai mantai ke penyayau sida iya tang sida iya tetiap jam tetiap ari mikir ke kitai anak iya.

Pesau ari penulis Liveanne "sapa-sapa ke agi bisi apai.., kita mesti sayau ke apai kita seagi iya bisi ba dunya, jaga meh apai indai kitai baka sida iya nyaga kitai maya agi mit anang maya kitai besai kitai ngelengka ke sida iya, enti apai indai kitai sakit anang enggai ngubat sida iya nyaga sida iya laban kitai agi mit suba sida iya nyaga, anang nyaga ngubat sida ketegal reta tengkira. Reta ti amat berega iya nya apai indai kitai nadai ulih di beli..

                               ***********
1 TAHUN UDAH NYA

Indai Grace udah diau kediri ba rumah ke dibeli menantu iya Stefan,
Stefan ka mai iya bela diau dalam rumah iya tang indai Grace enggai majak ka kediri ka pan enda Stefan meli ke entua indu iya rumah.

Stefan gawa nyadi CEO ba syarikat bumi hijau (nama bula).
Enti nama-nama utai bisi bekena ke duit iya nadai pedih ngeluar ke duit iya.

Menyadi Grace pan udah sekul enda jauh ari rumah sida iya nya empu.
Rumah sida Grace ba Kuching gaga sida nyadi sewa, diatu udah bisi urang meh nyewa rumah sida iya tetiap bulan urang nya mayar duit rumah sewa.

Grace pan nerus ke pengawa iya ke nyadi Lutur nya,
Kadang-kadang Grace enda pulai pama bisi pesakit iya balat bakal enda ngira sidin tauka bisi sakit bukai.
Stefan kadang-kadang tinduk ba rumah entua iya laban bisi urang ngintu iya makai.

Baka ke malam tu, Stefan benung makai sertai sida entua iya ke indu enggau ipar iya dua iku ke mit nya.
"Enda pulai pia umang nya igat?"
"Enda indai laban bisi pesakit iya"
"Auk.., aku tu ka ngiga kerja meh igat enyau pedih palak duduk ditu aja"
"Nama gawa kedeka nuan indai?"
"Enda nemu igat"

Seduai iya alu badu bermunyi mina kisuk besuap ke asi, semua sida nadai bejaku mina munyi sudu ke bergeratuk ba pinggai.
"Nama utai minat nuan indai?
"Bejait minat aku.., nama deh igat?"
"Enti pia aku ka ngasuh nuan nyadi tukang jait begaga ke baju kenu ko urang diatu fesyen"
"Auk, nemu ku nya igat"
"Enti nuan ka indai aku muka ke nuan siti kedai jait?"
"Amat nuan igat? Terima kasih meh igat"
"Nadai ngawa nya indai"

Gaga meh ati indai Grace ninga menantu iya madah deka muka ke iya kedai jait, seduai iya pan makai badu bejaku agi.
Gloria enggau Cristian nganjung pinggai ngagai sinki udah nya berpuru baru tama ngagai pangking sigi endur seduai iya belajar.

Udah tembu makai nya Stefan alu bertalipaun ngagai bini iya Grace,
Enda lama udah nya talipaun iya alu disaut Grace.

"Hello sayau.., udah makai nuan?"
"Empai, legi lah ku makai agi sibuk meresa patient ku"
"Erm.., anang enda makai ar?"
"Auk tuan legi aku makai, tu benung meresa urang padam ke talipaun nuan"
"Auk, auk, muahh"

Stefan alu madam ke talipaun iya alu tuchum,
Iya pan ngali kediri ba atas katil alu mejam ke mata enda sabar ka meda mua bini iya Grace pagila, malam nya asai ke panjai enggai pagi-pagi ari.

#Bertampung...