JALAI PENGERINDU

Tusun ke 18

TAJUK:JALAI PENGERINDU
DIKARANG:LIVEANNEROSE

Tusun ke 18

Jam nyau udah pukul 2 pagi tang seduai iya agi rancak berandau, mua seduai iya nyau bela mirah laban ke mabuk.
Grace nibuh kira laban ke pedih ati ngagai Cleventon nya iya ngasak amat ngirup.

Pub nya makin pagi makin rancak, lagu pan degum-degum munyi lagu.
Veanne amat iya ngirup ai bisa nya mayuh tang ulih tahan iya munyi ko jaku urang diatu.

Siku laki ke enda kelala mansang ngagai Grace alu nyendi senyendik ngagai Grace, Grace tu tadi nadai nemu utai udah kelalu mabuk nyau bertungkat dagu ba atas mija.

(Kitai ngena jaku iban aja auk amat ba menua urang putih huhu)

"Woi... Ucak anang ngengacau iya nuan"
"Nama deh jilis pia, nuan tau meh enggau aku bergagai"
Veanne ngaga mua kejik ninga jaku laki nya kira ke umur 5o bakanya laban ke enda entu tuai gamal.
"Nama aku Obo, nuan deh indu bajik?"
"Nadai pan aku nanya ke nama nuan, lari ari tu nuan anang sampai nuan pedih"

Laki nya mansang ngagai Veanne alu ngesuh ke nyawa iya ke bau antu.
Veanne alu angkat ari mangku nya tadi laban ke deka ngesai ke bulu siga iya ka berjamah.

Grace alu ketawa meda mua Veanne ke teberunsai baka ke ke baru ditelan urar sawa.
Laki nya tadi alu ka meh berinsah meda Veanne mai iya berinsah.
Urang bukai sibuk berjugit engka seduai iya sibuk baka manuk ke disabung urang.

Veanne alu deka mukut laki nya tadi tang disilat laki nya.
Veanne alu deka nginsah laki nya tadi tang iya asai ke bisi urang narit punggung iya.
"Pulai seduai kaban nuan"
"Nuan! Tiap kali aku ka berinsah nuan bisi jeja"
"Jampat bai kaban nuan diatu"
"Eday nuan nganjung iya, aku nulung nganjung kaban iya"
"Bah aram"

Ney... Nama penyadi urang ke ka berinsah nyau berkuruh laban kelalu mabuk, Grace tembu nyabak ngenang ke utai udah nyadi ba pengidup iya.

Laki ke nulung Veanne maya seduai ke dikacau urang mabuk 3 iku suba nya laki ke nda temu nama nya nama iya Edayson gawa Askar.
Eday enggau kaban iya tadi ke nulung Grace pulai nya Danny seduai iya benung cuti, dini dini endur Veanne sigi bisi Eday terpeda ke iya, engka sigi udah juduh seduai iya munyi ko bala laut.

Eday masuk ngagai simpang rumah Veanne laban iya kala nengkilun ke Veanne nya meh iya nemu dini endur rumah Veanne.

KUCHING SARAWAK

Makin ari kandung Tani nyau besai sebesai, ulah Jayriel pan nyadi senyadi.
Tiap iya mabuk iya ngangau ke nama Grace nyentuk ke Tani pedih ati belama ninga nama Grace pansut ari mulut Jayriel.

Pukul 3 pagi Jayriel pulai ke rumah, Tani nyau terdani ninga munyi pintu ditutup ke Jayriel memesai nya.
Tani alu angkat ari mangku sofa nya laban ke ari malam tadi nganti dia alu nadai atai-atai ga tudah Jayriel.

"Nemu ga nuan jalai pulai"
"Nuan... Anang mayuh jaku! Nemu.. A.. Aku mabuk bakatu"
Jayriel berjaku sambil jari iya ditunjuk tunjuk ke iya ngagai mata Tani sampai ke ka ngacuk leka mata Tani.
"Kemaya nuan ka badu ngirup?"

Jayriel alu nampar kuyu Tani, ni mulut Tani ditampar iya cekak iya.
Tani malu jari Jayriel laban nyepi ke diri pedih.

Pagi buta nya seduai ke berinsah laban Tani enggai alah biar iya ngandung nadai meh ngira.
Berterauh aja munyi nyawa seduai ke berperak pangan diri.

Orang ke sepiak kiba kanan ninga seduai ke belaya.
Gaji iya jai enggau bini iya ko keda bala orang ke damping rumah seduai.
Suba bini dulu iya dinsah iya baka jelu, nya penulah seduai iya pia ko urang, lapa enda malu ninga jaku urang bakanya.
Siku udah ngumbai nuan jai udah bisa jaku urang ke masin jaku.