JALAI PENGERINDU

Tusun ke 27

TAJUK:JALAI PENGERINDU
DIKARANG OLEH:LIVEANNEROSE

Tusun ke 27

2 BULAN UDAH NYA

GRACE

enda berasai perut ku makin besai laban bisi urang baru dalam din.., enda sabar mak ka meda nuan anak, bakani meh mua nuan.

Stefan pulai tengahari enda sampai lemai laban iya ke bus (boss) urang peneka iya meh ke ka pulai.
"Nama gaga anak apak iya?"
"rapar anak apak iya hihi.. "
"Nama ka empa seduai mak nuan deh sayau?" Stefan murus perut Grace udah nya sium iya ga perut Grace.
"Sulu..., aku ka makai sekelin nai.. "
"Sekelin aku enggai meh?"
"Ceii.. Lanyah endar enggau pengidup"

Stefan alu ketawa, pia mega bini iya Grace seduai iya bela bahagia maya nya.
Seduai iya pan nurun ke pasar ka ngiga nama utai empa Grace.
Datai di pasar Grace pan alu meli sekelin laban sigi nya ke sera nyawa iya.

Stefan ari jauh nganti, berpeluh aja asai iya taja bisi ikun (Aircord) ba Mall nya, Stefan ngasai kediri deka pitam lain endar asai iya, ukai baru iya bakanya tang ari suba tang iya enda nemu nama kebuah engka bai kelalu lelak gawa.

"Dah.., aram tua ngiga endur bukai"

Stefan agi mecal kening iya laban asai ke ka luput tang tarit iya seput dalam-dalam baru iya baik agi asai.
"Sulu.., ninga nuan?"
"Ah? Ehem.. Auk"
"Nuan enda ngiga pemakai kah sulu?"
"Legi ku ngiga"

Grace enggau Stefan bejalai berpegai jari ba Mall besai nya udah nya ngirup seduai iya ba endur urang ke bisi ngaga ai.
Grace alu mesan ai enggau kue kentang udah nya iya nanya Stefan tang Stefan mina nitih nama utai empa Grace.

Enda lama seduai ke duduk ba mija, ai enggau kue kentang seduai iya datai danjung urang ke gawa dia.

"Empa sulu" Grace nyuap kue kentang merening Stefan.

Stefan ngirup ai teh ke bisi leka utai nya(bubble tea), udah nya suap iya ga kue kentang tadi tang asai ke ka engkuar ga iya enda nyadi meh iya makai nya tadi ngelak ke bini iya Grace aja makai nya.

Makin ari makin Stefan enda nyamai asai ter lain endar asai iya,
Pulai iya ari endur gawa, iya alu nuju ngagai ngagai kedai kupi laban tadi iya bisi bertalipaun ngagai kaban iya mega Lutur baka Grace mina enda sama Sepital endur gawa.

udah iya marking ke kereta iya, iya pan bisi meda kaban iya Robin ari jauh duduk nganti iya ba mija.
"Eh akih! Lama nganti neh?"
"Enda ga, mesan ai dulu"
"Auk udah"

Enda lama udah nya ai iya pan datai danjung urang ke gawa dia,
Stefan ngirup ai iya dulu sebedau nanya kaban iya.
"Ya nama utai ka tanya nuan?"
"Ka nanya nuan aku tu ter asai lain, udu asai ka pitam, enseput enda meh manah, makai pan aku kurang ka ka mutah.., bah bakani ba runding nuan?"
"Nama nuan enda berperesa ba bini nuan empu deh?"
"Enggai aku iya ribat, enti bisi nama-nama utai tusah ati iya"
"Enti pia udah tu legi tua agai Sepital meresa nuan"

HOPE HOSPITAL (Nama bula)

"Bah.., gali nuan legi nganti udah ngena baju X-ray legi"
"Auk, nganti enda lama"

Udah nya Stefan ngali kediri empu ba tilam nya laban Robin ke ka nyeray iya,
Udah tembu nyeray Stefan, Robin alu ngasuh iya angkat bertukar baru.

"Legi tua meda nama utai bisi ba sentang ni ke bisi pedih"
"Auk nganti aku dulu"

Udah nya seduai pan ngagai endur utai ke bisi api terang nya ke sigi endur meda utai X-ray nya.
Robin alu nekap ke nya ba endur api terang nya, sekali bisi utai dipeda iya ba jantung Stefan.

"Nama nuan nginsap akih?"
"Auk, nama deh?"
"pagila kitu baru nuan auk"
"Auk, nama bisi utai pia? Ba sentang ni?"

Robin alu mai iya tama ngagai opis iya awak madah ke Stefan nama utai meri iya enda nyamai asai.
"Akih.., badu nuan nginsap enggai ke jantung nuan enda tan agi, peda nuan tu gambar X-ray nuan nya bisi masalah ba jantung"
"Pia.., nyadi bakani nya deh kih?"
"Nuan ngidap penyakit jantung koronari tahap 4 nemu!, nama nuan enda berubat ngelamatu?"

Stefan enda bermunyi mina ngelila ke Robin bejaku, asai ke petang dunya iya pengudah ninga Robin madah bakanya,
Dalam ati iya Ngarap kediri sempat meda mua anak iya ila.

Robin alu ngaga temu janji meseti atai baru pagila laban Robin mantau iya belama, taja pia Stefan enda ngasuh Robin madah ngagai Grace laban ke enggai meri ati bini iya tusah agi pan bini iya ribat.

Pagi siti iya ngumbai diri gawa madah ngagai bini iya Grace tang ngagai Sepital, semadi ka bula Stefan ngagai bini iya.

Tengahari nya Grace ka ngagai opis Stefan laban deka mai makai luar,
Datai Grace ba endur laki iya gawa enyau iya nanya penulung laki iya.

"Daisy, ni Stefan bisi dalam opis iya?"
"Eh puan selamat tengahari, nama bos ari pagi tadi nadai tama opis?"
"Pia.., nuan nemu dini endur iya?"
"Ermm.., iya madah bisi betemu enggau urang enda nemu lah sapa, agipun nadai pan senarai iya betemu enggau sapa-sapa dalam fail ku tu puan"
"Oh.., enda ngawa lah legi ku nguji bertalipaun ngagai iya"

Grace alu nguji bertalipaun ngagai Stefan tang berapa kali enda disaut Stefan,
Grace enyau ringat diri meda talipaun iya enda di saut Stefan.

"Ceii..., kini ke iya tu nadai nemu ngangkat ke talipaun ko ku"

Grace alu mayuh utai pikir engka laki iya betemu enggau urang indu nya iya enggai ngangkat ke talipaun.
Grace alu nyabak teritik aja ai mata iya, mar ga urang ribat tu kelalu jampat ka nyabak.

STEFAN

Udah tembu Stefan ke berperesa enggau Robin iya alu meda berapa iti miskul ari Grace enda di saut.
Stefan alu kesal ati, iya alu jejampat bertalipaun baru ngagai Grace.
Enda lama udah nya talipaun alu di saut Grace.

"Sulu.., minta ampun enda ninga tadi"
"Hal nuan nya, nyamai diting enggau urang indu nya nuan enggai nyaut, aku tu ribat enggai nyadi nuan ngembal ke aku ngasak amat nya meh nuan ngiga bukai!."
"Sayau.., ukai nya urang indu ar.., dini nuan diatu?"
"Ba opis nuan ditu ar!."
"Auk nganti dia dulu auk sulu"

Stefan alu nutup talipaun iya udah nya mejam ke mata nagang ai mata iya enggai ke naya.
Nadai agi indu kedeka ati aku sayau ter nuan aja meh manah dipeda mata ko jaku dalam ati Stefan.

Stefan alu tama ngagai kereta berumban ke bini iya Grace nganti lama ba opis din.
Nadai ngawa Grace nyangka iya ngumbai bisi indu ari nemu iya bisi penyakit.

#Bertampung...