JALAI PENGERINDU

Tusun ke 21

TAJUK:JALAI PENGERINDU
DIKARANG:LIVEANNEROSE

Tusun ke 21

SETAHUN UDAH NYA,

pengerindu kami duai Stefan sempama baka bungai ngerembai maya pagi,
Aku sayau ke iya, iya mega sayau ke aku..
Apai indai aku pan udah nemu jerita aku ke diau ditu.., jerita aku ke pansut ari rumah Crisnie nyentuk ke aku besulu enggau Stefan apai indai aku nemu.

Tang ati aku ditu agi enda nyamai laban apai aku benung raya sakit, bai penyakit iya ke ampus nya meh iya bakanya..,
Penyakit ampus tu ukai bangat tau bai ngereja kelalu lelak enti enda pia enyau sengah-sengah iya narit seput bekena ke utai pemancit mulut nya.

Sari nya masuk wad iya laban kelalu ampus, datai din alu tangkup urang meh tudah apai aku.Nyabak aku ninga indai aku madah ke apai aku pasuk ke urang agai wad tang ukai aku ke ngubat apai aku taja aku Lutur.

Aku madah kediri deka pulai tang apai aku enda ngasuh.., "agi kering aku tu umang anang irau nuan" pia ko jaku iya.
Indai aku madah apai aku majak kurus sekurus enyau peda magang tulang dada ko indai aku, dini aku enda nyabak ninga apai aku bakanya.

Saritu aku cuti laban ke deka pulai ngagai Sarawak nyenguk apai indai aku, Stefan ke bendar ngemai aku ngagai Sarawak anang peduli ke jaku apai aku. Urang tuai sigi bejaku bakanya enda ngasuh pulai enggai ke ngacau pengawa ko iya tang dalam ati sida iya ngarap ke kitai anak datai nyenguk laban sida iya enda betah kitai, enti sida iya parai pagila lusa badu kitai meda sida iya.., ka kini menua kitai ngiga nadai meh nya meh kitai anang enda nyenguk meda sida iya ke agi apai indai kitai agi bisi ba dunya.

Kami duai Stefan udah ba Airport London ditu nganti jam ke cukup endur tama ngagai  dalam bilun.

(Talipaun Grace berbunyi)

"Hello nama utai?"
"Bertalipaun enti udah datai ba Sarawak"
"Auk, nama gaga baby Elria deh?"
"Tinduk iya udah nusu"
"Auk.., kasih udu anak aunty nya, udah meh nya bye"
"Auk, bye.. "

Elria anak Veanne enggau Edayson berumur 2 bulan, indu lala seduai iya tembu tinduk pama udah mandi nusu tinduk meh kerja iya.
Edayson udah pulai kerja ngagai Kuala Lumpur baru endur iya gawa, enti bisi masa cuti seminggu pulai ke London baru meh Eday enda betah bini anak.

KUCHING SARAWAK..,

Grace enggau Stefan selamat datai ba Kuching pengudah mayuh endur sangkai, pengelelak nibuh sebut nya amat meh datai ngusung apai indai.

"Bisi meda sida iya sulu?" Grace nanya Stefan laban iya ke ginau-ginau ngiga apai indai iya.
"Nadai ku meda"

Nyawa dua iku nembiak rerauh ngangau ke nama Grace ari jauh, Grace nemu sapa ngempu nama nya sigi madik iya dua iku nya.

"Kakak!.. " ko seduai iya jengkak-jengkak gaga meda madik tuai seduai datai.

"Apu.., sigat amat menantu tua nya" Connie tetuchum madah ke laki iya tang mata agi enda belilat merening Stefan.
"Ni aku sigat?"
"Nai.., ya lapa enda sigat deh, udah tuai sigat meh semampai meri patung aku gegetak nyentuk ke enda ulih berdiri lama"
"Enyau madah kediri pedih patung" Gomez ngilik ke palak alu tuchum.

Grace seduai Stefan mansang ngagai sida ke nganti ba mangku duduk.
"Sapa deriba kereta tadi?"
"Eh.., apai nuan meh.. Aku tu ukai nemu"
"Haha.. Kiut mai, bah aram kitai legi menantu seduai deriba ke kitai"
"Ter pedih patung aku tu umang" Gomez ngangkat kediri ke deka berdiri tang patung iya enyau pedih.

Stefan alu nulung apai Grace ke ka nyadi entua iya enda lama da, Stefan alu ngema apai Grace nitih ke singkang sida ke bukai nya tadi nuju agai kereta.

Seminggu nya meh seduai Grace agi ba rumah apai indai iya nyentuk ke pengelengau ati.
"Kemaya seduai deka ngerami hal seduai deh anak?"
"Nya meh aku ka kitu apai ka bertanya ke utai kia, bakani ba runding nuan deh apai?"
"ya ba runding aku igat sigi ke dasuh aku jadi enggau nuan meh iya anak laban seduai lama udah begulai"
"Nya meh ko ku apai, bala apai indai aku udah nemu nya nganti ari duai apai indai bakani enti ngasuh ka meh kami dua ngatur utai kia".

"Kami dua apai nuan tu igat nadai mayuh leman tang tu aja meh ka padah ke aku agai nuan igat, Grace kala belaki tang laki iya jai udu nyamah iya nya utai kengai aku pama udah leju asuh pulai ngagai kami dua Grace ukai dijamah nyamai belaya dulu ari belaya dudi deh igat".

"Iya meh indai.., semua utai nyadi ba Grace udah ku temu laban kami dua bela udah nemu jerita siku-siku nadai utai dilalai, aku ka amat jadi enggau anak indu seduai nya"
"Kemaya seduai deh anak?"
"Laban kami dua ke agi bisi cuti pagila kitai terbai ngagai London kin laban apai indai aku deka ngerami nya din ko seduai iya"
"Auk.., pama utai enyau terebai ngagai Landan kin"
"Ukai Landan.., LONDON nemu"
"Eh.., sama meh nya"

Dia meh seduai iya ke bercekih ngija huruf London nya tadi.
Stefan alu minta diri laban ke deka bertalipaun ngagai apai indai iya madah ngasuh ngatur utai dulu.

Stefan alu angkat ari mangku sofa nekan talipaun iya ngiga numbur talipaun indai iya, nyadi dua iku nya tadi agi bercekih ke nyebut London ke betul.

"Bakani gaya tadi sulu?"
"Ka deh seduai iya"
"Auk baik meh nya, aku ngagai dapur dulu auk"
"Auk meh sulu, aku deka bertalipaun dulu ngagai mak madah ke ngasuh ngatur utai din dulu"

Grace mina natuk ke palak iya aja nunu ke dapur mai madik iya dua iku nya tadi.

Malam pengudah sida makai nya Grace enggau Stefan gali ba dalam pangking Grace ke lama udah enda endur Grace pengudah belaki suba.
"Bakani ko mak tadi?"
"Gaga meh mak seduai apak tadi, pagila seduai iya ngatur"
"Pagila kitai agai London kan?"
"Auk, ninga sulu nyebut London ingat ke duai apai indai bercekih ketegal nyebut Landan"
"Hahaha.., sigi dua iku nya"

Puas Stefan nagang diri ari ka ketawa tang enda alah tat ke agi enyau iya ke ketawa.
"Mali ketawa ke entua auk ahaha.. "
"Enda alah tat"
Dia meh seduai ketawa ke dua iku nya tadi ketegal enda nemu nyebut London nyadi Landan..

#Bertampung...