JALAI PENGERINDU

Tusun ke 14

TAJUK:JALAI PENGERINDU
DIKARANG:LIVEANNEROSE

Tusun ke 14

Liveanne enggau Grace datai ba rumah seduai iya alu pansut ari dalam kereta pengudah ke marking ke kereta tama dalam udah nya pagar nemu nambit kediri.

Grace alu terpeda ke Stefan berdiri ba mua pintu ngelila ke seduai iya baru datai.
"Aram.. Tama nadai manuk ku kena bebiau"
"Auk dulu nuan"

Liveanne alu ngelantak Stefan ke ngempang mua pintu, laban ke nadai endur tama.
"Jaga nuan abang nadai jalai iya legi"
Stefan mina tuchum taja jantung iya dedegup meda Grace.

Grace asai ke enda nemu dini seput iya laban asai ke enda enseput meda Stefan.
Nadai kala jantung aku balat amat pedih bakatu meda urang bukai ngelamatu pia ko anak ati Grace.

"Aram nitih ke aku niki katas ngagai pangking nuan"
"Auk anang guai"
"Engkah ke dia barang nuan awak ke aku mai niki katas laban berat nya" Stefan alu mansang ngagai Grace deka nulung mai barang Grace niki katas nuju pangking iya.

"Aku dulu, seduai dia meh berperening pangan diri awak kenyang nyamai kitai enda ibuh makai malam legi"

Stefan enggau Grace bela sama niki nuju ngagai pangking endur deka Grace diau.
"Nah.. Ditu endur nuan tinduk"
"Pey.. Lawa amai pangking tu"
"Biasa lah sapa ngempu rumah tu hahaha"
Stefan alu ngengkah ke barang kantung irit Grace ba depan nyemari.

Pagi siti nya Stefan nganjung Grace ngagai endur iya gawa semadi meh iya ngering ke ati meda Crisnie ba Sepital.
Datai ba Sepital Grace alu berterima kasih ngagai Stefan udah nya baru iya tama ke dalam Sepital.

Stefan tuchum alu nyau berkejang ari Sepital nya.
Grace baka biasa sebedau iya ngecik bala pesakit iya, iya ngagai bilik upis iya.

Grace alu pansut baru pengudah udah ngengkah ke kantung pigai jari iya.
Indu misi Dina mansang agai iya laban seduai iya sama-sama bisi pengawa baka selama.
Crisnie enggau Grace alu berpansa dia meh Crisnie alu nyindir Grace.

"Tampar enggau mua, nya meh laki iya nginsah kelalu dadak coi!."

Grace mina nyingkang ke kaki aja enda peduli ke Crisnie ukai bangat parai ninga iya nyindir.

Tengahari nya Cleventon atai ngagai Sepital deka ngiga Grace pemuas iya ngiga Grace kin kia iya pan terpeda ke Grace benung berandau enggau urang ba kaunter.
"Grace.. Kitu dulu"
Grace alu minta diri dulu ngagai Cleventon.

"Nama hal nuan ngangau ke aku?"
"Aram pansut enggau aku pia ngetu enda lama meh kita"
"Erm... Auk tang ba kantin Sepital ditu empu"
"Dia tau meh"

Seduai iya alu nuju agai kantin Sepital nya alu mesau utai dempa.
"Kati tau marik mak ku tau ba nuan?"
"Ya kati deh aku ga encuri iya, enda patut marik emas nya nemu berjalai kediri"
"Erm.. Kerajuk ke iya ga, Grace aku enda percaya nya nuan encuri marik nya sigi kaban madik ku nya"
"Ukai lah... Aku meh ke encuri nya"

Cleventon ngangkat ke mata iya katas laban Grace majak ni ko iya aja.
Cleventon sigi enda percaya ke nya Grace encuri marik nya laban ati iya kuat madah ke nya Carol ke encuri.

"Dini nuan diau diatu?"
"Dini endur aku ka meh nama hal nuan kiruh?"
"Anang bakanya ulih, Pulai legi aku ngambi auk?"
"Nibuh meh bisi kaban aku ngambi legi"
"Erm.. Auk meh tang enti bisi apa nama talipaun agai aku"

Crisnie meda seduai iya berandau ba mija tisi amat iya pan alu nuju agai seduai iya.
"Pulai legi enggau aku nuan legi bisi utai ka padah ngagai nuan"
Pia ko Crisnie berjaku tang mata iya enda merening ngagai Grace nyau baka ke berandau enggau dinding.

"Manah nuan bakanya sapa ngajar nuan berjaku enda merening mua urang?"
"Hal aku meh"
"Ngelaban baru iya nemu"
"Anang mayuh jaku nuan alai agai indu gila nuan Kelly nya"

Crisnie alu ngelintuk ke Grace udah nya baru iya nyau ngagai mija siti alu menyai urang sida nya legi.
"Anang ngambi ati ke Crisnie nya sigi baka iya"
"Ni ko iya meh asal ati iya puas"
Dalam ati Grace bula ngumbai iya ka enda nyabak, laban ke Crisnie nya sigi kaban iya ari sekul suba.
Dalam ati iya ter nadai sekali meh iya deka mencik kaban iya nya.

Grace seduai Cleventon alu pansut ari kantin Sepital nya pengudah seduai tembu makai ba kantin.
"Pulai dulu aku"
Grace enda nyaut utai ko Cleventon tang iya alu tama ngagai Sepital.

Cleventon mina tuchum aja meda gaya Grace, dalam ati iya Grace siku indu ti meri ati iya lelengau belama, sari enda berpeda enda nyamai ati iya,
Iya alu mulai kediri ari Sepital nya.

Pulai lemai nya Grace bertalipaun ngagai kaban iya Liveanne minta ambi.
"Nganti dia aja aku ka atai da"
"Auk.. Aku nganti nuan ba luar ditu"
Grace alu madam ke talipaun iya pengudah iya minta ambi Liveanne.

Enda lama udah nya kereta Ferrari sangkai ba depan Grace, Crisnie pan pansut ari Sepital nya madah ke Grace ngasuh nitih ke iya legi.
Crisnie alu nuju ngagai kereta iya, Grace pan alu tama ngagai sepiak Liveanne ke deriba.

"Nitih ke inya nuan legi nama enda utai deka padah ke iya"
"Nama enda ulih padah bakanya aja meh"
"Enda nemu iya nya"
Seduai alu berkejang ari nya nitih ke Crisnie ari belakang.

CORTEZ BEACH

Enda lama udah nya sida iya pan sangkai ba pantai nya.
Liveanne mina ngelila ba dalam kereta laban ke ka meri ruang seduai iya berandau.

Grace alu nuju ngagai Crisnie ke udah berdiri ba pantai ngais ke kaki iya ba ai nya.
"Nama utai bangat deka kerandau ke nuan?"
"Grace.. Aku sebenar amai aku enggai lah bermunsuh enggau nuan laban lain asai tapi nuan datai ngagai bilik aku nuan ngaga hal aku enda ulih nerima malu aku laban kaban aku encuri, purih kami nadai siku encuri nya agi aku ngasuh nuan nyauh kediri ari Cleventon enggai ke nuan pedih laban indu iya"

Crisnie ngetu berjaku tang iya enda merening agai mua Grace berjaku mina ke merening agai laut jauh kin.
"Aku enggai jaku mayuh Crisnie, dalam ati aku enda nyangka sekali aku tua nyau bakatu, aku sayau ke nuan tang nadai meh ngawa laban aku teleba dikengai ke urang, ila enti nuan udah nemu sapa ngempu hal tu nesal nuan, sebedau aku malik ke belakang aku deka madah ila-ila nuan minta kasih ke aku tang nuan mesti ingat aku ukai baka Grace ke lama suba"

Grace alu malik ke belakang alu neritik ai mata iya naya masah ke kuyu iya. Ukai nyamai belaya enggau kaban ke rapat enggau kitai, anang gik iya udah baka madik kitai empu.

Crisnie deka malik agai Grace tang iya asai enda ulih malik ngagai Grace, dalam ati iya telih.
Jaku Grace alu bermain aja ba untak iya.

Liveanne meda Grace mansang agai kereta nyabak ngendas ai mata mina ke enda bermunyi.
"Nama hal nya, nyabak meh awak ke ati nuan lantang udah nyabak"
Liveanne alu merap Grace ke nyabak nutup mua iya.

Liveanne alu masang injin kereta udah nya seduai iya alu ninggal ke pantai nya tadi.
Sepemanjai seduai iya ke berjalai deka pulai sepemanjai nya meh Grace ke nyabak sedan-sedan.

#Bertampung...