JALAI PENGERINDU

Tusun ke Sepuluh

TAJUK:JALAI PENGERINDU
DIKARANG:LIVEANNEROSE

Tusun ke sepuluh

HARI KRISMAS

JAYRIEL

pengudah Grace lenyau ari pengidup ku, aku enda nemu bakani deja madah ke ati ku.
Aku nguji deka bertalipaun ngagai Grace tang enda ulih engka ea udah nganti numbur ea.
Jayriel alu mikir deka ngagai apai indai Grace nanya ke kini penunga Grace taja ati ea berasai malu udah jai ulah enggau anak urang.

Kira berapa jam pia Jayriel atai ba Kuching endur apai indai Grace.
Ea alu nuju ngagai simpang rumah sida Grace, datai ea ba mua depan rumah sida Grace ea alu pansut ari dalam kereta nya.

Jayriel nilik ari luar laban pagar dikunci ari dalam.
"Oo.. Indai, ni kita bisi ditu?"
Enda lama udah nya pintu alu di tukang ke Connie iya nya indai Grace.
"Ya lapa nuan kitu,nadai ditu iya"
Dini ea indai ulih ku nemu endur iya?"
Connie alu pansut sekali nuju ngagai pagar.

"Nama kebuah deka nanya ke anak aku?"
"Indai...  Aku nemu diri empu salah tang aku minta saup madah ke aku dini endur Grace, aku cukup enda betah iya indai.. Kasih ke aku meh"
"Mayuh udu macam kita nembiak kemaya ari tu"
"Padah ke aku meh indai dini anak nuan indai"
"Din iya udah kerja ba Landan eh.. Kati ko nama nya ba London ehh.. Pedih udu nyebut"

Jayriel alu gaga ati pengudah indai Grace madah ke alai dini endur Grace.
Jayriel nadai meri ati iya tusah taja Grace ba London laban ea kaya,kini nuan sigi aku gagai.

Pagi siti Jayriel tumu dani laban deka ngerumban jam iya deka berkejang ngena bilun Air Asia.
Apai indai Jayriel bela bisi nganjung anak seduai iya ngagai Airport.
"Datai din bertalipaun anak"
"Auk, legi ku madah indai"
"Nyau aku mupuk dulu"
"Auk jimat igat" ko apai ea.

Seduai iya alu nambai ke jari ngagai Jayriel ke deka nitih ke singkang bini iya suba.
"Nasib meh anak tua nya udah nemu bebasa ke apai indai pengudah jadi enggau Grace"
"Nama meh berita endu nya? Taja Jayriel kelalu jai enggau iya tang iya agi kasih ke Jayriel"
"Cukup sayau menantu tua nya ketegal Jayriel mayuh macam, ngarap ke menantu tua pulai baru agai Jayriel" indai Jayriel alu tuchum.

AIRPORT LONDON

Jayriel datai ba London alu bertalipaun ngagai kaban iya Dizil laban ke alu diau ba menua urang ketegal kerja.
"Dini nuan akih?"
"Dini nuan ditu ku ba dalam kereta kitu nuan"
"Bakani numur kereta nuan aku kia"
"Kereta celum numur 681" ( numur bula)
"Auk ku kia"

Jayriel alu bejalai keluar nilik kereta celum pemuas iya nilik iya alu terpeda ke numur kereta nya tadi.
Dizil alu muka pintu kereta sepiak iya.
"Lama nganti tadi akih?"
"Enda ga lama tang bagi sulu ku lama haha"
"Nama sulu nuan bangat enda betah burung nuan pia akih hahaha"
"Mayuh macam nuan tu, bah aram tua"

Seduai iya alu berkejang ari Airport nya tadi alu pulai ke rumah Dizil.
"Legi aku ka minjau kereta nuan dulu legi akih"
"Auk pinjau meh, tu tau meh kena nuan legi"
"Auk kena aku bebeli ke barang"

Dizil mina ngeauk ke aja laban ke deriba kereta.

GRACE

ujung minggu bakatu aku nurun gawa laban ke nyadi lutur selalu mayuh pengawa kadang-kadang enda pulai sekali.
Pagi nya aku pulai dulu ke rumah laban deka mandi dulu.
Datai aku ba rumah Crisnie aku alu dulu meda Cleventon duduk ba mija luar benung ngirup.

Ari jauh iya udah tuchum-tuchun kediri merening agai aku ke baru datai.
Udah aku madam ke injin kereta aku alu pansut ari kereta.
"Nama utai bangat ke di tuchum nuan?"
Cleventon mina tuchum aja laban iya deka ngereja ke Grace.
"Nuan anang mayuh macam legi sepi hahaha"

Grace nyau geli ati meda Cleventon tuchum-tuchun baka urang ke dadak.
Grace ngilik ke palak iya deka tama agai bilik, sekali Cleventon alu nikau ke tepung ngagai palak Grace, udah meh tudah Grace baka nama nyau burak tepung magang palak, mua Grace.

Cleventon ketawa ngasak amat alu lari enggai ke Grace malas baru.
"Nemu nuan lari neh, anang lari nuan!."
"Anang!.. Hahaha encelegit"
Grace alu belanda ngagai Cleventon laban ke enda liat ati laban Cleventon.

Ari jauh apai indai Cleventon ngelila ke seduai bergagai laban tepung.
Ambih kamah luar rumah laban tepung seduai nya tadi.

Grace alu ngunsut sengunsut tepung ngagai mua Cleventon pia mega Cleventon nunda.
Seduai alu ketawa lelekik meda tudah mua seduai baka ke baru ditelan ular sawa.
Sekali Grace alu salah singkang alu ninggang Cleventon.
Grace muka mata iya lubah-lubah laban ke agi kesal ati.

Seduai iya alu berperening mata, Cleventon alu merening mulut Grace pia mega Grace merening mulut Cleventon.
Lama seduai iya berperening pangan diri alu empai angkat.
Cleventon alu tuchum nyium mulut Grace enggau lubah, Grace alu mejam ke mata ngelak ke Cleventon nyium mulut iya.

Grace alu malas pengawa Cleventon tadi, seduai iya nadai ngira urang agi pama udah bersium enggai muai masa.
Apai indai Cleventon tuchum-tuchun meda ulah seduai ke nadai sedar urang bisi ngelila.
"Enda lama bulih ucu aku neh"
"Eh! Apak hihi"
Cleventon enggau Grace alu angkat jampat tuchum malu.
Grace alu minta diri mandi dulu laban legi deka nurun gawa baru.

JAYRIEL

udah aku mandi aku alu deka bejalai bebeli ke barang kena aku sementara ke ngiga rumah kediri.
"Akih.. Nyau aku"
"Auk alai meh"
Jayriel alu nyapai kunci kereta ba atas mija udah nya masuk ke kasut.

datai iya ba pasar iya alu marking ke kereta sebedau berjalai.
Iya alu tama agai kedai kupi laban ke deka ngisi perut dulu rapar.
Udah iya mesan ai kupi enggau kue pancake urang putih iya alu duduk ba mangku sementara ke nganti kupi atai iya alu bertalipaun ngagai indai iya.

"Aloo.. Nuan tu anak?"
"Auk indai, tu numbur urang ditu laban udah tukar aku"
"Auk.. Bakani dia nyamai?"
"Nyamai iya ga menua urang"
"Auk berjimat ba dia"
"Auk udah nya"

Jayriel alu madam ke talipaun iya, ai kupi enggau kue iya pan alu datai.
Udah iya tembu ngirup iya alu mikir deka bebeli ke barang.
Udah lama iya berjalai kin kia, iya alu deka ngelayang ke seberai.

Asai ati Jayriel ter enda entu nyamai asai ke kesal ati lain,pala iya berasai bunggau maya ngelayang jalai ka ke seberai.
Sekali kereta ari kiri laju amat udah enda ulih tagang agi meda Jayriel berdiri ba tengah jalai alun.

Kereta nya tadi alu ngelantak Jayriel udah meh Jayriel nyau terpelanting baka utai ngapa udah di lantak kereta nya tadi.
Jayriel asai ke nadai berindik ba atas tanah, iya asai ke terbai tinggi.
Utai dipeda iya kabur enda jelas utai dipeda, Jayriel mina gali ngenat ke pemedih asai tubuh iya.

Nadai kala meh aku ngasai ke pemedih tu parai meh aku ko jaku dalam ati iya.
Jayriel alu mejam ke mata semina nyawa urang berterauh aja ulih dinga iya.

GRACE

Grace alu tama ngagai Sepital alu ngecik bala pesakit iya.
Ngecik siku alu ngagai katil siku nanya ke bakani asai bala pesakit iya baka ke pagi tu.

"Good morning .. How's grandma today?
"i'm fine"
"Oh .. Good, then, lie down first because I want to check Grandma's wound first"

Inek nya tadi alu gali laban ninga Grace ke ka meresa iya dulu.
Grace alu meresa telih ba perut inek nya laban ke dibai tancum duku benung ke nebas ba kebun sayur iya.

Udah tembu Grace ngecik inek nya tadi iya alu ngasuh indu misi ke sigi enggau iya kulu kili nyatat utai dipadah Grace.
Grace alu madah ke inek nya laban iya udah ulih pulai ke rumah,Grace alu ngasuh iya madah ke bala iya awak bisi ngambi iya.

#Bersambung...