JALAI PENGERINDU

Tusun ke 15

TAJUK:JALAI PENGERINDU
DIKARANG:LIVEANNEROSE

Tusun ke 15

                         AMARAN
JAKU TU PENUH ENGGAU JAKU URANG DEWASA!!

Liveanne enda ulih deriba enggau manah laban ninga ke Grace nyabak ba tisi iya.
Veanne alu nyangkai ke kereta ba tisi jalai dulu, udah ga nyau petang amat jalai sentang endur sangkai.

Veanne alu pansut sekali terpeda ke punduk bisi 3 iku urang laki kira ke 40 pia meh umur  benung rancak ngirup, butul ai bisa nyau tergaring aja ba tanah.
Sida tiga nya tadi alu malik ngagai Veanne ke pansut ari kereta udah ga Veanne berkena ke tancut jin pandak ngilah patung, baju singlet tancang tisi peda pusat.

Veanne alu muka pintu mah ke Grace laban iya ngasuh Grace ngambi angin dulu enggai ke luput kelalu nyabak.
"Aram... Pansut dulu anang kelalu nyabak"
"Nama bisi urang mabuk nyin ngai ku takut"
"Nibuh kira ke sida nya nuan aku bisi"

Grace alu pansut ari kereta alu merap Veanne nyabak sesedan udah nya iya narit seput ngambi asai senang mimit ba ati.

"Woi! Baby what are you doing?"

Veanne alu malik ngagai urang ke ngirup ba punduk nya ngewoi ke seduai iya.
"Ngewoi ke utai nuan ke dadak nya"
Veanne ngenat kediri ari ke ka ketawa pia mega Grace.
Veanne merening mua Grace bisi tuchum ninga iya ke nyaut urang ke ngirup nya.

Sida tiga nya tadi alu mansang agai seduai iya dia, Grace alu kesal ati meda sida nya alu mansang.
"Aram tua lari" pia ko Grace udah tama dalam kereta.
"Anang takut aku bisi, nuan dia meh dalam kereta nadai sida ulih ngacau tua ngetu ngambi angin ukai bisi ngacau"

Grace nutup pintu jari iya gegetak muka cermin kereta.
"Amat pama indu tu nadai nemu takut kati enti dirugul urang nya"
"Aku ga ngerugul sida iya hahaha"

Veanne alu mansang ke depan mua kereta pancar api kereta nya iya nyau baka ke urang dalam jerita tibi.
Veanne alu ngesai ke buk iya ke enda entu berapa panjai nya, Grace alu ketawa meda gaya Veanne ke agi lelanyah taja urang nya udah berdiri enda jauh ari iya.

"Why? Come on 3 by 1" ( nama? Kitu 3 ngelaban 1).

Sida tiga alu ketawa ninga jaku Veanne tadi ke ka mai berinsah.
Sekali atai kereta celum alu sangkai ba tisi sida iya nya tadi.
Pansut laki siku iya ga tinggi burak agi pey.. Baka antu tinggi hahaha... Mina ke sigat muah! Hahaha.. 

Sida tiga nya tadi alu mansang ngagai laki ke tinggi nya tadi udah meh sida alu berinsah.
"Ney.. Enggai urang berlaban enggau nuan hahaha"
"Nama meh setiap aku ka berinsah enda nyadi jeja"
"Anang ngumba kediri nuan peda nuan sida nya bebesai tubuh ni alah laban"

Veanne alu tuchum pengudah meda enggau ninga Grace udah badu nyabak.
Sida tiga nya tadi alu lari takut ke laki nya tadi nyepi pedih, mina ke kena tampar urang ba pala aja udah takut hahaha.

Laki nya tadi alu mansang agai Veanne bercekak pinggang.
"sapa nama nuan?" ( aku nukar jaku urang putih ngagai jaku iban)
"Liveanne, terima kasih"
"udah tu anang sangkai ba endur petang bakatu laban mayuh urang jai kitai enda nemu"
"Nuan ingat aku takut kah?"
"Nuan indu ni kering ngelaban tubuh besai"
"Nama nuan deka nguji"

Laki nya tadi alu tama agai dalam kereta iya enda lama udah nya jari iya babai agai Veanne baru nyau iya nyau ari endur sida nya tadi.
"Nemu ga nuan enggai ngelayan ku"
Veanne alu tama ke dalam kereta, Grace alu tuchum-tuchun ba mangku sepiak meda mua Veanne.

Veanne merening agai Grace enda lama udah nya nyau baka munyi antu kuril ketawa seduai iya.
Seduai iya alu nyau ari nya deka pulai ke rumah.

JAYRIEL