JALAI PENGERINDU

Tusun ke sebelas

TAJUK:JALAI PENGERINDU
DIKARANG:LIVEANNEROSE

                       AMARAN!!
CERITA TU MAYUH JAKU URANG BESAI!

Tusun ke sebelas

Grace agi sibuk meresa bala pesakit iya,  sekali ambulan atai ngemai pesakit ti balat bakar nyau penuh berdarah ba tubuh iya.
"Where's Doctor Grace? Hurry up and tell her there is a patient" Crisnie nanya indu misi ba Sepital dia laban Grace ngempu pesakit.

Indu Misi ke bernama Dina alu berguai madah ke Lutur Grace laban iya ngempu pesakit nya.
Dina alu madah ke Grace iya bisi pesakit ti balat bakar mesti ka diubat enggau jampat.

Grace alu berumban ngagai bilik kecemasan ka meda gaya pesakit nya.
"Pesakit nuan kena lantak kereta" Crisnie madah agai Grace tang ka iya nanya laban ke baka mua Jayriel, iya enda entu ngelala mua Jayriel.
"Pia.. Auk aku meda iya"

Grace alu tama ngagai bilik kecemasan sekali iya meda pesakit nya ter ukai urang bukai, berdegup laju jantung iya meda Jayriel penuh enggau darah.
Grace alu ngasuh penulung iya nyedia ke bilik bedah enggau jampat agi laban Jayriel mesti jampat di bedah.

Bala urang berumban nyedia ke utai ba dalam bilik bedah, Jayriel alu di pasuk ke ngagai bilik bedah.
Grace alu ngagai kabut iya endur bertukar garek bedah curak biru.
Penangkup mua alu ditangkup agai mua,buk iya alu di tancang.

Grace alu berumban nuci jari iya sebedau tama agai bilik bedah.
Udah iya tembu iya alu tama agai bilik bedah, iya narit seput laban enda sanggup meda laki ke kala dikesayau iya bertaruh nyawa.

Grace alu duduk ba mangku udah nya baru masa bedah mula.
Grace mina nebuk pala Jayriel laban penulung iya udah nulung muai buk Jayriel ngulih ke nyamai endur medah.

Grace alu ngukir dulu pala kulit pala Jayriel enggau maka celum awak senang endur iya medah legi.
Grace alu minta pisu kena iya medah kulit pala Jayriel udah nya iya alu meliak ke kulit pala Jayriel enggau Scalpel.

Udah nya Grace alu nebuk pala Jayriel, udah bisi lubang endur iya deka masuk ke utai kena narit utai anchur.
Grace ngetu enda lama sebedau masuk ke hus kena narit utai anchur ngagai pala Jayriel.

Udah nya baru iya masuk ke nya tadi, Grace alu ngasuh penulung iya nyabut utai kena narit utai anchur nya tadi.
Grace alu minta tiub kena nyedut darah nya keluar.
Lama iya nganti darah nya ke pansut udah nya baru darah nya bisi pansut.
Grace gaga ati laban iya ulih nyelamat ke mensia laban enti Lutur ulih nyelamat ke mensia sida sigi gaga.

Grace alu pansut ari bilik bedah alu nuci jari iya.
"Bakani gaya tadi?"
"Mujur meh baru lantang ati ku"
"Nama aku asai ke ngelala laki nya?"
"Enda meda nya laki aku suba nuan"
"Nai.. Patut asai ngelala"

Crisnie alu madah kediri deka sedia laban iya bisi pesakit deka dibedah udah tu legi.
"Bai.. Legi nuan minta ambi abang ku"
"Auk.. Legi aku bertalipaun agai iya"
Pengudah Crisnie Nyau nadai dipeda Grace alu mantup ke kening iya ba dinding laban terpaksa minta ambi antu tundi nya.

"What's wrong with your Grace Doctor?" indu misi Dina berkerut mua meda ulah Grace mangka ke kening iya ba dinding.
"Hah! Hihi i'm fine"
Grace alu jampat-jampat nyau ari nya enggai ke mayuh agi utai tanya Dina legi.

Lemai nya Grace deka pulai tang sebedau nya iya nuju agai bilik wad endur engkah Jayriel.
Grace tama agai bilik wad alu mansang nuju sepiak Jayriel.
Jayriel agi tinduk jenak laban engkah ke ubat bius tadi.

Dalam ati Grace bertanya nama kebuah Jayriel tau bisi ba London ditu.
Bisi ati siru ga Grace meda mua laki ke kala nyadi laki iya mina enda lama taja pia iya sigi enda ngaku deka pulai agi ngagai Jayriel.

Grace alu pansut ari bilik wad Jayriel laban ke ka pulai nangi ke Cleventon nganti lama.
datai Grace ba endur paking kereta iya alu terpeda ke Cleventon nginsap nyandih ba pintu kereta.

Ari jauh Cleventon udah sigat amat dipeda, bekena ke tancut panjai jin enggau baju panjai celum ke bisi butang kancin nya.
Grace alu mansang ngagai Cleventon enggai muai masa.

"Hai.. Lutur"
"Ya lapa deh? Nama deka berubat?"
"Ka ar nama deh? Bakani nuan enggau aku udah nya hmm.."
Cleventon alu narit Grace agai pintu kereta, Grace alu nyandar ba pintu kereta.
Cleventon alu ngunci Grace, kedua-dua jari iya alu bertaut ba kereta.

"Aram pulai"
"Lubah meh.. Empai saut nuan utai tanya aku tadi"
"Kin gek nai.. Nyawa nyau bau insap, badu nginsap keh kumbai manah nginsap jeja"
"Enti pia nginsap nama ga aku asuh nuan deh indu Lutur?"
"Mayuh gek penemu iya"
Grace alu ketawa laban lucu laban bagi iya lucu.

Cleventon muai insap iya alu diindik iya enggai ke danu Grace.
Cleventon alu ngangkat ke dagu Grace enggau jari tunjuk iya.
Mua seduai iya bela damping pangan diri, seduai iya bela meda mata pangan diri.

Cleventon alu nyium mulut Grace laban nyau tetenguk ke ka nyium mulut Grace.
Grace alu malas nyium mulut Cleventon, seduai bela berpayuk pangan diri.

Cleventon alu narit punggung Grace ngagai tubuh iya.
Pengangat tubuh Cleventon bisi dasai ke Grace.
Grace enda kala ngasai pengaga ati iya digaga urang bakanya.
Grace alu ingat ke Cleventon bisi pangan, iya alu nagang Cleventon ari majak nyium iya.

"Aram pulai lelak amat ku"
Grace alu tama ke dalam kereta alu narit seput iya dalam-dalam.
Nama meh nuan ngaga aku bakatu Cleventon taja nuan bisi pangan ko dalam ati Grace.

Datai di rumah Grace alu nengkuk pintu enda lama udah nya ulun sida iya Omel ke sigi lama udah gawa ba bilik sida Crisnie.
"Nama baka ke sunyi aja bilik?"
"Apai indai Crisnie bisi pengawa alu bermalam ba util, tama meh"
Grace alu tama ke rumah udah nya iya malik ke belakang meda Cleventon nyau baru enggau kereta iya.

Sunyi amat bilik urang ditu laban ke sida ke bela bisi pengawa.
Grace alu niki tangga deka mandi belelak ka tinduk.
Udah Grace tembu mandi iya alu bergarek enda lama udah nya iya ninga nyawa urang indu ketawa ari baruh alu damping munyi indu nya ketawa.

Grace alu nilik ari mua pintu sekali terpeda ke Cleventon enggau pangan iya berberap niki tangga.
Grace alu ngunci pintu iya alu terduduk nyandih ba pintu.
Amat iya ukai sapa-sapa ba pengidup Cleventon tang ati iya bisi berasai telih meda dua iku nya tadi.

Duai nya tadi alu mansa pangking Grace udah nya baru tama agai bilik pangking Cleventon.
Grace alu teringat ke maya iya meda Jayriel enggau Tani berberap.
Grace alu gali ba katil iya alu nutup pending iya ngena tali pending ninga ke lagu.

Pemuas ninga ke lagu Grace pan tinduk laban lelak bai gawa seari-ari tu.
Pagila deka bertemu baru enggau Jayriel laban ke baruh jaga iya.

Sebedau Grace tinduk iya bertanya ngagai iya empu, nama urang kedeka ati iya bisi pangan magang.
Bula Grace enda labuh ai mata ketegal meda Cleventon tadi.
Udah Cleventon nyium iya tadi udah nya nyium pangan iya mega.

Grace alu enggai agi kiruh ke ka gila utai meri ari iya telih, umbas meh utai udah nyadi suba enggai agi aku telih laban pengerindu.

#Bersambung...