JALAI PENGERINDU

Tusun ke enam

TAJUK:JALAI PENGERINDU
DIKARANG:LIVEANNEROSE

TUSUN KE ENAM

KUCHING SARAWAK

Pukul 4 lebih baka nya aku udah mandi nganta ke diri awak bajik dipeda Jayriel. Mua aku alu dikapur, mata di sido pia mega mulut aku di inci.

Minyak wangi alu dipancit ba belah jari, belah pegu awak ke bisi narit ati Jayriel.
Pengelama aku ke nganta lu nganti laki ke datai gawa aku semina duduk ati diri ba dalam pangking laban bisi ulun aku manduk lauk.

Munyi kereta atai nya sigi Jayriel, aku alu berumban nurun tangga nuju ngagai Jayriel.
"Hai.. Sulu"
"Eh.. Bau ndar rengut nuan sulu"
"Bau rengut ungkup nuan aja meh sulu"

Jayriel alu nyium kuyu aku enggau tuchum.
"Ulih ku enggau tinduk malam legi neh?"
"Ulih aja agi pun aku bini nuan mega"
"Terima kasih sulu"

Jayriel madah kediri deka mandi dulu sebedau makai malam.
Tani alu mut-mut mansa aku ke tuchum gaga duduk ba mangku sofa.
"Sulu.. Udah atai nuan pia.. Rindu ku agai nuan"
"Eh.. Anang migai ku nuan, nuan tu kini tadi bau antu!"
"Pey.. Sanggup nuan ngumbai aku bau antu!."
"Mandi nuan alai"

Aku mina tuchum ninga seduai ke belaya, peda meh auk Jayriel seduai indu nuan nya sigi belaya ketegal aku udah nuan muai indu nya aku pun lari ari nuan, anang ngumbai aku ngampun ke penyalah udah digaga nuan. Telih ati aku nadai ubat kena ngubat, tetiap lebam ba tubuh aku nadai ulih pulai manah maya aku bungas suba.

Ari bertukar ganti seduai ea selalu bercekih, Jayriel deka muru indu nya lari ari rumah kami dua tang indu nya nyabak minta kasih minta anang muru ea laban ke pengambih sayau agai Jayriel.

Sebulan udah aku meri Jayriel labuh pengerindu tang utai digaga aku munuh aku empu laban ati aku makin sayau ke ea, pengerindu aku agai ea majak nyadi.
Tusah ati aku enti majak bakatu aku enda sanggup agi nerus ke pengawa aku, aku sayau ke ea tang aku enda ulih muai pengingat maya ea enggau indu nya begagai ba depan mata aku.

JAYRIEL

makin ari pengerindu aku agai Grace makin ngerembai baka bungai. Taja pia aku mega sayau ke Tani laban ea dulu muka pintu ati aku.

Oo.. Grace tusah aku enti nuan majak munuh aku enggau pengerindu nuan. Deka aku ngelengka ke Tani tang aku enda ulih muai ea laban aku sayau ke ea, deka aku muai nuan Grace aku sigi enda ulih laban nuan cukup mentas taja aku udu datai jari ngagai nuan.

(Pulai jerita agai Grace)

Pagi siti Grace nemuai agai bilik apai indai ea.
"Nama nadai nemu berpadah atai umang? "
"Sigi enda madah aku indai awak ke nuan enda ngadang baka nya urang nya ila"
"Nama ko nuan umang? "
"Haha.. Nadai indai nundi nuan aja, ni apai deh? "
"Ba sayur ea belakang bilik din"

Madik aku dua iku nya Gloria enggau Cristian belanda ngelawa aku.
"Akak.. Rindu ku agai nuan lama udah enda kitu" Gloria merap madik tuai ea.
"Aku pia meh" pia saut Cristian.
"Tu kue seduai bai ke tama ke dalam bilik"

Seduai ea alu belanda tama bilik mai kue dalam kambut pelestik.
"Ni laki nuan deh umang? "
Apai Grace alu nuju ngagai Grace ngelawa anak ea atai nemuai.
"Ea sibuk apai bisi pengawa"
"Saritu ari enam gawa ga ea umang? "

Sekali ninga munyi kereta sangkai ba depan rumah.
Indai aku alu muka pintu udah nya alu besai meh nyawa ea.
"Apuu.. Nuan nya igat"
"Auk indai minta ampun laban enda sertai anak nuan"
"Nadai nya salah ar, aram tama bilik meh igat"

Nama ga nembiak tu nitih ke aku, sepemanjai ke jadi enggau pangan diri nadai ati ka kitu, ingat amat aku jaku ea ngenyai ke bilik aku meda ke enda besai baka bilik ea, ngisin kediri meda kaya alu deka renjan jaku.

"Duduk ditu tua igat"
"Auk apai"
"Indai.. Nuan duduk ditu, aku ngaga kupi dulu"
Connie alu duduk ba mangku sepiak laki ea.

Udah tembu aku ngaga ai aku alu ngemai ai ngena tabak sigi endur ngemai jak ai.
Ai alu tuang ke aku agai gelas siti-siti udah nya alu di rintai agai sida ea.
Aku duduk ba mangku bertungga mua enggau Jayriel.

"Lama aku nganti ucu aku tu deh igat"
"Hihi.. Aku sigi ulih meri ucu agai nuan apai tang sulu ati aku ke empai ka"
Sida tiga alu merening aku, ea ke amat balat agi nyeling ea nya indai aku, nemu-nemu meh legi.

"Indu tu nibuh kira.. Engka nganti kami dua apai ea udah parai baru ea ka"
"Indai.. Sengapa aja bejaku"
"Kami dua indai nuan udah tuai kemaya ke ngibun anak nuan umang"
"Empai maya ea indai apai laban ke bisi hal bukai"
"Ya nama utai hal bukai nya deh umang? "
"Nadai.. Hal kami dua aja nibuh tusah ati meh apai"

Jayriel baka ke nangi ke aku madah kediri kala diinsah ea. Tang jai ni aku nemu ga aku nyalam ke penyalah nuan.
Tang nuan anang enda malik ke belakang, anang nuan nguji deka main enggau aku.

Malam nya kami duai bela sertai pulai taja ngena kereta kediri.
Talipaun aku memunyi laban Jayriel ke bertalipaun.
"Nama.. "
"Nuan pulai dulu aku bisi pejalai ke bukai"
"Alai meh nuan"

Jayriel alu ngena jalai bukai, aku mina deka pulai laban lelak.
Datai aku ba rumah meda luar enggau dalam bilik nyau petang.
Malam nya aku mina kediri nadai Jayriel, indu nya aku enda kiruh ka kini penungga ea.

Pukul 1 pagi nya aku terdani ninga nyawa urang indu ketawa.
Aku nilik ari mua pintu aja enggai pansut laban ke deka nengkilun.
Sekali meda Jayriel merap dua iku indu nya tang ukai Tani indu bukai.

Sida tiga ea alu tama agai bilik peninduk Jayriel nemu-nemu meh pengawa urang pengindu sigi baka ukoi bersaki!.
Aku nyabak laban aku mikir ea amai-amai deka berubah ari pengindu tang nadai nya ulih dibuai ea ulah jai nya.

Pagi nya Jayriel mansang agai aku meda aku ke enda kiruh ke ea.
"Nama sulu reredu mua? "
"Nyamai malam tadi kan"
"Nyamai meh puas asai ea, enti nganti nuan kemaya meh"
"Kemaya nuan deka berubah ari ulah ti jai? "
"Nuan sapa deka ngajar aku? Nuan petara!."

Grace alu enda bermunyi ngiling ke pala ninga saut Jayriel.
"Ni nuan ke enggai ribat ke anak aku? "
"Cehh.. nya Tani asuh ribat"
"Ea ukai bini aku, nuan ke bini aku meh ribat ke anak aku"
"Dinga nuan jaku aku tu manah-manah, enti nuan berubah ari ulah ti enda manah aku sigi deka ribat ke anak nuan pia mega indu nuan nya buai ea ari idup nuan bakani? "

Jayriel ngilik ke pala bercekak pinggang alu mua ea redu-redu.
"Mayuh udu alasan nuan!."
Jayriel alu narit buk Grace kasar alu ditampar ea mua Grace berapa kali nyentuk ke mulut Grace nyau telih berdarah.

Grace deka ngelari kediri tang nadai ulih laban pengering urang laki ni ulih di laban.
Mua Grace di tumbuk ea enggau jari buku lima ea ni ke perut Grace, nadai kasih ati ea ninga Grace ke engkakai.

"Nuan tu ukai mensia tang pemunuh psycho!."
"Bejaku meh nuan!."
Jayriel alu mangka ke pala Grace agai bucu mija ba ruang bilik nya.
TAP! (munyi pala Grace terpantup)

Grace negu pala ea bisi basah sekali ea meda jari ea bisi darah.
Darah alu terus neritik labuh ninggang lantai.
Utai dipeda Grace nyau kabur petang, udah nya nadai utai dipeda nyau gali terlentang ba dia meh tudah Grace.

"Grace.. Dani aku minta ampun!."
Nyawa Jayriel minta ampun nya aja didinga ke Grace sebedau ea luput.
Jayriel alu jampat-jampat mai Grace tama kereta berumban agai sepital.

Datai ba sepital, Jayriel alu minta bala indu misi dia meresa Grace ke balat bakal ba pala ea, darah nyau neritik ba lantai sepital.
"Nuan enda ulih tama biar kami meresa ea dulu" Doktor Diana.
"Selamat ke ea Doktor"
"Auk.. Ni naka ulih aku nyelamat ke ea"

Jayriel kesal ati utai udah digaga ea. Ea nyabak duduk ba mangku luar nganti ka nemu gaya Grace.
Jayriel ngusuk buk ea ni ke tarit ea buk ni ke tampar ea mua ea empu, pandam ea dada bai pedih ati laban ke ea enda ulih nagang diri panas baran munyi ko sida laut.

# Bersambung...