JALAI PENGERINDU

Tusun ke 17

TAJUK:JALAI PENGERINDU
DIKARANG:LIVEANNEROSE

Tusun ke 17

Kelly bertalipaun ngagai Cleventon laban ke deka berunding ke tali pengerindu seduai iya nyau baka ke majak retai.
Cleventon meda nama Kelly ba skrin talipaun iya semadi ka meh iya nyaut.

"Nama utai?"
"Sulu.. Ulih tua bertemu lama amat asai enda bertemu enggau nuan"
"Ba dini nuan diatu deh?"
"Ba rumah ku empu ditu, kitu meh"

Cleventon alu madam ke talipaun iya udah nya alu masuk ke baju iya deka berjalai.

RUMAH KELLY

munyi kereta Cleventon sangkai ba luar ngasuh Kelly kesal ati, tang sebedau iya muka pintu iya nganta dulu.
Udah iya tembu nilik diri empu ba cermin iya alu berlanda nuju muka pintu.

"Sulu... Tama meh"

Cleventon tama agai bilik Kelly udah nya iya alu duduk ba mangku.
Kelly alu duduk ba sepiak Cleventon nyendik senyendik kediri ngagai Cleventon.

"Anang bakatu enda nyamai udu"
"Nama ulah nuan ter lain asai ku nyau enda baka suba pengerindu nuan ngagai aku pengudah indu nya datai?"
"Kelly.. Grace nadai campur hal tua ke bersulu.. Ulih enda nuan badu ngacau iya agi, kumbai nuan enda nemu aku sapa ngaga Grace dikumbai encuri!."

Cleventon alu nganu Kelly laban iya ngaga Grace bakanya.
"laban nuan udah enda sayau ke aku!."
"Ya!.. Aku enggai sayau ke nuan agi, nuan nadai ati empedu!."
"Sampai ati nuan madah aku bakanya! Sanggup nuan nganu aku ngenyai ke aku"

Kelly nyabak alu mandam semandam iya tubuh Cleventon laban bai pedih ati ninga jaku Cleventon.
"Nangka tu aja tua bersulu enggai agi aku nerus enti majak bakatu, aku ngena jalai aku nuan ngena jalai nuan, badu ngiga badu bertati"
"Sulu!.. Anang ninggal ke aku, aku sanggup minta ampun ngagai Grace enti nuan sanggup nerima aku baru"

Kelly nyabak ngasak amat ngagai Cleventon, ni ke narit lengan Cleventon enda ngasuh ninggal ke iya.
Cleventon ngesai ke lengan iya ke dipigai Kelly.

Cleventon alu tama dalam kereta berumban ninggal ke rumah Kelly.
Kelly terduduk nyabak ke Cleventon, Kelly alu ngila diri bertarit ke buk, ni ke keramak iya mua iya empu.

DUA BULAN UDAH NYA..

Grace lama udah nadai meda Cleventon nyau berasai sinu ga ati iya ke Cleventon laban lama udah enda meda iya sepengudah belaya enggau Crisnie.

Datai Grace ba Sepital iya terpeda ke Crisnie benung berandau enggau kaban iya.
Grace mansang ngagai Crisnie laban deka nanya berita Cleventon.

"Ulih tua berandau enda lama?"

Crisnie alu minta diri ba kaban iya laban ke ka berandau enggau Grace,
Crisnie alu reredu mua malik ngagai Grace.

"Nama utai?"
"Nama berita abang nuan, lama aku enda meda iya?"
"Nama kebuah nuan nanya ke iya, nuan ukai sapa-sapa ba pengidup iya kan?"
"Aku nemu aku nadai reti ba abang nuan tang aku mina nanya ke nama berita iya aja, nadai nya pedih endur nuan madah enda lama... Nama nuan bangat benci meda aku sampai aku tu dikeji nuan baka meda tai hah! padah ke aku jampat dini endur iya?

Grace alu megai tengan bau Crisnie, dua-dua berang iya ngusak tengah bau Crisnie laban kelalu pedih ati Crisnie baka nembiak.
"Iya... Iya.. " Crisnie malik kebukai nagang ai mata iya enggai ke naya.
"Iya nama?" Grace tetap maksa Crisnie madah ke iya.
"Iya ba rumah meh!." Crisnie alu nepis lengan Grace.

Crisnie alu ninggal ke Grace ba dia, iya alu nuju ngagai jamban.
Datai Crisnie ba jamban iya alu nunga cermin nyabak sesedan.
Crisnie udah nemu nya ukai salah Grace tang iya malu kediri udah jai enggau Grace.
Abang iya Cleventon ngiga sapa ke sengaja ngengkah ke marik emas indai iya ba baruh panggal Grace, enda nemu nya Carol kaban iya empu sengaja ngaga Grace kumbai encuri.

Crisnie nyabak aja nadai peduli ke urang nyema bisi tama kia.
Crisnie nyabak ukai ketegal Grace aja tang utai bukai meri ati iya sinu.

GRACE

jam udah pukul 6 lemai, aku pan minta danjung Veanne ngagai rumah Crisnie ka meda Cleventon.
Ari jauh aku udah meda kereta Veanne parking nganti aku.

"Veanne... Nganjung aku ngagai rumah Crisnie dulu auk?"
"Nama pejalai nuan kia?"
"Aku ka nyenguk Cleven dulu"
"Hmm... Auk meh, ka amat kia legi nuan ke malu"

Grace mina duduk aja ba mangku sepiak Veanne ke deriba enda bermunyi taja Veanne sepiak mucau-mucau ke iya ke ka kin.

Enda lama udah nya seduai pan atai ba rumah Cleventon.
Grace enggau Veanne bela pansut ari dalam kereta nekan tumbul lucing.
TING TONG!
enda lama udah nya ulun sida iya pansut muka ke pintu pagar.

"Tama meh umang"
"Auk terima kasih, ni Cleven bisi ditu?"
"Auk bisi tama meh"

Grace enggau Veanne alu tama nitih ke singkang ulun sida Crisnie.
Tama iya ke rumah nya ingat ke iya suba ke kala diau ba dia.
Apai indai Crisnie meda Grace datai tang enda bermunyi.

"Ni Cleven aku ka bertemu enggau iya"
"Pulai aja nuan endu laban iya enggai bertemu enggau sapa-sapa"
"Nama ga bakanya deh ayak?"
"Nuan tu enda nemu jaku amat, aku madah pulai, pulai meh!."

Cleventon ninga nyawa apai iya besai merak Grace tang iya mina mejam ke mata nagang ati iya enggai ninga nyawa apai iya nganu Grace tang iya mina berkurung dalam pangking.

Grace tekenyit ninga apai Crisnie merak iya, Grace alu nyabak laban ati iya keran amat deka bertemu enggau Cleventon.
"Enda lama aja pama meh ayak, aku udah enda betah iya lama enda berpeda"
"Aku enggai ngulang jaku agi, nuan endu nemu dini endur jalai pulai"
"Aram! Urang ngasuh pulai, pulai meh nama utai bangat ke tunduk nuan ngasak amat"

Veanne alu narit kasar lengan Grace ke nyabak.
Dalam ati Veanne cukup pedih ati iya meda hal nya tadi keingin ati iya udah lama apai Cleventon nya tadi dinsah iya.

Cleventon ninga Grace nyabak ba luar pagar rumah iya, iya alu jampat-jampat nyeling ba tingkap.
Cleventon nyabak laban iya mega rindu ke Grace tang iya terpaksa ngaga ati Grace benci meda iya.

Veanne alu nyuing ke stereng kereta iya deka mai Grace ngagai pub awak ke bisi lantang ati iya.

"Umbau nya nyabak pey.., iya tumpu ku keluar enggau nuan nya legi baka nembiak nyabak enda bulih utai kayam"

Grace ngendas ai mata iya laban ke ninga Veanne nganu iya enggai badu-badu nyabak.
Veanne ukai nemu ngaum urang enggau badas tang alu dianu iya urang.
Grace ke benung sinu nyau nadai ati deka nyabak pengudah Veanne ke nganu.

Veanne nyeling ngagai Grace sepengudah ninga Grace ke badu nyabak.
Veanne ngingat ke jaku iya tadi alu ka ketawa iya tang detat ke iya.

RED MOON CLUB

Datai seduai iya ba pub nya seduai iya alu pansut ari dalam kereta.
"Nama nuan mai aku kitu?"
"Kitu meh... Ngelantang ke ati nuan ke bangat telih nya"
Grace nyeling ngagai Veanne laban ke ngerajuk ke iya.

Tama seduai iya ngagai pub nya alu duduk ba depan kaunter minta ai Whiskey.
"Enggai aku ngirup nya"
"Anang ngengai kena nyuman ke telih ati nuan"
"Aku Lutur auk, enda tau ngirup ai bisa"
"Nama sangkut paut Lutur enggau ai Whiskey? Nadai bangat enda tau ngirup segelas dua nya"
"Enggai aku... "
"Apu... Nyah"

Veanne alu nanjah ai Whiskey ngagai palak Grace laban ke kerja nyaut iya aja-aja.
"Pey... Nuan tu!."
Grace alu nunda ke Veanne tadi, nanjah ai Whiskey ngagai palak Veanne.

Seduai iya alu ketawa lelekik, sambil ngirup sambil berimbul ke pangan diri.
"Hey, hey ladies" Laki ke ngaga ai nya ngerara seduai iya.
"Nama! Nuan ka tampar enggau cawat basah?" Veanne.
Laki nya bebengap enda nemu jaku Veanne tu tadi

Veanne enggau Grace berperening pangan diri enda bermunyi, enda lama udah nya setat baru seduai ketawa lelekik ke jaku Veanne nganu laki nya tadi.

Veanne merening ke tisi ngagai mija tisi amat asai ke ngelala iya mua laki nya tang dini iya meda.
Veanne mina nyingit ke mulut iya tanda iya enda kiruh nya sapa.
Seduai iya alu ketawa ngenyai ke mua urang ke ba pub dia, meda ke seduai aja nemu jaku iban ba dia ni ko seduai iya meh ngenyai ke mua urang ke udah mabuk dia.

Laki nya tadi alu tuchum meda ulah seduai ke ketawa lelekik.
Laki nya ngilik ke palak laban ke ninga nyawa seduai iya rerauh ketawa ngenyai ke mua urang, enda seduai iya nemu laki nya tadi nemu jaku seduai iya.

#Bertampung...