JALAI PENGERINDU

Tusun ke 19

TAJUK:JALAI PENGERINDU
DIKARANG:LIVEANNEROSE

Tusun ke 19

LIVEANNE

kini enda indu tu ter nadai nyaut nyaut talipaun,
Enda lama udah nya talipaun Veanne alu bermunyi.
"Ni nuan... Ter nadai nyaut sekali ko ku"
"Hello.. Aku tu Crisnie, aku deka madah Grace tama wad"
"Nama ga iya?"
"Datai ditu legi aku madah"

Veanne alu minta ba Crisnie alamat Sepital endur Grace dipasuk ke urang.

Beberapa minit udah nya...,

Veanne alu nuju ngagai lift, datai ba tingkat 3 pintu lift alu terbuka.

"Nuan Crisnie kan?"
"Auk aku, nuan sapa Liveanne kah?"
"Ya aku meh tu, nama ga Grace masuk?"

Crisnie mina enda bermunyi, palak iya mina di tunduk ke iya.
Veanne ninga Crisnie munyi nyirut ke insak,
"Nama ga nuan nyabak?"
"Grace luput laban abang ku udah nadai"
Crisnie alu nyabak merap Veanne.

Veanne tekenyit maya Crisnie ke merap iya alu nyabak ngasak amat.
Taja ati aku enggai meda nuan Crisnie tang maya tu ati aku siru meda nuan nyabak ketegal urang ke disayau nuan udah midang pegi ninggal ke kita sebilik, kelebih agi Grace.

Veanne nilik ari cermin bilik wad endur Grace sekali terpeda ke Grace muka mata iya, Veanne alu nulak Crisnie ari ke merap iya nyabak sesedan.

Veanne alu tama nuju ngagai Grace ka nemu bakani asai ati Grace.
"Hai sulu.. "
"Veanne... Cleven"
Veanne alu mampul mulut Grace ari nerus ka jaku iya enggai ke Grace balat tusah ati.

Veanne merap alu nyium palak Grace nguji nyenang ke ati Grace.

Pagi siti udah nya...

Semua kaban belayan sida Crisnie datai maya ari pemarai Cleventon kepenudi iya,
Bala mayuh nyabak sesedan nunga bangkai Cleventon.

"Mua nuan cukup sigat tang sayau nuan bujang bangat enda panjai udu seput nuan, andal ngapa ati aku anak ngira aku tuai ila nuan bisi ngimpun nyaga kami duai apai nuan, enti baka ulih penyakit nuan ulih diganti udah aku berkeradai ngiga duit berpuluh ribu asal meh nuan gerai ari penyakit nuan nya anak sayau mak.. Sanggup nuan ninggal ke mak anak.. Adik nuan nadai urang ngemata ke iya nadai nyaga iya.. Manah-manah meh nuan ba dunya baru, Tuhan lebih sayau ke nuan anak asi mak.. "

Jaku indai Cleventon mayuh meri bala ke dia nyabak ninga indai Cleventon,
Grace mega enda dapat agi berjaku mina ai mata iya aja naya masah ke kuyu iya.

Veanne merening siku-siku mua urang ke nyabak, udahnya Veanne malik ngagai Grace ke mina nyabak udah nya alu diberap iya.

Veanne enda nemu bakani deka nyabak laban ati iya mina kusung aja laban ke enda entu ngelala Cleventon, tang maya Veanne ke malik ngagai bangkai Cleventon.. Ati iya berasai sinu meda Cleventon bangat kasih nenumu nya ke parai.

2 BULAN UDAH NYA..,

  Grace agi begulai seatap enggau Veanne laban Veanne maksa iya awak enda ngiga rumah sewa kediri nya meh Grace nitih ke jaku Veanne.

Grace tiap ari mina nerus ka pengawa iya ke nyadi Lutur, ari gawa iya ulih ngubat ati iya ke enda betah Cleventon bersari-sari.

LIVEANNE

pagi tu aku mina siku aja ngirup ba kedai kupi laban ke ari enam, Grace sibuk enggau pengawa iya.

Bisi siku laki begulai enggau kaban iya siku da mansang duduk ba mija sepiak enda jauh ari Veanne.

Dalam pikir Veanne asai ke kala meda laki nya tang iya enda nemu dini,
Seduai laki nya tadi berandau sambil nyenyeling ngagai Veanne ke duduk siku aja ba mija nya.

Veanne berasai bulat ati iya meda gaya dua iku nya ke nyeling belalai.

"Legi sepi asai seduai anang deka ketawa rerising ngelik rangkai"

Edayson mina tuchum nyeling belalai ngelila ke Veanne, pia mega Danny amat iya bisi ati ngagai Veanne tang iya nagang ati laban nemu Edayson kala madah kediri bisi ati ngagai Veanne.

Veanne alu angkat nuju ngagai jamban laban ke ka nilik diri dulu sebedau pansut ari kedai kupi nya.

Edayson alu angkat nitih ke Veanne nuju ngagai jamban.
Lengan Veanne alu ditarit Edayson nyentuk ke iya bersandih ba dinding.
"Woi!.. Nuan gila kah?"
"Auk.. Aku gila laban nuan"
"Kasih utai jai, ngelala nuan enda ga aku"
"Jai endar lintan dalam nuan neh, enti nadai aku nganjung nuan pulai ari pub maya nya keni enda seduai kaban nuan dikerja ke urang bau antu"

Veanne baru teringat ke maya nya, patut meh iya berasai lain.
Taja pia Veanne enggai kiruh laban keras kepala.
"Aku peduli ke nuan nulung aku ke enda, nadai urang ngasuh nuan nulung aku kan?"
"Mulut nuan nya amat nadai lesen sekali neh?"
"Ni ko ku meh nuan kiruh nama hal?"

Edayson alu nyium mulut Veanne ari terus berjaku laban makin iya nyaut makin meri ati Edayson enda gidan.

Veanne alu enda bermunyi maya Edayson ke nyium iya...

Rumah Veanne,

Grace datai ari gawa dambi Stefan, seduai iya bela tama ngagai rumah ngiga Veanne tang nadai ga nyaut.

Stefan alu bertalipaun ngagai madik indu iya ke paling dikesayau iya nya.
Lama diri iya ke nganti talipaun iya ke disaut Veanne udah lama nya talipaun iya disaut.

"Dini nuan?"
"Bisi pengawa aku, ni Grace deh?"
"Baru datai kami dua iya pulai jampat keh!."
"Auk, auk raya!, nadai tau bejalai malam sekali"
"Pulai jampat!."

Veanne alu madam ke talipaun iya ringat ketegal madik laki iya ngasuh pulai jampat.
Veanne alu mai Edayson pulai ari panggung wayang nya.

"Aram pulai tua enda alah gila urang ke ba rumah legi"
"Sapa nganu nya?"
"Madik laki ku nya meh, ter enda rindu sekali!."
"Ermm... Sigi baka madik laki meh nya"

Edayson alu nyukil dagu Veanne laban ke enda geram meda gaya Veanne ke benung pedih ati.
Sebedau seduai iya tama ngagai kereta Veanne, seduai iya alu bersium mulut kena nyentuk ke ati ngagai pangan diri ngelamatu.

"Dini Veanne diatu?"
"Pejalai iya meh nya, mandi dulu nuan legi makai sertai"
"Auk meh"
"Anang guai nganti dulu"

Stefan mansang ngagai Grace tuchum-tuchun ke deka nyium Grace,
Grace alu tuchum nganti ke disium Stefan.
Seduai iya alu berbalas nyium mulut pangan diri.
"Malam tu aku tinduk enggau nuan auk?"
Stefan alu ngenyit ke mata sepiak iya ngagai Grace.
"Ulih meh enti nuan enda malu"
"Dini ku ngira"

Grace alu ketawa meda gaya Stefan ke meri ati iya geli.
Grace alu minta diri mandi dulu ngagai Stefan enggai ke Veanne meda seduai ke bakanya.

#Bersambung...