JALAI PENGERINDU

Tusun ke 26

TAJUK:JALAI PENGERINDU
DIKARANG OLEH:LIVEANNEROSE

Tusun 26

SETAHUN UDAH NYA

Nyambut taun baru ke deka atai amat rami ba London, perecun api bisi perecun percik katas bisi rindu meda.

Ba siti jambatan seduai Grace enggau Stefan berdiri entawai ba pagar jambatan nya ngelila ke jam besai ba dinding bangunan tinggi amat nya deka nunjuk pukul 12 tengah malam.

"Sayang diatu pukul 11:48,nama utai disampi ke nuan awak ke bulih berkat sepengudah jam pukul 12:00"
"Auk tua sama-sama mejam ke mata bela bersampi dalam ati, 1,2,3 pejam mata"

Seduai iya alu berpejam ke mata bersampi dalam ati awak ke taun baru deka atai enda lama agi meri pengelantang serta Tuhan merekat ke pengidup sida iya.

Udah seduai ke bersampi, seduai bela muka mata udah nya seduai iya alu tuchum merening pangan diri,
Stefan merap Grace ari belakang, dagu iya panggai ke iya ba tengan bau Grace.

Grace alu tuchum gaga ati nyepi diri dikesayau ke Stefan,taja pia Cleventon sigi selalu ba pikir iya.
Bala urang mayuh ba baruh ngerami taun baru ke deka atai.

Semua urang alu ngira saat jam nya mula ari 10,9,8,7,6,5,4,3,2,1 TING TONG! Ko munyi jam besai ba dinding nya nunjuk ke tepat pukul 12:00 tengah malam.

Perecun pun alu di tucul sida iya terbai katas alu bisi tulisan Selamat tahun baru dalam jaku english HAPPY NEW YEAR.

Grace alu merap Stefan nyabak gaga, Stefan merening mata Grace ke berai nyabak nya.
"Nama bini ku nyabak?"
"Nuan mesti tekenyit pama aku madah legi"
"Nama utai nya, padah meh.. "
"Aku, aku... " Grace ngetu enda berjaku laban ke ka nundi laki iya Stefan, mua Stefan nyu baka ke ka nyabak ditundi iya.
"Anang mayuh macam ar"
"Aku ngandung ke anak nuan 2 minggu udah"

Stefan tekenyit ninga Grace madah kediri ngandung ke anak iya,
Baru tadi iya bersampi ke seduai iya ngica ke bulih anak.., nya asai ke dalam mimpi iya ninga Grace madah ngandung ke anak iya.

"terima kasih Tuhan, terima kasih mega ngagai nuan sulu ati ku"
"Hihihi.., gaga neh?"
"Ka enda gaga.., terima kasih sayang, udah tu anang kelalu mancal ingat ke baby dalam perut"
"Mancal meh? Ke apai iya mancal keja mikah ke pah aku belama"
"Nadai nya salah mikah ke bini diri empu deh, nuan udah jadi enggau aku nyadi tubuh nuan udah ungkup aku aja ni ko aku meh ka bakani enggau utai ke sigi udah empu aku hmm.. " Stefan ngangkat ke bulu kening kedua-dua iti iya katas deka nundi Grace.

Grace alu berasai malu enyau mirah aja mua iya malu serta berasai gaga laban Stefan enda kala leju sayau ke iya.
"Anang nundi ku nuan"
"Nadai aku nundi deh, utai amat"

Grace malu mua majak mirah, Stefan alu nundi iya nicik punggung Grace, 
Grace alu geli diticik Stefan.
"Sulu nai.., geludi hahaha"
"Aram pulai tua enggai ke bala nganti lama"
"Bah aram hihi"

Seduai iya alu berpegai jari nuju ngagai kereta ke enda jauh endur seduai tadi.
Gelang ke diberi Cleventon suba enyau putus ari lengan Grace, Grace enda sedar ke gelang nya udah tanggal ari lengan iya seduai alu mulai kediri ngagai rumah Veanne nyambut ba rumah madik Stefan.

Kereta seduai iya alu bejalai enyau terindik ke gelang ka bebaka kaca nya, nadai meh gelang nya tadi pecah dindik kereta seduai iya.
Grace enggau Stefan ketawa aja dalam kereta laban ke begauk ke pangan diri.

RUMAH LIVEANNE

semua urang udah nganti seduai ke datai,
Semua udah duduk ba mangku sofa.., utai dempa udah sedia meh ba atas mija.

"Hi.., minta ampun lama nganti"
"Hmm.., atusah amai laban urang ke agi mabuk pengerindu, udah ga aku ngegerapar nya"
"Nadai ngasuh nuan gesak"

Veanne enggau Grace ketawa lelekik enyau baka seduai aja ke dia.
Mayuh sida iya nyambut taun baru ba rumah Veanne, apai indai Veanne entua Veanne apai indai Edayson bisi, laki iya Edayson bisi meh tang enda lama pagila pulai baru ke Malaysia.

Indai Grace enggau madik iya dua iku nya Gloria enggau Cristian bisi meh.
Semua sida iya bersampi dulu udah nya bersampi ke pemakai.
Udah sida iya tembu bersampi, Grace alu madah kediri ribat 2 minggu udah.

Semua urang bertempap jari gaga ninga rita Grace ribat.
Veanne nibuh kira agi laban je sigi jegit empu enda ibuh kira jengkak-jengkak alah gek anak iya.

JAYRIEL

Taun baru udah datai tang aku agi diau ba rumah jil ditu..,
Aku enda betah nuan Grace.., sepatutnya tua diatu nyambut taun baru begulai gaga nyadi laki bini.

Tang aku ngerusak ke semua nya, diatu nadai meh guna agi bekenang ke nya agi.
Ai mata Jayriel labuh masah ke kuyu iya, seput iya nurun niki laban bai nyabak.

Apai indai Jayriel selalu datai ngabas Jayriel,
Apai indai Jayriel madah ke bini iya Tani enyau gila di jaga urang ba Sepital gila empu.
Tang Jayriel tusah ati serta nesal ngenang ke anak iya enggau Tani bisi penyakit jantung belubang.

Ari nya ati Jayriel amat terbuka deka berubah,
Tiap malam tiap masa iya selalu bersampi ngampun ke dosa kala digaga iya ngelamatu.
Iya bersampi ke anak iya mega ke diberi iya nama Jasinta ngagai Tuhan.

Masa iya agi panjai ba dalam jil enda nemu bakani ba dunya luar,
Sehari-hari tudah duduk dalam jil begulai enggau pemakai dadah bukai.
Bisi malam nya iya kena dinsah bala ke enggau iya begulai setengah ka parai tudah iya enti Polis laun datai nyerara sida iya.

CRISNIE SEBILIK

Malam taun baru sida semina ngintu ba rumah aja nya pan enda rami,
Bersampi udah nya makai.., udah makai tinduk laban Cleventon nadai agi enggau sida iya ngerami taun baru baka ke ngelamatu.

Crisnie berdiri ba luar kurido(koridor) sambil meda nmke langit meda bintang berkelip maya malam.
Angin berpuput lembut, Crisnie nyabak enda betah abang iya.

Enti ngelamatu maya taun baru sida iya rancak laban bisi Cleventon ngerami ke sida iya, bala kaban Cleventon mayuh atai dibai iya.

Tang kali tu sida sebilik sunyi enyau enda rami nadai Cleventon.
Sida iya enggai bejalai kebukai semina deka nyambut ba rumah aja, laban ngarap ke Semengat Cleventon bisi enggau sida iya nyambut taun baru.

#Bertampung...